Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଉଜ୍ଜେନ ଏସପି ସଚିନ୍ ଅତୁଲକର ପୁଣିଥରେ ପ୍ରତ୍ୟାକ୍ଷାନ କଲେ ବିଗ୍ ବସ୍ ଅଫର

16/06/2019 at 6:32 PM

ମଧ୍ୟ ପ୍ରଦେଶ ଉଜ୍ଜେନ ଜିଲ୍ଲାରେ ପୋଲିସ ଅଧିକ୍ଷକ ପଦରେ ନିୟୋଜିତ ହୋଇଥିବା ସଚିନ୍ ଅତୁଲକର ନିଜର ଫିଟନେସ ଏବଂ ଆକର୍ଷଣୀୟ ବ୍ୟକ୍ତିତ୍ୱ ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି । ଏବେ ପୁଣିଥରେ ସେ ଚର୍ଚ୍ଚାକୁ ଆସିଛନ୍ତି । ଦ୍ୱିତୀୟଥର ପାଇଁ ସେ ବିଗ୍ ବସ୍ ଅଫର ପ୍ରତ୍ୟାକ୍ଷାନ କରିଦେଇଛନ୍ତି ।

ତାଙ୍କୁ ବିଗ୍ ବସ୍ ସିଜନ୍ ୧୩ ପାଇଁ ନିମନ୍ତ୍ରଣ ମିଳିଥିଲା । କିନ୍ତୁ ସାଶକୀୟ ସେବା ଏବଂ ବ୍ୟସ୍ତତାକୁ ନେଇ ସେ ଏହି ଅଫର ପ୍ରତ୍ୟାକ୍ଷାନ କରିଥିଲେ । ସଚିନ ମଧ୍ୟ ସଲମାନ ଖାନଙ୍କ ଜଣେ ପ୍ରଶଂସକ । ସୋସିଆଲ ମିଡ଼ିଆରେ ତାଙ୍କର ଲକ୍ଷେ ପ୍ରଶଂସକ ଅଛନ୍ତି । ଇନ୍ସଟାଗ୍ରାମରେ ତାଙ୍କର ୨ ଲକ୍ଷ ଫଲୋୟର୍ସ ଅଛନ୍ତି ।

ଗୁଗଲ ଏବଂ ୟୁଟ୍ୟୁବରେ ମଧ୍ୟ ଲୋକେ ତାଙ୍କୁ ସର୍ଚ୍ଚ କରିଥାନ୍ତି । ସେଥିପାଇଁ ବିଗ୍ ବସରେ ସାମିଲ ହେବା ପାଇଁ ତାଙ୍କୁ ଦ୍ୱିତୀୟଥର ନିମନ୍ତ୍ରଣ ମିଳିଥିଲା । ତାଙ୍କ କାର୍ଯ୍ୟ ଶୈଳୀ ପୋଲିସ ବିଭାଗ ପାଇଁ ଏକ ଦୃଷ୍ଟାନ୍ତ ସଦୃଶ୍ୟ । ସେ ଜଣେ ଆଦର୍ଶ ପୋଲିସ ଅଫିସର ।

ଫିଟନେସ୍ ପାଇଁ ସଚିନ ୩ ଘଣ୍ଟା ଜିମରେ ବ୍ୟାୟାମ କରନ୍ତି । ସଚିନଙ୍କ ଜନ୍ମ ମଧ୍ୟପ୍ରଦେଶ ଭୋପାଲରେ । ୧୯୮୫ ମସିହା ଅଗଷ୍ଟ ୮ ତାରିଖରେ ସେ ଜନ୍ମ ହୋଇଛନ୍ତି । ୨୦୦୭ ମସିହାରେ ୨୨ ବର୍ଷ ବୟସରେ ସେ ଆଇପିଏସ ଅଧିକାରୀ ହୋଇଥିଲେ । ତାଙ୍କ ପିତା ଜଣେ ଅବସରପ୍ରାପ୍ତ ବନ ଅଧିକାରୀ । ତାଙ୍କ ଭାଇ ଭାରତୀୟ ନୌସେନାରେ ଅଛନ୍ତି ।

   Related Posts