Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାକ୍ଷୀଙ୍କ ଲାଇଭ୍ ଭିଡିଓରେ ଧୋନୀଙ୍କୁ ଦେଖି ପୁଣି କମେଣ୍ଟ କଲେ ଚହଲ, ଲେଖିଲେ…

12/05/2020 at 3:43 PM

ନୂଆଦିଲ୍ଲୀ, ୧୨|୦୫ :  ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ସୋସିଆଲ ମିଡିଆରେ ଅଧିକ ସକ୍ରିୟ ରହୁନଥିଲେ ମଧ୍ୟ ତାଙ୍କ ପ୍ରଶଂସକମାନେ ମାହିଙ୍କ ବାବଦରେ ସମସ୍ତ ତଥ୍ୟ ସହଜରେ ପାଇଯାନ୍ତି । ଧୋନୀଙ୍କ ପତ୍ନୀ ସାକ୍ଷୀ ଅଧିକାଂଶ ସମୟରେ ଇନଷ୍ଟାଗ୍ରାମରେ ଧୋନୀଙ୍କ ବାବଦରେ ଫ୍ୟାନମାନଙ୍କୁ ଅପଡେଟ୍ କରିଥାନ୍ତି । ଏବେ କରୋନା ଭାଇରସ ପାଇଁ ସମସ୍ତ କ୍ରିକେଟର ନିଜ ଘରେ ରହିଛନ୍ତି । ଧୋନୀ ମଧ୍ୟ ରାଞ୍ଚୀସ୍ଥିତ ଫାର୍ମହାଉସରେ ପରିବାର ସହ ସମୟ ଅତିବାହିତ କରୁଛନ୍ତି ।

ସାରା ବିଶ୍ୱରେ ଧୋନୀଙ୍କ ଫ୍ୟାନ୍ ରହିଛନ୍ତି । ଏପରିକି ତାଙ୍କ ସାଥି ଖେଳାଳି ମଧ୍ୟ ମାହିଙ୍କୁ ସମ୍ମାନ ଦେଇଥାନ୍ତି । ଟିମ୍ ଇଣ୍ଡିଆର ଲେଗ୍ ସ୍ପିନର ୟୁଜବେନ୍ଦ୍ର ଚହଲ ଧୋନୀଙ୍କ ଫ୍ୟାନ୍ ତାଲିକାରେ ଆଗରେ ରହିଛନ୍ତି । ସେ ସାକ୍ଷୀଙ୍କ ଇନଷ୍ଟା ଲାଇଭରେ ଧୋନୀଙ୍କ ପାଇଁ କମେଣ୍ଟ୍ ଦେଇଛନ୍ତି । ସେ ଚାହାଁନ୍ତି କି ନଜର ଚହଲ୍ ଟିଭିରେ ଧୋନୀ ଅତିଥି ହୋଇ ଆସନ୍ତୁ । ଏହାପୂର୍ବରୁ ମଧ୍ୟ ଚହଲ ସାକ୍ଷୀଙ୍କ ଭିଡିଓରେ କମେଣ୍ଟ କରିଥିଲେ । ନିକଟରେ ସାକ୍ଷୀ କରିଥିବା ଇନଷ୍ଟା ଲାଇଭରେ ଚହଲ କହିଛନ୍ତି ଯେ, ଥାଲା ଓ୍ୱାନ୍ ମୋର୍ ଟାଇମ୍ ବା ଆଉ ଥରେ ଧୋନୀ । ଏହି ଭିଡିଓରେ ଧୋନୀ ନିଜ ଘର ବଗିଚାରେ ବସିବା ସହ ତାଙ୍କ ଝିଅ ଜୀଭା ଓ ଏକ ପୋଷା କୁକୁର ସହ ଖେଳୁଥିଲେ । ଅନ୍ୟ ଫ୍ୟାନମାନେ ମଧ୍ୟ ଧୋନୀଙ୍କ ଏହି ଭିଡିଓରେ କମେଣ୍ଟ କରିଛନ୍ତି ।

କିଛିଦିନ ପୂର୍ବରୁ ଚହଲ ସୋସିଆଲ ମିଡିଆରେ ଧୋନୀଙ୍କ ସହ ଏକ ଫଟୋ ସେୟାର କରିଥିଲେ । ଏଥିରେ ଧୋନୀଙ୍କ ତିଲ୍ଲୀ ଡକରାକୁ ସେ ମିସ୍ କରୁଥିବା ଲେଖିଥିଲେ । ସୂଚନାଯୋଗ୍ୟ, ଧୋନୀ ୨୦୧୯ ବିଶ୍ୱକପ ସେମିଫାଇନାଲଠୁ କୌଣସି ଅନ୍ତରାଷ୍ଟ୍ରୀୟ କ୍ରିକେଟ୍ ମ୍ୟାଚ ଖେଳୁ ନାହାଁନ୍ତି । ଏପରିକି ତାଙ୍କ ଅବସରକୁ ନେଇ ମଧ୍ୟ ଚର୍ଚ୍ଚା ଜୋର ଧରିଛି ।

   Related Posts