Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଟିକାକରଣ ଏକ କୋଟି ପାର, ଶୁଭେଚ୍ଛା ଜଣାଇଲା ସ୍ବାସ୍ଥ୍ୟ ବିଭାଗ
  • ||
  • ରାଜ୍ୟରେ ଦିନକରେ ସୁସ୍ଥ ହେଲେ ୪୫୮୭ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୬୭୧ ଡିସଚାର୍ଜ
  • ||
  • ଜୁନ ୨୪ରେ ବୈଠକ ଡାକିଲେ କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧି, ଦଳୀୟ କନ୍ଦଳ ନେଇ ହେବ ମାନସମନ୍ଥନ
  • ||
  • ଭଦ୍ରକ : ବ୍ରାଉନସୁଗାର ସେବନକୁ ବିରୋଧ କରିବାରୁ ମାରଣାସ୍ତ୍ର ଧରି ଗୋଡାଇଲେ ଯୁବକ, ୩ ଗିରଫ, ୧୦ ଗ୍ରାମ ବ୍ରାଉନସୁଗାର ଜବତ
  • ||
  • ଭୁବନେଶ୍ବର : କୋଭିଡ୍ ଦ୍ବାରା କ୍ଷତିଗ୍ରସ୍ତ ଅନେକ ଅର୍ଗାନ୍ ରହୁନି ସୁରକ୍ଷିତ – ଡିଏମଇଟି
  • ||
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଇଟ୍ଟାନଗର : ପୁଣି ଥରିଲା ଅରୁଣାଞ୍ଚଳ ପ୍ରଦେଶ, ଇଟ୍ଟାନଗରରେ ଭୂକମ୍ପ ଝଟ୍‌କା
  • ||
  • ଭୁବନେଶ୍ବର : କେନ୍ଦ୍ର ସରକାରଙ୍କ ନୂଆ ଗାଇଡ୍ ଲାଇନ୍ ଅନୁଯାୟୀ ବ୍ୟବହାର ହେବ ଷ୍ଟେରଏଡ୍ – ନିରଞ୍ଜନ ମିଶ୍ର
  • ||
  • ଭୁବନେଶ୍ବର : ଦ୍ବିତୀୟ ଲହର ଅପେକ୍ଷା ତୃତୀୟ ଲହର ପ୍ରଭାବ କମ୍, ତଥାପି ଜୋରଦାର କରିବାକୁ ପଡିବ ଟିକାକରଣ – ଜନସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ପାଟଣା : ଘରେ ଶୋଇଥିବା ବେଳେ କାମୁଡିଦେଲା ସାପ, ଚାଲିଗଲା ମହିଳାଙ୍କ ଜୀବନ
  • ||

ଉବେରରେ ଯାଉଥିଲେ ଡ୍ରେସ ଡିଜାଇନର: ଅଚାନକ ନିଆଁ ଲାଗି ସମ୍ପୂର୍ଣ ଜଳିଗଲା କାର, ଅଳ୍ପକେ ବର୍ତ୍ତିଲେ ମହିଳା ଏବଂ ଡ୍ରାଇଭର

14/01/2019 at 5:14 PM

ଚେନ୍ନାଇ ୧୪/୧ : ଚେନ୍ନାଇରେ ଜଣେ ଡ୍ରେସ ଡିଜାଇନର ଉବେର କ୍ୟାବରେ ଯାତ୍ରା କରୁଥିଲେ | ଅଚାନକ କାରରେ ନିଆଁ ଲାଗିଯାଇଥିଲା | କିଛି କ୍ଷଣରେ କାର ହୁତୁହୁତୁ ହୋଇ ଜଳିପୋଡ଼ି ପାଉଁଶ ହୋଇଗଲା | କେବଳ କାରର ଆକୃତି ହିଁ ରହିଗଲା | କାରରେ ନିଆଁ ଲାଗିବ କ୍ଷଣି ଡିଜାଇନର ପଲ୍ଲବୀ ସିଂହ କାରରୁ ବାହାରି ଆସିଥିଲେ | ଯାହାଫଳରେ ତାଙ୍କ ଜୀବନ ବଂଚି ଯାଇଥିଲା | ଦୁର୍ଘଟଣା ଜାନୁଆରୀ ୧୨ ତାରିଖ ରାତିରେ ଘଟିଥିଲା |

ଘଟଣା ପରେ ପଲ୍ଲଵୀ କମ୍ପାନୀ ବିରୋଧରେ ଅଭିଯୋଗ କରିଛନ୍ତି ଯେ, କଷ୍ଟମରଙ୍କ ସୁରକ୍ଷାକୁ ନେଇ କମ୍ପାନୀର କିଛି ଦାୟିତ୍ୱ ନାହିଁ | ଘଟଣାର ୧୨ ଘଣ୍ଟା ପରେ ମଧ୍ୟ ଉବେର କମ୍ପାନୀ କିଛି ପଦକ୍ଷେପ ନେଲାନାହିଁ | ତେବେ ଉବେର ଏହି ମାମଲାରେ ମୁକଦ୍ଦମା କରିବ ବୋଲି କହିଛି |

ଘଟଣାକୁ ନେଇ ପଲ୍ଲବୀ ଟ୍ୱିଟର ଏବଂ ଇନ୍ସଟାଗ୍ରାମରେ ପୋଷ୍ଟ କରିଛନ୍ତି | ସେ ଲେଖିଛନ୍ତି ଯେ, ୧୨ ତାରିଖ ରାତିରେ ସେ ଟିଟିକେ ଫ୍ଲାଏଓଭର ଦେଇ ଯାଉଥିଲେ | ସେତେବେଳେ ସେ କିଛି ପଡୁଥିବାର ଗନ୍ଧ ବାରି ଥିଲେ | ପ୍ରଥମେ ସେ ଭାବିଲେ ବାହାରେ ବୋଧେ କିଛି ପୋଡିଯାଉଛି | କିନ୍ତୁ ଅଚାନକ ତାଙ୍କ ଗୋଡ଼ାପଟେ ଧୂଆଁ ବାହାରିଥିଲା | ଧୂଆଁ ବାହାରୁଥିବାର ଦେଖି ପଲ୍ଲବୀ ଉବେର ଡ୍ରାଇଭରଙ୍କୁ ଗାଡି ଅଟକାଇବାକୁ କହିଥିଲେ | ଡ୍ରାଇଭର ସଂଗେସଂଗେ ଗାଡି ଅଟକାଇଥିଲେ | ଉଭୟ ପଲ୍ଲବୀ ଏବଂ ଡ୍ରାଇଭର ଗାଡ଼ିରୁ ବାହାରକୁ ବାହାରି ଯାଇଥିଲେ | ପଲ୍ଲବୀଙ୍କ ବୁଦ୍ଧି ଯୋଗୁଁ ଡ୍ରାଇଭରଙ୍କର ମଧ୍ୟ ଜୀବନ ବଂଚିଯାଇଥିଲା ବୋଲି ସେ ଉବେର କମ୍ପାନୀକୁ ଟ୍ୱିଟ କରିଥିଲେ |

ସୂଚନାଯୋଗ୍ୟ ଯେ, ପଲ୍ଲବୀ ଦକ୍ଷିଣ ଭାରତର ଜଣେ ପ୍ରସିଦ୍ଧ ଡ୍ରେସ ଡିଜାଇନର | ଦୁର୍ଘଟଣା ଘଟିବା ପୂର୍ବରୁ ପଲ୍ଲବୀ ଭୟରେ ନିଜ ହେଣ୍ଡ ବ୍ୟାଗ ଗାଡିରେ ହିଁ ଭୁଲି ଯାଇଥିଲେ | ବ୍ୟାଗରେ ଥିବା ତାଙ୍କର ପରିଚୟ ପତ୍ର, ଟଙ୍କା ଏବଂ ଅନ୍ୟାନ୍ୟ ଦରକାରୀ ସାମଗ୍ରୀ ପୋଡି ଯାଇଥିବା ସେ କହିଛନ୍ତି | ଏହା ତାଙ୍କ ଜୀବନର ସବୁଠାରୁ ଭୟଙ୍କର ଦୁର୍ଘଟଣା ଥିଲା ବୋଲି ସେ କହିଛନ୍ତି | 

   Related Posts