Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଆମେରିକାରେ ଥିବା ଭାରତୀୟଙ୍କୁ ଆଶ୍ବସ୍ତି, H1B ଭିସା-ଗ୍ରୀନ୍ କାର୍ଡ ପାଇଁ ମିଳିଲା ୬୦ଦିନ

2/05/2020 at 4:17 PM

ଓ୍ବାଶିଂଟନ୍ ୨।୫: ସାରା ବିଶ୍ବରେ କରୋନା ଭାଇରସ୍ ଆତଙ୍କ ସୃଷ୍ଟି କରିଛି । ବିଶ୍ବର ସବୁଠାରୁ ଶକ୍ତିଶାଳୀ ଦେଶ ଆମେରିକାର ସ୍ଥିତି ବେହାଲ ହୋଇଯାଇଛି । ଆମେରିକାରେ ଏହି ଭାଇରସ୍ ଯୋଗୁଁ ୫୦ ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି । ଏହାସହ ଅର୍ଥନୀତି ମଧ୍ୟ ପ୍ରଭାବିତ ହୋଇଛି । ଏଭଳି ପରିସ୍ଥିତିରେ ଆମେରିକା ପ୍ରବାସୀମାନଙ୍କୁ ଆଶ୍ବସ୍ତି ପ୍ରଦାନ କରିଛି ।

ଆମେରିକା ସରକାର H-1B ଭିସାଧାରୀ ଏବଂ ସବୁଜ କାର୍ଡ ଆବେଦନକାରୀଙ୍କୁ ଡକ୍ୟୁମେଣ୍ଟ ଦାଖଲ କରିବାକୁ ୬୦ ଦିନ ସମୟ ଦେଇଛନ୍ତି । ଯେଉଁମାନଙ୍କ ଡକ୍ୟୁମେଣ୍ଟ ଏପର୍ଯ୍ୟନ୍ତ ଦାଖଲ ହୋଇନାହିଁ ସେମାନଙ୍କୁ ଏହି ସମୟ ଦିଆଯାଇଛି । ଏଭଳି ଲୋକଙ୍କୁ ଆମେରିକାର ନାଗରିକତା ଏବଂ ଇମିଗ୍ରେସନ ସର୍ଭିସେସ୍ (USCIS) ଦ୍ବାରା ନୋଟିସ୍ ଜାରି କରାଯାଇଛି ।

ଏହି ନୋଟିସର ଜବାବ ଦେବାର ଅବଧି ଜୁନ୍ ମାସ ଶେଷ ହେବାରେ ଥିଲା । ତେବେ ସରକାରଙ୍କ ନୂଆ ନିଷ୍ପତ୍ତି ସହିତ H-1B ଭିସାଧାରୀ ଏବଂ ଗ୍ରୀନ୍ କାର୍ଡ ଆବେଦନକାରୀ ଆମେରିକାରେ ୬୦ ଦିନ ରହିପାରିବେ । ଏହି ନିଷ୍ପତ୍ତି ବିଷୟରେ ସୂଚନା ଦେଇ USCIS କହିଛି ଯେ, ଆମର କର୍ମଜୀବୀ ତଥା ସମ୍ପ୍ରଦାୟର ସୁରକ୍ଷା ପାଇଁ ଅନେକ ପଦକ୍ଷେପ ନିଆଯାଉଛି । ଏହି ସମୟରେ ଆମେ ମଧ୍ୟ ଇମିଗ୍ରେସନ ସୁବିଧାକୁ ଅପେକ୍ଷା କରିଥିବା ଲୋକଙ୍କୁ ସମସ୍ୟାରେ ନପକାଇବା ଏଭଳି କରିଛୁ ।

ସୂଚନାଯୋଗ୍ୟ ଯେ, ଆମେରିକୀୟ କମ୍ପାନୀଗୁଡିକ H-1B ଭିସା ମାଧ୍ୟମରେ ଅନ୍ୟ ଦେଶରୁ ବୈଷୟିକ ବିଶେଷଜ୍ଞଙ୍କୁ ନିଯୁକ୍ତ କରନ୍ତି । ଭାରତ ଏବଂ ଚୀନ୍ ଭଳି ଦେଶରେ ଅଧିକାଂଶ ଆଇଟି ପ୍ରଫେସନାଲ ଆମେରିକୀୟ କମ୍ପାନୀ ପାଇଁ କାମ କରନ୍ତି । ନିୟମ ଅନୁଯାୟୀ, ଯଦି H-1B ଭିସାଧାରୀଙ୍କ କମ୍ପାନୀ ତାଙ୍କ ସହ କଣ୍ଟ୍ରାକ୍ଟ ଶେଷ କରିଦିଅନ୍ତି ତାହାଲେ ସେମାନଙ୍କର ସମସ୍ୟା ବଢିଥାଏ ।

ଭିସା ଷ୍ଟାଟସକୁ ବଜାୟ ରଖିବା ପାଇଁ ତାଙ୍କୁ ୬୦ ଦିନ ମଧ୍ୟରେ ନୂତନ କମ୍ପାନୀରେ ଚାକିରି ଖୋଜିବାକୁ ପଡିବ । ଏହି ଭିସାର ସବୁଠାରୁ ବଡ ଲାଭ ଭାରତୀୟ ବୃତ୍ତିଗତମାନେ ନେଇଥାନ୍ତି । ଆମେରିକାରେ ପ୍ରତିବର୍ଷ ୨.୫ ଲକ୍ଷ ଗେଷ୍ଟ ଓ୍ବାର୍କର ସେଠାରେ ସ୍ଥାୟୀ ନାଗରିକତା ପାଇଁ ଗ୍ରୀନ୍ କାର୍ଡ ଆବେଦନ କରିଥାନ୍ତି । ଏଥିମଧ୍ୟରୁ ପ୍ରାୟ ୨ ଲକ୍ଷ ଲୋକ H-1B ଭିସାଧାରୀ ଅଟନ୍ତି ।

   Related Posts