Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଜାପାନକୁ ହୈଶେନ୍‌ ଭୟ: ୨୪ ଘଣ୍ଟାରେ ୮ ଲକ୍ଷ ୧୦ ହଜାର ଲୋକଙ୍କୁ ସ୍ଥାନାନ୍ତର କରୁଛନ୍ତି ସରକାର

6/09/2020 at 5:05 PM

ନୂଆଦିଲ୍ଲୀ ୦୬/୦୯:  ଜାପାନ ପାଇଁ ଆସୁଛି ଆଉ ଏକ ବଡ଼ ବିପଦ। ଭୟଙ୍କର ରୂପ ଧାରଣ କରି ଉପକୂଳ ଆଡ଼କୁ ମାଡ଼ିଆସୁଛି ଟାଇଫୁନ୍‌ ହୈଶେନ୍‌ । ତେବେ ଏହାର ଭୟାବହତାକୁ ଦୃଷ୍ଟିରେ ରଖି ଜାପାନ ସରକାର ବ୍ୟାପକ ପଦକ୍ଷେପ ଗ୍ରହଣ କରୁଛନ୍ତି । ରବିବାର ଜାପାନର ଦକ୍ଷିଣ ଓ ଦକ୍ଷିଣ ପୂର୍ବ ଅଞ୍ଚଳରେ ବାସ କରୁଥିବା ୮,୧୦,୦୦୦ ଲୋକଙ୍କୁ ତୁରନ୍ତ ସ୍ଥାନନ୍ତର କରିବାକୁ ଲାଗିଛନ୍ତି ସରକାର । ଏନେଇ ଜାତୀୟ ପ୍ରସାରଣ ସଂସ୍ଥା ଏନଏଚ୍‌କେ ପକ୍ଷରୁ ସୂଚନା ମିଳିଛି । ଏହିସବୁ ଅଞ୍ଚଳ ବ୍ୟତୀତ ଅନ୍ୟ ସ୍ଥାନଗୁଡ଼ିକୁ ୫.୫ ମିଲିୟନ ଲୋକଙ୍କୁ ମଧ୍ୟ ସ୍ଥାନାନ୍ତର କରାଯିବ।

ଜାପାନର ପାଣିପାଗ ବିଭାଗରେ ଜଣେ ଅଧିକାରୀଙ୍କ ଅନୁସାରେ, ହୈଶେନ୍‌ ଆଜି ୮ଟା ବେଳକୁ ଦେଶର ଦକ୍ଷିଣରେ ଅବସ୍ଥିତ ୟାକୁସିମା ଆଇଲ୍ୟାଣ୍ଡ ଠାରୁ ୭୦ କି.ମି ଦୂରରେ ଥିଲା । ଏହାସହ ଟାଇଫୁନ ହୈଶେନ୍‌ ୩୫ କି.ମି ବେଗରେ ଉତ୍ତର ଆଡ଼କୁ ମୁହାଁଉଥିବା ଜଣାପଡ଼ିଛି । ତେବେ ଯେଉଁ ଅଞ୍ଚଳ ଦେଇ ହୈଶେନ୍‌ ଗତି କରିବ ସେହିସବୁ ଅଞ୍ଚଳରେ ପବନର ବେଗ ଅଧିକ ରହିବ ବୋଲି ପାଣିପାଗ ବିଭାଗ ଅଧିକାରୀ କହିଛନ୍ତି ।

ଯଥାସମ୍ଭବ ସତର୍କତା ଗ୍ରହଣ କରିବା ସହ ସ୍ଥାନୀୟ ଅଧିକାରୀଙ୍କ ନିର୍ଦେଶ ପାଳନ କରିବାକୁ ଅଧିକାରୀ ଜଣଙ୍କ ପରାମର୍ଶ ଦେଇଛନ୍ତି । ଏହାସହ ଯଦି ପବନ ପ୍ରଭାହିତ ହେଉଥିବା ଅଞ୍ଚଳକୁ ପ୍ରବେଶ କଲେ ଆଉ ବାହାରିବା ସହଜ ହେବନାହିଁ ବୋଲି ସେ କହିଛନ୍ତି । ଅନ୍ୟପଟେ ସୋମବାର ସୁଦ୍ଧା ଟାଇଫୁନ୍‌ ହୈଶେନ୍‌ ପ୍ରଭାବରେ ପବନର ବେଗ ୨୫୨ କି.ମି ପ୍ରତି ଘଣ୍ଟା ଛୁଇଁବ ବୋଲି ଜଣାପଡ଼ିଛି ।

   Related Posts