ବେଜିଂ୧୨।୯: ଚୀନ୍ ପାଣିପାଗ ବିଭାଗ ରବିବାର ସାମୁଦ୍ରିକ ବାତ୍ୟା ‘ଚନ୍ଥୁ’ ଲାଗି ଅରେଞ୍ଜ ଆଲର୍ଟ ଜାରି କରିଛି। ବାତ୍ୟା ଏବେ ସମୁଦ୍ର ଭିତରକୁ ଚାଲିଯାଇଛି। ତେବେ ସୋମବାର ଝୌସାନ ଉପକୂଳରେ ଭୂ-ଭାଗକୁ ପ୍ରବେଶ କରିପାରେ ବୋଲି ଜାତୀୟ ପାଣିପାଗ ବିଜ୍ଞାନ କେନ୍ଦ୍ର ପୂର୍ବାନୁମାନ କରିଛନ୍ତି। ଚୀନ ଉପକୂଳକୁ ମୁହାଁଇଥିବା ଏହା ବର୍ଷର ଚତୁର୍ଦ୍ଦଶ ସାମୁଦ୍ରିକ ବିତ୍ପାତ। ଏହି ବାତ୍ୟା ଯୋଗୁ ସମୁଦ୍ରରେ ଏବେ ପ୍ରତି ସେକେଣ୍ଡ ୫୨କିଲୋମିଟର ବେଗରେ ଝଡ ବହୁଥିବା କୁହାଯାଇଛି।
{"id":510329,"width":839,"height":560,"sizeSlug":"full","linkDestination":"none"}
ଏହା ପୂର୍ବ ତାଇୱାନରୁ ୨୪ ଡିଗ୍ରି ଉତ୍ତର ଅକ୍ଷାଂଶ ଓ ୧୨୨.୪ ଡିଗ୍ରି ଦ୍ରାଘିମା ଦେଇ ରବିବାର ସମୁଦ୍ରକୁ ପଶି ଯାଇଛି। ଏହା ଏବେ ଘଣ୍ଟାପ୍ରତି ୨୦ରୁ ୨୫ କିଲମିଟର ବେଗରେ ସମୁଦ୍ରରେ ଗତି କରୁଥିବା ବେଳେ ସୋମବାର ପୂର୍ବାହ୍ନ ସ୍ଥାନୀୟ ସମୟ ୯ଟା ବେଳେ ଭୂ-ଭାଗକୁ ଛୁଇଁବ। ଏହାର ପ୍ରଭାବ ସାଂଘାଇ ସମେତ ଝେଜିଆଙ୍ଗ, ଜିଆଙ୍ଗସୁ, ଫୁଜିଆନ ଓ ତାଇୱାନରେ ମଧ୍ୟ ଅନୁଭୂତ ହେବ। ରବିବାର ଅପରାହ୍ନରୁ ସୋମବାର ଅପରାହ୍ନ ୨ଟା ପର୍ଯ୍ୟନ୍ତ ଏଥିଯୋଗୁ ଝଡତୋଫାନ ହୋଇପାରେ ବୋଲି ସତର୍କ କରାଇ ଦିଆଯାଇଛି।
{"id":510330,"width":839,"height":559,"sizeSlug":"full","linkDestination":"none"}
ଚୀନ୍ ପାଣିପାଗ ବିଭାଗ ସାମୁଦ୍ରିକ ବାତ୍ୟାର ଭୀଷଣତାକୁ ନେଇ ୪ ପ୍ରକାରର କଲର କୋଡିଂ ବ୍ୟବସ୍ଥା କରିଛନ୍ତି। ଏଥିରେ ଅତ୍ୟାଧିକ କ୍ଷୟଖାରୀ ସାମୁଦ୍ରିକ ବାତ୍ୟା ଲାଗି ଲାଲ ୱାର୍ଣ୍ଣିଂ ଜାରି କରାଯାଉଥିବା ବେଳେ ଏହାଠାରୁ କମ୍ ପ୍ରଭାବୀ ବାତ୍ୟା ଲାଗି ଅରେଞ୍ଜ, ୟେଲୋ ଓ ବ୍ଲୁ ୱାର୍ଣ୍ଣିଂ ଜାରି ହୁଏ। ଏଥିରେ ଚନ୍ଥୁ ଲାଗି ଶନିବାର ଠାରୁ ପାଣିପାଗ ବିଭାଗ ଅରେଞ୍ଜ ଆଲର୍ଟ ଜାରି ରଖିଛନ୍ତି।
