Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଚେକ୍ ପୋଷ୍ଟରେ ପୋଲିସ ଉପରକୁ ଛେପ ପକାଇଲେ ଦୁଇ ଅମାନିଆ ଗାଡି ଚାଳକ, ଉଭୟଙ୍କୁ ବଞ୍ଚାଇବା ପାଇଁ ଲୋକେ ଫିଙ୍ଗିଲେ ପଥର

9/04/2020 at 2:10 PM

ସାୱାଇ ମାଧୋପୁର ୯।୪: କରୋନା ଭାଇରସ୍ ସଂକ୍ରମଣକୁ ରୋକିବା ପାଇଁ ସମଗ୍ର ଦେଶରେ ୨୧ ଦିନିଆ ଲକ୍ ଡାଉନ୍ କରାଯାଇଛି । ଏହା ସତ୍ତ୍ବେ କିଛି ଲୋକ ଲକ୍ ଡାଉନ୍ ଉଲ୍ଲଂଘନ କରି ମଜା କରିବା ପାଇଁ ରାସ୍ତାରେ ବୁଲିଛନ୍ତି । ଏମାନଙ୍କ ମଧ୍ୟରୁ କିଛି ଲୋକ ଏଭଳି ଅଛନ୍ତି ଯେଉଁମାନେ ପୋଲିସକୁ ଦେଖିବା ପରେ ଘରକୁ ଫେରିଆସୁଥିବା ବେଳେ କିଛି ଲୋକ ପୋଲିସ କର୍ମଚାରୀଙ୍କ ସହ ଝଗଡା କରୁଛନ୍ତି ।

ବୁଧବାର ଦିନ ରାଜସ୍ଥାନର ସାୱାଇ ମାଧୋପୁରରୁ ଏଭଳି ଏକ ମାମଲା ସାମ୍ନାକୁ ଆସିଛି । ଯେଉଁଠାରେ ବାଇକରେ ବୁଲିବାକୁ ଯାଉଥିବା ଦୁଇ ଯୁବକଙ୍କୁ ଚେକ୍ ପୋଷ୍ଟରେ ଅଟକା ଯାଇଥିଲା । ଯେତେବେଳେ ପୋଲିସ କର୍ମଚାରୀଙ୍କ ଦ୍ବାରା ସେମାନଙ୍କୁ ପ୍ରଶ୍ନ ପଚରାଯାଇଥିଲା, ଉଭୟ ଯୁବକ ପ୍ରଥମେ ଦୁର୍ବ୍ୟବହାର କରିଥିଲେ, ପରେ ପୋଲିସ ଉପରକୁ ଛେପ ପକାଇଥିଲେ । ପୋଲିସ ଏହି ଦୁଇ ଯୁବକଙ୍କୁ ଧରିବା ବେଳକୁ ଉଭୟ ବାଇକ୍ ଛାଡି ଘଟଣାସ୍ଥଳରୁ ପଳାଇ ଯାଇଥିଲେ ।

ଜଣେ ବରିଷ୍ଠ ପୋଲିସ ଅଧିକାରୀଙ୍କ କହିବା ଅନୁସାରେ, ଦୁଇ ଯୁବକ ସେମାନଙ୍କ ବାଇକକୁ ଘଟଣାସ୍ଥଳରେ ଛାଡି ହସାନପୁରା ଢାଣି ଆଡକୁ ଦୌଡିଥିଲେ । ସେମାନେ ଭୟ କରୁଥିଲେ ଯେ ଘଟଣାସ୍ଥଳରେ ଥିବା ବାଇକ୍ ଜରିଆରେ ନା କେବଳ ପୋଲିସ ସେମାନଙ୍କ ନିକଟରେ ପହଞ୍ଚିବ ବରଂ ସେମାନଙ୍କ ବାଇକ୍ ମଧ୍ୟ ଜବତ କରିନେବ । ଏହି ଭୟ ଯୋଗୁଁ ଦୁଇ ଯୁବକ ପ୍ରାୟ ୩୦-୪୦ ଲୋକଙ୍କୁ ଏକାଠି କରି ଚେକ୍ ପୋଷ୍ଟରେ ଉପସ୍ଥିତ ପୋଲିସ କର୍ମଚାରୀଙ୍କ ଉପରେ ଆକ୍ରମଣ କରିଥିଲେ ।

ପୋଲିସର ସୂଚନା ଅନୁସାରେ, ଘଟଣାସ୍ଥଳରେ ପହଂଚିଥିବା ଏହି ଲୋକମାନେ ନିକଟରେ ଥିବା ରେଳ ଲାଇନ୍ ରୁ ପଥର ଉଠାଇ ପୋଲିସ କର୍ମଚାରୀଙ୍କ ଉପରକୁ ଫିଙ୍ଗିବା ଆରମ୍ଭ କରିଥିଲେ । ପୋଲିସ କର୍ମଚାରୀମାନେ ସେଥିରୁ ବର୍ତ୍ତିବା ପାଇଁ ବ୍ୟାରିକେଡିଂକୁ ବ୍ୟବହାର କରିଥିଲେ । ଏହାସହ ଘଟଣା ସଂପର୍କରେ କଣ୍ଟ୍ରୋଲ ରୁମକୁ ଜଣାଇଥିଲେ । ସୂଚନା ପାଇବା ମାତ୍ରେ ନିକଟସ୍ଥ ଥାନାରୁ ଫୋର୍ସ ଆସି ଘଟଣାସ୍ଥଳରେ ପହଞ୍ଚିଥିଲା । ଏଥିସହିତ ଆକ୍ରମଣକାରୀମାନେ ପୋଲିସ ଫୋର୍ସକୁ ଦେଖିବା ପରେ ପଳାଇ ସ୍ଥାନ ଛାଡି ପଳାଇଯାଇଥିଲେ ।

ପୋଲିସ କର୍ମଚାରୀଙ୍କୁ ଆକ୍ରମଣ କରିଥିବା ଲୋକଙ୍କ ସନ୍ଧାନରେ ନିକଟସ୍ଥ ବସ୍ତିରେ ସର୍ଚ୍ଚ ଅପରେସନ୍ କରାଯାଇଥିଲା । ଏହି ମାମଲାରେ ପୋଲିସ ତିନି ଅଭିଯୁକ୍ତଙ୍କୁ ଗିରଫ କରିଛି । ଏଥି ସହିତ କଲେକ୍ଟର ନନୁମଲ ପହାଡିଆ ଏବଂ ଏସପି ସୁଧୀର କୁମାର ଘଟଣାସ୍ଥଳ ପରିଦର୍ଶନ କରିଥିଲେ । ମାମଲାର ଗମ୍ଭୀରତାକୁ ଦୃଷ୍ଟିରେ ରଖି ଉକ୍ତ ଅଞ୍ଚଳରେ ପୋଲିସ ଫୋର୍ସ ମୁତୟନ କରାଯାଇଛି । ଏହାସହ ପୋଲିସର କିଛି ଟିମ୍ ଘଟଣାରେ ସଂପୃକ୍ତ ଅନ୍ୟ ଅଭିଯୁକ୍ତଙ୍କୁ ଖୋଜୁଛନ୍ତି ।

   Related Posts