ବାଲେଶ୍ବର ୧୦|୨:  ବାଲେଶ୍ବର ଚନ୍ଦନେଶ୍ବର ୫୭ ନମ୍ବର ରାଜ୍ୟ ରାଜପଥର ଆମ୍ବଳିଆରେ ଉନ୍ମତ କାଣ୍ଡ ଘଟାଇଛନ୍ତି ଦୁଇ ଜଣ ଯୁବକ । ଛିନତାଇ ଉଦ୍ଦେଶ୍ୟରେ ବ୍ଲେଡରେ ଆକ୍ରମଣ କରିଛନ୍ତି । କିଛି ଲୋକ ଯାତ୍ରା ଦେଖି ଘରକୁ ଫେରୁଥିବା ବେଳେ ଦୁଇ ଯୁବକ ଏପରି କାଣ୍ଡ ଘଟାଇଛନ୍ତି । ଆକ୍ରମଣକାରୀ ଯୁବକଙ୍କୁ କାବୁ କରି ଖୁଣ୍ଟରେ ବାନ୍ଧି ନିସ୍ତୁକ ପିଟିଲେ ଗ୍ରାମବାସୀ । ଘଟଣାସ୍ଥଳରେ ପହଞ୍ଚି ୨ ଯୁବକଙ୍କୁ ଉଦ୍ଧାର କଲା ଜଳେଶ୍ବର ପୋଲିସ । ସେମାନଙ୍କ ନିକଟରୁ ଗୋଟିଏ ବନ୍ଧୁକ ଓ ବାଇକ୍ ଜବତ କରାଯାଇଛି । ଏହି ଦୁଇ ଅଭିଯୁକ୍ତ ରାଜନେତାଙ୍କ ସହ ସଂପର୍କ ଥିବା କହି ଧମକ ଚମକ ଦିଅନ୍ତି । ଏମାନଙ୍କ ନାଁରେ ବିଭିନ୍ନ ଥାନାରେ ବହୁ  ଅପରାଧିକ ମାମଲା  ଥିବା ମଧ୍ୟ ଜଣାପଡିଛି ।