Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ନୂଆବର୍ଷ ରାତିରେ ନିଶାଗ୍ରସ୍ତଙ୍କ ସୈତାନୀ କାରନାମା : ମହିଳାଙ୍କୁ ଘରେ ପଶି ଗଣଦୁଷ୍କର୍ମ, ଅନ୍ୟଜଣଙ୍କୁ ବାଟରୁ ଉଠାଇନେଇ ଦୁଇ ଦୁଇ ଥର ଦୁଷ୍କର୍ମ

3/01/2020 at 12:37 PM

କୋଲକତା ୩।୧: ପଶ୍ଚିମବଙ୍ଗରେ ଦୁଇ ମହିଳାଙ୍କୁ ଗଣଦୁଷ୍କର୍ମ । ଭିନ୍ନ ଭିନ୍ନ ଅଞ୍ଚଳରେ ଦୁଇ ଜଣ ମହିଳାଙ୍କୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଅଭିଯୋଗ ଆଧାରରେ ୫ଜଣଙ୍କୁ ଗିରଫ କରିଛି ପୋଲିସ ।

ସୂଚନାଯୋଗ୍ୟ ଯେ, ନୂଆବର୍ଷ ଆଗମନରେ ସମସ୍ତେ ଉତ୍ସାହିତ ଥିବା ବେଳେ ପଶ୍ଚିମବଙ୍ଗରେ ଏଭଳି ଘଟଣା ଘଟିଛି । ଦକ୍ଷିଣ ଚବିଶ ପ୍ରାଗଣା ଜିଲ୍ଲାରେ ୩୦ ବର୍ଷ ବୟସ୍କା ମହିଳାଙ୍କୁ ତାଙ୍କ ଘରେ ୫ ଜଣ ମିଶି ଗଣଦୁଷ୍କର୍ମ କରିଥିବା ନେଇ ପୀଡିତା ମହିଳା ଅଭିଯୋଗ କରିଛନ୍ତି । ମହିଳା ସ୍ବାମୀ କୌଣସି କାମରେ ବାହାରକୁ ଯାଇଥିବା ବେଳେ ମହିଳା ଜଣଙ୍କ ଘରେ ଏକା ଥିଲେ । ରାତି ପ୍ରାୟ ୨ଟା ବେଳେ ସଂପୃକ୍ତ ଅଭିଯୁକ୍ତମାନେ ମହିଳା ରହୁଥିବା ଭଡା ଘରେ ଜୋରଜବରଦସ୍ତ ପଶି ଏଭଳି କାଣ୍ଡ ଭିଆଇଛନ୍ତି । ମହିଳାଙ୍କ ଅଭିଯୋଗ ଅନୁସାରେ ସମସ୍ତେ ନିଶାଶକ୍ତ ଅବସ୍ଥାରେ ଥିଲେ । ଘର ମାଲିକ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ ମାତ୍ର ସେମାନେ ତାଙ୍କୁ ମାରପିଟ୍ କରିଥିଲେ । ୫ଜଣଙ୍କ ମଧ୍ୟରୁ ୩ଜଣଙ୍କୁ ପୋଲିସ ଗିରଫ କରିଛି । ସେମାନେ ହେଲେ ରତନ ଦାସ, ସୌଗାତ ସରକାର ଏବଂ ମୃଣାଳ ବିଶ୍ବାଳ ।

ସେହିଭଳି ଦକ୍ଷିଣ ଦିନାଜପୁର ଅଞ୍ଚଳରେ ଜଣେ ୨୭ବର୍ଷ ବୟସ୍କା ମହିଳାଙ୍କୁ ଦୁଇ ଥର ଦୁଷ୍କର୍ମ କରାଯାଇଛି । ମହିଳା ଜଣଙ୍କ ଡିସେମ୍ବର ୩୧ ରାତିରେ ଘରକୁ ଫେରୁଥିବା ବେଳେ ଦୁଷ୍କର୍ମର ଶିକାର ହୋଇଛନ୍ତି । ମହିଳା ଜଣଙ୍କ ନିଜ କାମ ସାରି ଫେରୁଥିବା ବେଳେ ଦୁଇ ଜଣ ବ୍ୟକ୍ତି ତାଙ୍କୁ ରାସ୍ତାରେ ମଦ ପିଇବାକୁ ବାଧ୍ୟ କରିଥିଲେ । ମାତ୍ର ସେ ରାଜି ନହେବାରୁ ତାଙ୍କୁ ଦୁଇ ଜଣ ଜୋରଜବରଦସ୍ତ ଦୁଷ୍କର୍ମ କରି ଏକ ପରିତ୍ୟକ୍ତ ସ୍ଥାନରେ ଫିଙ୍ଗି ଦେଇଥିଲେ । ପରେ ସେହି ବାଟ ଦେଇ ଯାଉଥିବା ଅନ୍ୟ ଦୁଇ ଜଣ ବ୍ୟକ୍ତି ତାଙ୍କ ଏଭଳି ଅବସ୍ଥାରେ ଦେଖି ସାହାଯ୍ୟ କରିବା ପରିବର୍ତ୍ତେ ତାଙ୍କ ସହ ପୁର୍ନବାର ଦୁଷ୍କର୍ମ କରିଥିଲେ । ପୀଡିତା ମହିଳାଙ୍କୁ କାଳିଆଗଞ୍ଜ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏହି ଘଟଣାରେ ପୋଲିସ ଦୁଇ ଜଣଙ୍କୁ ଗିରଫ କରିଛି । ଉଭୟ ଦୁଷ୍କର୍ମ ଘଟଣାରେ ମୋଟ୍ ୫ଜଣଙ୍କୁ ଗିରଫ କରିବା ସହ ଅଧିକ ତଦନ୍ତ ଜାରି ରଖିଛି ପୋଲିସ ।

   Related Posts