ଶ୍ରୀନଗର ୨୩।୦୬: ଜାମ୍ମୁ-କାଶ୍ମୀରର ପୁଲଓ୍ୱାମାରେ ସୁରକ୍ଷାକର୍ମୀ-ଆତଙ୍କବାଦୀ ମଧ୍ୟରେ ଏନ୍କାଉଣ୍ଟର ହୋଇଛି । ଏନ୍କାଉଣ୍ଟରରେ ଦୁଇ ଜଣ ଆତଙ୍କୀ ନିହତ ହୋଇଥିବା ଜଣାପଡିଛି । ତେବେ ଏନ୍କାଉଣ୍ଟରେ ଜଣେ ସିଆର୍ପିଏଫ୍ ଯବାନ ମଧ୍ୟ ସହିଦ ହୋଇଥିବା ସୂଚନା ମିଳିଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି । ଉଭୟ ପଟୁ ରହି ରହି ଗୁଳିମାଡ ଚାଲିଛି ।
wp:html/wp:html#UPDATE - Two terrorists eliminated & 2 AK-47 recovered. Joint operation in progress: Chinar Corps, Indian Army https://t.co/wbXYJ7Ei8o
— ANI (@ANI) June 23, 2020
ସୂଚନାଯୋଗ୍ୟ ଯେ, ପୁଲଓ୍ୱାମାରେ ବନ୍ଦଜୁ ଅଞ୍ଚଳରେ ପାଞ୍ଚଜଣ ଆତଙ୍କୀ ଲୁଚି ରହିଥିବାର ଗୁଇନ୍ଦା ସୂଚନା ମିଳିଥିଲା । ଖବର ମିଳିବା ମାତ୍ରେ ପୋଲିସ-ସୁରକ୍ଷାକର୍ମୀ ପୁରା ଅଞ୍ଚଳକୁ ଘେରିଯାଇଥିଲେ । ପୁରା ଅଞ୍ଚଳରେ ସୁରକ୍ଷାକର୍ମୀଙ୍କୁ ଦେଖି ଆତଙ୍କବାଦୀମାନେ ଗୁଳିମାଡ ଆରମ୍ଭ କରିଥିଲେ । ସେନା ମଧ୍ୟ ଏହାର ଦୃଢ ଜବାବ ଦେଇଥିଲା । ଦୀର୍ଘ ସମୟ ଧରି ଗୁଳିବିନିମୟ ଜାରି ରହିଥିଲା । ଶେଷ ଖବରମୁତାବିକ ସେନା ଗୁଳିରେ ୨ଜଣ ଆତଙ୍କୀ ନିହତ ହୋଇଛନ୍ତି । ସେମାନଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ମଧ୍ୟ ଜବତ ହୋଇଛି । ଏନ୍କାଉଣ୍ଟର ଘଟିଥିବା ଅଞ୍ଚଳରେ ଅନ୍ୟ କିଛି ଆତଙ୍କୀ ଲୁଚି ରହିଥିବାର ଅନୁମାନ କରି ପୁରା ଅଞ୍ଚଳରେ ସର୍ଚ୍ଚ ଅପରେସନ ଜାରି ରଖିଛନ୍ତି ସୁରକ୍ଷାକର୍ମୀ ।
ସେହିପରି କିଛିଦିନ ତଳେ ମଧ୍ୟ ଜାମ୍ମୁ-କାଶ୍ମୀରର ବିଭିନ୍ନ ସ୍ଥାନରେ ଏନ୍କାଉଣ୍ଟର କରି ପାଞ୍ଚଜଣ ଆତଙ୍କବାଦୀଙ୍କୁ ନିହତ କରିଥିଲେ । ଜୁନ୍ ୧ରୁ ଆଜି ପର୍ଯ୍ୟନ୍ତ ୧୩ଟି ଏନ୍କାଉଣ୍ଟ ହୋଇଛି । ଏଥିରେ ୪୧ଜଣ ଆତଙ୍କୀ ନିହତ ହୋଇଛନ୍ତି । ଗତ କେତେ ମାସକ ମଧ୍ୟରେ ସେନାର ଅପରେସନ ଅଲ୍ଆଉଟ୍ ମାଧ୍ୟମରେ ଅନେକ ଆତଙ୍କୀ ନିହତ ହୋଇଛନ୍ତି । ଏହି ଆତଙ୍କୀଙ୍କ ନିହତ ପରେ ଅନେକ ବଡଧରଣର ଅଘଟଣରୁ ରକ୍ଷା ପାଇଛି ଦେଶ ।
