Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ବଢୁଛି ଚିନ୍ତା, କ୍ୟାପିଟାଲ ହସ୍ପିଟାଲରେ ଆଉ ୨ କର୍ମଚାରୀ କରୋନା ସଂକ୍ରମିତ

8/07/2020 at 7:58 AM

ଭୁବନେଶ୍ୱର ୦୮।୦୭: ସାରାରାଜ୍ୟରେ ଏବେ କରୋନା ଭାଇରସ ବ୍ୟାପିବାରେ ଲାଗିଛି । କଟକ ଓ ଭୁବନେଶ୍ୱର ବିଭିନ୍ନ ହସ୍ପିଟାଲରେ ଏବେ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ଯାହାକି ଚିନ୍ତାର ବିଷୟ ପାଲଟିଛି । ଏହିପରି ଭାବେ କ୍ୟାପିଟାଲ ହସ୍ପିଟାଲରେ କରୋନା ସଂକ୍ରମିତ ବଢ଼ିଛି । ପୂର୍ବରୁ ହସ୍ପିଟାଲର ୫ଜଣ କର୍ମଚାରୀଙ୍କ ରିପୋର୍ଟ ପଜିଟିଭ୍‌ ଆସିଥିବା ବେଳେ  ଆଉ ଦୁଇ ଷ୍ଟାଫନର୍ସ ସଂକ୍ରମିତ ହୋଇଛନ୍ତି । ଏ ନେଇ ବିଶ୍ୱସ୍ତ ସୂତ୍ରରୁ ଖବର ମିଳିଛି । ଆସନ୍ତାକାଲି ବିଏମ୍‌ସି ପକ୍ଷରୁ ଏନେଇ ବିସ୍ତୃତ ସୂଚନା ଦିଆଯିବ ।

ଚିହ୍ନଟ ଦୁଇ ଜଣ ହସ୍ପିଟାଲର ସମ୍ବେଦନଶୀଳ ସ୍ତ୍ରୀ ରୋଗ ଓ ପ୍ରସୂତି ବିଭାଗ ଓ ଶିଶୁ ୱାର୍ଡରେ କାର୍ଯ୍ୟ କରୁଥିଲେ । ଆଶ୍ଚର୍ଯ୍ୟର କଥା ହେଉଛି, ଶିଶୁ ୱାର୍ଡରେ ଚିହ୍ନଟ ପଜିଟିଭ୍‌ ଆଜି ରୋଗୀସେବାରେ ନିୟୋଜିତ ଥିଲେ । ଦୁଇ ଷ୍ଟାଫ୍‌ ନର୍ସ ସଂକ୍ରମିତ ହୋଇଥିବା ବେଳେ ସେମାନେ କେଉଁ ଉତ୍ସରୁ ସଂକ୍ରମିତ ହୋଇଛନ୍ତି । ତାକୁ ନେଇ ଭୟ ବଢ଼ିଛି । ଏହି ଦୁଇ ଜଣ ନା ଆହୁରି କେତେଜଣ ସଂକ୍ରମିତ ହୋଇଛନ୍ତି ହସ୍ପିଟାଲରେ । ଏମିତି ଅନେକ କଥାର ଖୋଜା ଚାଲିଛି । ଆଜି ପଜିଟିଭ୍‌ ଆସିଥିବା ନର୍ସ ଡ୍ୟୁଟିରେ ରହିଥିବାରୁ ଶିଶୁଙ୍କ ସେବାରେ ନିୟୋଜିତ ଥିଲେ । ସକ୍ରିୟ ରହି କାର୍ଯ୍ୟ କରୁଥିଲେ । ଯଦିବା ତାଙ୍କର ସ୍ୱାବ୍‌ ପରୀକ୍ଷା ପାଇଁ ଯାଇଥିଲା । ଯେଉଁଥିପାଇଁ ଚିକିତ୍ସିତ ଶିଶୁ ଓ ଅନ୍ୟ ଷ୍ଟାଫ୍‌ଙ୍କୁ ସଂକ୍ରମଣ ଆଶଙ୍କା ବଢିଛି । ଏଇ ୭ ନୁହେଁ, ହସ୍ପିଟାଲରୁ ନିକଟରେ ୩ ରୋଗୀ ମଧ୍ୟ ପଜିଟିଭ୍‌ ଆସିଛନ୍ତି । ଏତେ ଜଣ ସଂକ୍ରମିତ ହେବା ପରେ ମଧ୍ୟ ହସ୍ପିଟାଲ କର୍ତ୍ତୃପକ୍ଷ କିନ୍ତୁ ଚେତି ନାହାନ୍ତି । ହସ୍ପିଟାଲରେ କାର୍ଯ୍ୟରତ ନର୍ସଙ୍କୁ ପିପିଇ ଦୂରର କଥା । ଏନ୍‌୯୫ ମାସ୍କ ମଧ୍ୟ ଦେଉ ନାହାନ୍ତି । ହସ୍ପିଟାଲର ଶିଶୁ ଓ ସ୍ତ୍ରୀ ରୋଗ ଓ ପ୍ରସୂତି ବିଭାଗ ଡାକ୍ତର ଓ ଷ୍ଟାଫ୍‌ନର୍ସଙ୍କୁ ପିପିଇ କିଟ୍‌ ଦେବାକୁ କର୍ତ୍ତୃପକ୍ଷ କହିଥିଲେ । ହେଲେ ଏହି ୱାର୍ଡରେ କାହାକୁ ପିପିଇ କିଟ୍‌ ମିଳିନି ।

ହସ୍ପିଟାଲର ଜଣେ ଷ୍ଟାଫ୍‌ ନିଜ ନାମ ଗୋପନ ରଖି କହିଛନ୍ତି, ସ୍ତ୍ରୀ ରୋଗ ଓ ପ୍ରସୂତି ବିଭାଗର ଲେବର ରୁମ୍‌ ହେଉଛି ସମ୍ବେଦନଶୀଳ ବିଭାଗ । ଏଠି ମଧ୍ୟ ଷ୍ଟାଫ୍‌ଙ୍କୁ ପିପିଇ କିଟ୍‌ ମିଳିନି । ଯେଉଁଥିପାଇଁ ଆଗକୁ ଅଧିକ ସଂଖ୍ୟକ ଷ୍ଟାଫ୍‌ ସଂକ୍ରମଣ ହେବାର ଆଶଙ୍କାକୁ ଏଡାଇ ଦିଆଯାଇନପାରେ । କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ ଡାକ୍ତର ଏଲ୍‌ ଡି ସାହୁ କହିଛନ୍ତି, ଆଜି ଦୁଇ ପଜିଟିଭ୍‌ ଆସିବା ପରେ ସମସ୍ୟା ବଢିଛି । ଦୁଇ ବିଭାଗର ୩୦ରୁ ଅଧିକ ଷ୍ଟାଫ୍‌ଙ୍କୁ କ୍ୱାରେଣ୍ଟାଇନ୍‌ରେ ରହିବାକୁ କୁହାଯାଇଛି । ସମସ୍ତଙ୍କ ନମୁନା ମଧ୍ୟ ପରୀକ୍ଷା କରାଯିବ ।

   Related Posts