Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୩୦୩ କରୋନା ଆକ୍ରାନ୍ତ
  • ||
  • ମେ’ ୧୩ରେ ପିପିଲି ଉପନିର୍ବାଚନ
  • ||
  • ଆଜି ରାତି ୮ରେ ପିଏମ୍‌ ମୋଦୀଙ୍କ ଗୁରୁତ୍ବପୂର୍ଣ୍ଣ ବୈଠକ
  • ||
  • ଉଦଳା : ଦିବ୍ୟାଙ୍ଗ ଯୁବତୀଙ୍କୁ ଘରୁ ଉଠାଇ ନେଇ ଦୁଷ୍କର୍ମ ! ଥାନାରେ ମାମଲା, ଅଭିଯୁକ୍ତ ଫେରାର
  • ||
  • ଲମତାପୁଟ : ୩ଦିନ ପରେ ଯୁବକଙ୍କ ମୃତଦେହ ଉଦ୍ଧାର, ପାତାଳୀ ନଦୀକୁ ମାଛ ଧରିବାକୁ ଯାଇ ନିଖୋଜ ଥିଲେ
  • ||
  • ଉଦଳା : ବାଇକ୍‌କୁ ପିଟିଲା ଟ୍ରାକ୍ଟର, ଅଧ୍ୟାପକଙ୍କ ମୃତ୍ୟୁ, ଟ୍ରାକ୍ଟର ନେଇ ଡ୍ରାଇଭର ଫେରାର
  • ||
  • ଭୁବନେଶ୍ବର : ଏସଟିଏଫ ପଞ୍ଝାରେ ବଜ୍ରକାପ୍ତା ଚାଲାଣକାରୀ, ୧୨ କିଲୋ ଓଜନର ଜୀବନ୍ତ ବଜ୍ରକାପ୍ତା ସହ ବ୍ୟବସାୟୀ ଗିରଫ
  • ||
  • ଯାଜପୁର ରୋଡ୍ : ରେଳ ଧାରଣାରୁ କିନ୍ନରଙ୍କ ମୃତଦେହ ଉଦ୍ଧାର, ଯୁବକଙ୍କ ସହ ଥିଲା ପ୍ରେମ ସମ୍ପର୍କ
  • ||
  • ବ୍ରହ୍ମପୁର : ଭାରସାମ୍ୟ ହରାଇ ଓଲଟିଲା ‘ଶିବଶମ୍ଭୁ’, ୧୦ ଯାତ୍ରୀ ଆହତ
  • ||
  • ନବରଙ୍ଗପୁର : ନାଇଟ୍ କର୍ଫ୍ୟୁ ବେଳେ ବୁଲାଇଲେ କଳାକନା, ରୂପା ଗହଣା ଲୁଟ୍, ସୁନା ଅଳଙ୍କାର ଚୋରି ବେଳେ ବାଜିଲା ସାଇରନ୍
  • ||

କିଏ ଦେବ ସ୍ୱାମୀଙ୍କୁ ମୁଖାଗ୍ନୀ ? ସ୍ୱର୍ଗଦ୍ୱାରରେ ମୁହାଁମୁହିଁ ହେଲେ ୨ ସଉତୁଣୀ

2/03/2021 at 12:32 PM

ପୁରୀ,୦୨/୦୩: ସ୍ୱାମୀର ମୃତଦେହ ପୋଡିବାକୁ ମୁହାଁମୁହିଁ ହେଲେ ୨ ସଉତୁଣୀ । କିଏ ଦାହ କରିବ ମୃତଦେହ, ତାକୁ ନେଇ ଆରମ୍ଭ ହୋଇଗଲା ଟଣାଓଟରା । ପୁରୀ ସ୍ୱର୍ଗଦ୍ୱାରରେ ଘଟିଛି ଏହି ଅଭାବନୀୟ ଘଟଣା । ଏପରିକି ବାପାଙ୍କ ମୁହଁରେ କିଏ ନିଆଁ ଦେବ ବୋଲି ସ୍ଥିର ହୋଇପାରିନଥିବା ବେଳେ ଦୁଇ ପତ୍ନୀଙ୍କ ପୁଅଙ୍କ ମଧ୍ୟରେ ହାତାହାତି ପର୍ଯ୍ୟନ୍ତ ବି କଥା ଯାଇଛି । ମୁଖାଗ୍ନି ନପାଇ ଦୀର୍ଘ ସମୟ ଧରି ସ୍ୱର୍ଗଦ୍ୱାରରେ ମୃତଦେହ ମଧ୍ୟ ପଡି ରହିଥିଲା । ଶେଷରେ ପୋଲିସର ହସ୍ତକ୍ଷେପ ପରେ ବିବାଦର ସମାଧାନ ହୋଇଛି । ୨ ପୁଅ ମିଶି ବାପାଙ୍କ ମୁହଁରେ ମୁଖାଗ୍ନି ଦେଇଛନ୍ତି ।

ମୃତ ବ୍ୟକ୍ତି ଜଣକ ପୁରୀ ବାସେଳୀ ସାହି ଥାନା ଅଞ୍ଚଳରେ ରହୁଥିବା ଗଦାଧର ଜେନା । ସେ କେନ୍ଦ୍ର ସରକାରଙ୍କ ଅଧୀନରେ ଚାକିରି କରୁଥିଲେ । ତେବେ ଅବସର ପୂର୍ବରୁ ଗଦାଧରଙ୍କ ମୃତ୍ୟୁ ହୋଇଛି ।

ସୂଚନା ଅନୁସାରେ,  ପ୍ରଥମ ପତ୍ନୀଙ୍କ ଘର ବ୍ରହ୍ମଗିରି ଥାନା ଅଧୀନ ବେଣ୍ଟପୁର କଣ୍ଟାସାହି । ଦ୍ୱିତୀୟ ପତ୍ନୀ ବାସେଳୀ ସାହି ଥାନା ଅଞ୍ଚଳରେ ରହୁଥିଲେ । ଦ୍ୱିତୀୟ ପତ୍ନୀଙ୍କ ପାଖରେ ରହୁଥିଲେ ଗଦାଧର । ଅସୁସ୍ଥତା ଯୋଗୁଁ କଟକସ୍ଥିତ ଏକ ଘରୋଇ ହସ୍ପିଟାଲ୍‌ରେ ଗଦାଧରଙ୍କୁ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ। ତେଣୁ ରବିବାର ରାତି ୧୧ଟାରେ ମୃତଦେହ ଧରି ଦ୍ୱିତୀୟ ପତ୍ନୀ ସ୍ୱର୍ଗଦ୍ୱାରରେ ପହଞ୍ଚିଥିଲେ । ସେପଟେ ଖବର ପାଇ ପ୍ରଥମ ପତ୍ନୀ ମଧ୍ୟ ସ୍ୱର୍ଗଦ୍ୱାରରେ ପହଞ୍ଚିଥିଲେ । ଏହାପରେ ଆରମ୍ଭ ହୋଇ ଯାଇଥିଲା ବିବାଦ । କାରଣ ଦୁଇ ପତ୍ନୀଙ୍କ ପାଖରେ ଥିଲେ ଦୁଇ ପୁଅ ।

କିଏ ମୁଖାଗ୍ନି ଦେବ ବୋଲି ବିବାଦ ସୃଷ୍ଟି ହୋଇଥିଲା । ପ୍ରଥମ ପତ୍ନୀଙ୍କ ପୁଅ ରଞ୍ଜିତ୍‌ ଜେନା ନିଜର ହକ୍‌ ଥିବା କହି ମୁଖାଗ୍ନି ଦେବାକୁ ଉଦ୍ୟମ କରୁଥିବାବେଳେ ଦ୍ୱିତୀୟ ପତ୍ନୀଙ୍କ ପୁଅ ବାସେଳୀ ସାହି ଅଞ୍ଚଳରୁ କିଛି ସାଥୀଙ୍କୁ ଡାକିଥିଲେ । ଏହା ଦେଖି ରଞ୍ଜିତ ମଧ୍ୟ ବେଣ୍ଟପୁର ଅଞ୍ଚଳରୁ କିଛି ସାଥୀଙ୍କୁ ଡାକିଦେଇଥିଲେ । ଦୁଇ ଗୋଷ୍ଠୀ ସ୍ୱର୍ଗଦ୍ୱାରରେ ପହଞ୍ଚି ଆରମ୍ଭ କରିଥିଲେ ଉତ୍ପାତ । ସେହି ସମୟରେ ପିସିଆର୍‌ ସେଠାରେ ପହଞ୍ଚିଥିଲା । ଦୁଇ ଗୋଷ୍ଠୀ ହାତାହାତି ହୋଇଯାଇଥିଲେ । ଆୟତ୍ତ କରି ପାରିନଥିଲା ପିସିଆର୍‌ ପୁଲିସ । ତେଣୁ ଫେରି ଯାଇଥିଲା । ଦ୍ୱିତୀୟ ଥର ଦୁଇଟି ପିସିଆର୍‌ ପହଞ୍ଚିଥିବାବେଳେ ସମୁଦ୍ରକୂଳ ଥାନା ଆଇଆଇସି ଘଟଣାରେ ହସ୍ତକ୍ଷେପ କରିଥିଲେ ।

ଦ୍ୱିତୀୟ ପତ୍ନୀ ଅଭିଯୋଗ କରିଥିଲେ ଯେ ଗଦାଧର ପ୍ରଥମ ପତ୍ନୀଙ୍କୁ ଛାଡ଼ପତ୍ର ଦେଇଛନ୍ତି । ହେଲେ ଏହାକୁ ସେ ପ୍ରମାଣିତ କରି ପାରିନଥିଲେ । ତେଣୁ ବାଧ୍ୟ ହୋଇ ଦୁଇ ପୁଅ ମିଶି ମୁଖାଗ୍ନି ଦେବାକୁ ସ୍ଥିର କରାଯାଇଥିଲା । ତଥାପି ଅରାଜି ହେବାରୁ ପୋଲିସ ସେମାନଙ୍କ ବିରୋଧରେ ଆଇନ୍‌ଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଧମକ ଦେଇଥିଲା । ଏପରିକି ପୁଲିସ ପକ୍ଷରୁ ଶବଦାହ କରିଦିଆଯିବ ବୋଲି ଧମକ ମଧ୍ୟ ଦେଇଥିଲେ । ଶେଷରେ ଦୁଇ ପତ୍ନୀଙ୍କ ଦୁଇ ପୁଅ ମିଶି ମୁଖାଗ୍ନି ଦେଇଥିଲେ ।

   Related Posts