Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

୨ ଭଉଣୀ ନଦୀକୁ ଡ଼େଇଁବା ଘଟଣା: ଚପଲ୍ ପଡିଛି, ସ୍କୁଟି ଅଛି ହେଲେ ମୃତଦେହର ପତ୍ତା ମିଳୁନି, ରହିଛି କି ଅନ୍ୟ କିଛି କାରଣ…

16/10/2020 at 1:26 PM

ବଲାଙ୍ଗୀର୧୬/୧୦: ଏକାସାଙ୍ଗରେ ୨ ଭଉଣୀ ନଦୀକୁ ଡ଼େଇଁ ପଡିବା ଘଟଣାକୁ ୪୮ ଘଣ୍ଟା ବିତିଗଲାଣି। ହେଲେ ଦୁଇ ଭଉଣୀ କୁଆଡ଼େ ଗଲେ, କାହିଁକି ଆତ୍ମହତ୍ୟା କଲେ, ତାହାର କୌଣସି ସୁରାଗ ମିଳି ପାରି ନାହିଁ। ସବୁଠାରୁ ଆଶ୍ଚର୍ଯ୍ୟକର କଥା ହେଲା, ଏକାସାଙ୍ଗରେ ୨ ଭଉଣୀ କାହିଁକି ଆତ୍ମହତ୍ୟା କଲେ? ସେମାନେ ବର୍ତ୍ତମାନ ମୃତ ନା ଜୀବିତ, ତାହା ସ୍ପଷ୍ଟ ହୋଇ ନାହିଁ। ଏ କଥା ଏଥିପାଇଁ କୁହାଯାଉଛି, ବର୍ତ୍ତମାନ ସୁଦ୍ଧା ଦୁଇଜଣଙ୍କ ମୃତଦେହ ମିଳି ନାହିଁ। 

ଏ ପର୍ଯ୍ୟନ୍ତ ପରିବାର ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି। ପାରିବାରିକ କଳହ ଯୋଗୁଁ ୨ ଭଉଣୀ ଆତ୍ମହତ୍ୟା କରିଥିବା କୁହାଯାଉଛି। ପୁଣି କିଏ, କିଏ କହୁଛନ୍ତି ଯେ, ଏହା ପ୍ରେମଜନିତ ଆତ୍ମହତ୍ୟା ହୋଇଥାଇପାରେ। ନଦୀକୁ ଡ଼େଇଁବା ପଛରେ ଅନ୍ୟ କିଛି କାରଣ ରହିଛି କି? ବର୍ତ୍ତମାନ ସୁଦ୍ଧା ଏ ସବୁ ପ୍ରଶ୍ନର ଉତ୍ତର ପୋଲିସ୍ ଖୋଜି ପାଉ ନାହିଁ। ହେଲେ ଏପର୍ଯ୍ୟନ୍ତ ପ୍ରକୃତ ସତ ସାମ୍ନାକୁ ଆସି ପାରି ନାହିଁ। ସେପଟେ ତୁଷୁରା ବ୍ରିଜ୍ ଉପରେ ସ୍କୁଟି ଓ ଜୋତା ରହିଛି। କିନ୍ତୁ ମୃତଦେହର ଏପର୍ଯ୍ୟନ୍ତ ସନ୍ଧାନ ମିଳିପାରି ନାହିଁ। ଯେପର୍ଯ୍ୟନ୍ତ ମୃତଦେହ ମିଳି ନାହିଁ, ୨ ଭଉଣୀ ଆତ୍ମହତ୍ୟା କରିଥିବା କହିବା ସମ୍ପୂର୍ଣ୍ଣ ଭୁଲ୍।

ସୂଚନାଥାଉକି ଗତକାଲି ତୁଷୁରା ବ୍ରିଜ ଉପରୁ ତେଲ ନଦୀକୁ ୨ ଭଉଣୀ ଡ଼େଇଁ ପଡିଥିବା କୁହାଯାଉଛି। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ଅଗ୍ନିଶମ ବିଭାଗ ଓ ଓଡ୍ରାପ୍ଟ ଟିମ୍ ମଧ୍ୟ ଛାନ୍‌ଭିନ୍‌ ଜାରି ରଖିଛି। ଗତକାଲି ଅପରାହ୍ନରେ ଗୁଡ଼ଭେଲାର ଗୋଟିଏ ପରିବାରର ଦୁଇ ଭଉଣୀ ତୁଷୁରା ଶୁକ ତେଲ ନଦୀ ବ୍ରିଜ ଉପରୁ ଡେଇଁ ଆତ୍ମହତ୍ୟା ଉଦ୍ୟମ କରିଥିବା ଅନୁମାନ କରୁଛି ପୋଲିସ୍। ବ୍ରିଜ ନିକଟରୁ ଗୋଟିଏ ସ୍କୁଟି ଓ ଦୁଇ ହଳ ଚପଲ ଜବତ କରିଛି ପୋଲିସ। ସେପଟେ ଦୁଇ ଭଉଣୀ ଅନମୋଲ ଅଗ୍ରୱାଲ୍ ଓ ଆଞ୍ଚଲ୍ ଅଗ୍ରୱାଲ ଏଭଳି ପଦକ୍ଷେପ କାହିଁକି ନେଲେ ସେ ନେଇ ନାହିଁ ସ୍ପଷ୍ଟ ସୂଚନା ମିଳି ପାରିନି।

   Related Posts