Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ଆମେରିକା ସହ ବାର୍ତ୍ତା ପୂର୍ବରୁ ବାଗ୍‌ଦାଦ୍‌ର ଗ୍ରୀନ୍‌ ଜୋନ୍‌ରେ ରକେଟ୍‌ ମାଡ଼

11/06/2020 at 12:32 PM

ବାଗଦାଦ ୧୧।୦୬: ଇରାକ୍‌ର ରାଜଧାନୀ ବାଗଦାଦ୍‌ ସ୍ଥିତି ଗ୍ରୀନ୍‌ ଜୋନ୍‌ରେ ବୁଧବାର ଦିନ ଦୁଇଟି ରକେଟ୍‌ ମାଡ ହୋଇଛି । ରକେଟ ମାଡ ହୋଇଥିବା ସ୍ଥାନରୁ କିଛି ଦୂରରେ ଆମେରିକା ଦୂତାବାସ ଓ ଇରାକର ସରକାରୀ ଅଫିସ ରହିଛି । ବର୍ତ୍ତମାନ ସୁଦ୍ଧା ଆକ୍ରମଣ ପାଇଁ କୌଣସି ସଂଗଠନ ନିଜକୁ ଦାୟୀ କରିନାହାନ୍ତି , କି କୌଣସି ମୃତାହତର ସୂଚନା ନାହିଁ । ଘଟଣାସ୍ଥଳରେ ପୋଲିସର ସାଇରନ ଶୁଣିବାକୁ ମିଳିଥିଲା । ରକେଟ ମାଡର ଖବର ପାଇବା ମାତ୍ରେ ପୁରା ଅଞ୍ଚଳକୁ ପୋଲିସ ପକ୍ଷରୁ ସିଲ୍‌ କରାଯାଇଛି ।

ସୂଚନାଯୋଗ୍ୟ ଯେ, ଇରାକ ଓ ଆମେରିକା ମଧ୍ୟରେ ଦୁଇ ଦେଶ ମଧ୍ୟରେ ସଂପର୍କ ଆହୁରି ମଜବୁତ କରିବା ପାଇଁ ଆଲୋଚନା ହେବାର ଥିଲା । ସେହିପରି ଏହି ଆଲୋଚନାରେ ଇରାକରୁ ଆମେରିକା ସେନା ହଟିବା ଉପରେ ମଧ୍ୟ ଆଲେଚାନା ହେବାର ସୂଚନା ରହିଛି ।  କିନ୍ତୁ କଥାବର୍ତ୍ତା ହେବାରୁ ଗୋଟିଏ ଦିନ  ପୂର୍ବରୁ ଏହି ସହରରେ ରକେଟ ମାଡ ହୋଇଛି । ଇରାକରେ ଆମେରିକା ସୈନ୍ୟ ବେସ୍‌ ଉପରେ ଆକ୍ରମଣ ଜାରି ରହିଛି । ଗତ ବର୍ଷ ଅକ୍ଟୋବରରୁ ନେଇ ଆଜି ପର୍ଯ୍ୟନ୍ତ ୨୫ରୁ ଅଧିକ ଥର ରକେଟ ମାଡ ହୋଇସାରିଲାଣି । ଶେଷ ଥର ପାଇଁ ବାଗଦାଦ୍‌ରେ ଥିବା ଗ୍ରୀନ୍‌ ଜୋନ୍‌ରେ ମେ ୨୦ରେ ରକେଟ ମାଡ କରାଯାଇଥିଲା । ଆମେରିକାର ୫୦୦୦ରୁ ଅଧିକ ସେନା ଇରାକରେ ରହିଛନ୍ତି ।ଏଠାରେ ଆମେରିକାର ଅନେକ ସୈନ୍ୟ କ୍ୟାମ୍ପ ରହିଛି । ଏଠାରେ କିଛି ଆତଙ୍କବାଦୀ ସଂଗଠନକୁ ଇରାକ ସେନା ସମର୍ଥନ କରୁଥିବାର ମଧ୍ୟ ଖବର ଆସିଛି । ସୁତ୍ରନୁଯାୟୀ ଏହି ସଂଗଠନ ଚାହୁଛି ଆମେରିକା ନିଜ ସୈନ୍ୟବାହିନୀଙ୍କୁ ଇରାକରୁ ଫେରାଇ ନେଉ ।

୨୦୧୧ରେ ନିଜ ସୈନ୍ୟବାହିନୀଙ୍କୁ ଆମେରିକା ଫେରାଇ ନେବାକୁ ଘୋଷଣା କରିଥିଲା । ୨୦୧୪ରେ ଇରାକ ସରକାର ଆତଙ୍କବାଦୀ ସଂଗଠନ ବିରୋଧରେ ଲଢେଇ କରିବା ପାଇଁ  ଆମେରିକାର ସହଯୋଗ ଲୋଡିଥିଲା । ଏହାପରେ ଆମେରିକାର ତତ୍‌କାଳୀନ ରାଷ୍ଟ୍ରପତି ବାରାକ ଓବାମାଙ୍କ ଆଦେଶରେ ଆମେରିକା ସେନା ସୈନିକ ପୁଣି ଥରେ ଇରାକ ଫେରିଥିଲେ । ଆଇଏସ୍‌ ଇରାକର ଉତ୍ତର ଓ ପଶ୍ଚିମ ଅଞ୍ଚଳରେ କିଛି ସ୍ଥାନରେ କବ୍‌ଜା କରିନେଇଥିଲା । ଏହା ପାଇଁ ଆମେରିକାର ସହଯୋଗ ଲୋଡିଥିଲା ଇରାକ ।

ଆମେରିକା ଜାନୁଆରୀ ୩ରେ ବାଗ୍‌ଦାଦ୍‌ ଏୟାରପୋର୍ଟ ବାହାରେ ଡ୍ରୋନ୍‌ ଆକ୍ରମଣ କରି ଇରାନ ସୈନ୍ୟ କମାଣ୍ଡର କାସିମ୍‌ ସୁଲେମାନୀଙ୍କୁ ନିହତ କରିଥିଲା । ସୁଲେମାନୀଙ୍କ ମୃତ୍ୟୁ ପରେ ବାଗ୍‌ଦାଦ ସ୍ଥିତ ଆମେରିକୀୟ ଦୂତାବାସ ନିକଟରେ ୭ ଓ ୮ ଜାନୁଆରୀରେ ଆକ୍ରମଣ କରାଯାଇଥିଲା ।  ୭ଜାନୁଆରୀରେ ଇରାନ୍‌ ଇରାକ ସ୍ଥିତ ଦୁଇଟି ଆମେରିକା ସୈନ୍ୟ ବେସ୍‌ ଉପରେ ୨୨ ମିସାଇଲ୍‌ ମାଡ କରିଥିଲା । ଏହାପରେ ଇରାକ୍‌ ସଂସଦରେ ଆମେରିକୀୟ ସୈନ୍ୟବାହିନୀଙ୍କୁ ଦେଶ ଛାଡିବା ପାଇଁ ଏକ ପ୍ରସ୍ତାବ ପାରିତ ହୋଇଥିଲା ।

   Related Posts