Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଇସ୍ପାତ ନଗରୀରେ ୧୫ଦିନରେ ଦୁଇ ଦୁଇଟି ଗଣ ଦୁଷ୍କର୍ମ : ଚାଉଳ ପାଇଁ ଯାଇଥିବା ଜଣେ ଯୁବତୀ ଏବଂ ଜଣେ ନାବାଳିକା ଦୁଷ୍କର୍ମର ଶିକାର

18/07/2019 at 4:18 PM

ରାଉରକେଲା ୧୮|୭: ଇସ୍ପାତ ନଗରୀରେ ମାତ୍ର ୧୫ ଦିନରେ ଦୁଇ ଦୁଇଟି ଗଣ ଦୁଷ୍କର୍ମ । ଚାଉଳ ଦେବା ବାହାନାରେ ପଞ୍ଚାୟତ କାର୍ଯ୍ୟାଳୟ ଗୋଦାମରେ ଯୁବତୀଙ୍କୁ ଗଣ ଦୁଷ୍କର୍ମର ଅଭିଯୁକ୍ତ ଏଯାଏଁ ଫେରାର । ତାପରେ ପୁଣି ଜଣେ ନାବାଳିକାକୁ ଗଣ ଦୁଷ୍କର୍ମର ଶିକାର । ଏହି ଘଟଣାରେ ଜଣେ ନାବାଳକ ସହ ୫ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।

ଇସ୍ପାତ ସହରରେ ସଙ୍କଟ । ନାରୀଙ୍କ ଇଜ୍ଜତ  ବିପନ୍ନ । ମାତ୍ର ୧୫ ଦିନରେ ଦୁଇ ଦୁଇଟି ଗଣ ଦୁଷ୍କର୍ମ ଘଟଣାକୁ ନେଇ  ରାଉରକେଲାରେ  ନାରୀ ସୁରକ୍ଷା ନେଇ ଏପରି ସଂଶୟ । କାମୁକ, ଲମ୍ପଟଙ୍କ  ପ୍ରାଦୁର୍ଭାବ ବଢିଛି, ମାତିଛି  ଦୁଷ୍କର୍ମ ରାକ୍ଷସ । ଗତ ୪ ତାରିଖରେ ଝିରପାଣି  ପଞ୍ଚାୟତ କାର୍ଯ୍ୟାଳୟର ଚାଉଳ ଗୋଦାମରେ ଗଣଦୁଷ୍କର୍ମର ଶୀକାର ହୋଇଥିଲେ ଜଣେ ଯୁବତୀ । ଚାଉଳ ପାଇଁ ଯାଇଥିବା ଯୁବତୀଙ୍କୁ ସରପଞ୍ଚଙ୍କ ସ୍ବାମୀ ଓ ତାଙ୍କର ଜଣେ ସହଯୋଗୀ  ଦୁଷ୍କର୍ମ କରିଥିଲେ । ଏନେଇ ଝିରପାଣି ଥାନାରେ ଅଭିଯୋଗ କରିଥିଲେ ପୀଡିତା । କିନ୍ତୁ ସେବେଠୁ ଅଭିଯୁକ୍ତ ଅଜୟ ଖାଲକୋ ଓ ତାଙ୍କ  ସହଯୋଗୀ  ଫେରାର । ପୋଲିସ କୁଆଡେ ସେମାନଙ୍କ ଟେର ପାଉନି । ତଦନ୍ତ ଚାଲିଛି କହି ଚୁପ୍ ବସିଥିବା ପୋଲିସର ଭୂମିକା ନେଇ ବି ଉଠିଲାଣି ପ୍ରଶ୍ନ । 

ମର୍ମାହତ କରିଥିବା ଆଉ ଏକ ଦୁଷ୍କର୍ମ ଘଟଣା ଘଟିଛି ଗତ ରବିବାର ଦିନ । ବିଶ୍ବାସରେ ବିଷ ଦେଇଛନ୍ତି ପରିଚିତ । ଦିଲ୍ଲୀରେ ରହୁଥିବା ମାଆ ପାଖରେ ପହଞ୍ଚାଇଦେବାର ପ୍ରତିଶ୍ରୁତିରେ  ଜଣେ ୧୨ ବର୍ଷୀୟା ନାବାଳିକାକୁ ଅତି ଜଘନ୍ୟଭାବେ ଦୁଷ୍କର୍ମ କରିଛନ୍ତି ଜଣେ ଯୁବକ ଓ ତାର ୪ ସହଯୋଗୀ । ରାଞ୍ଚିରୁ ଆସିଥିବା ଝିଅଟିକୁ ଦିଲ୍ଲୀ ଟ୍ରେନ୍‌ରେ ବସାଇବା ବଦଳରେ ଏକ ନିର୍ମାଣାଧିନ କୋଠା ଓ ଧାନବିଲରେ ପାଶବିକ ଅତ୍ୟାଚାର କରିଥିଲେ  କାମୁକ ମାନେ । ତେବେ ଖବରପାଇ ପୋଲିସ ପୀଡିତାଙ୍କୁ ଉଦ୍ଧାର କରିବା ସହ ମୁଖ୍ୟ ଅଭିଯୁକ୍ତ ବିକାଶ  ତିର୍କୀ, ଅମିତ କିଶପଟା, ପ୍ରଶାନ୍ତ ଟପ୍ପୋ, ରବିନ କିଶପଟା ସହ ଜଣେ ନାବାଳକୁ ଗିରଫ କରିଛି । ସେମାନଙ୍କୁ କୋର୍ଟ ଚାଲାଣ କରାଯାଇଛି ।

ଇସ୍ପାତ ସହରରେ ଏପରି ଲଗାତର ଦୁଷ୍କର୍ମ ଲଜ୍ଜାର ସବୁ ସୀମାକୁ ଟପିଯାଇଛି । ଏହାକୁ ରୋକିବା  ନିହାତି ଜରୁରୀ ।  କାରଣ ନାରୀଙ୍କ ଇଜ୍ଜତର ସୁରକ୍ଷା ବିନା କେବଳ ଇସ୍ପାତ ନଗରୀର ସମ୍ମାନ, ସୁରକ୍ଷା ବିପନ୍ନ ନୁହେଁ ସାମାଜିକ ସୁରକ୍ଷା, ସମୃଦ୍ଧି  ମଧ୍ୟ ଅସମ୍ଭବ ।

   Related Posts