ନୂଆଦିଲ୍ଳୀ ୧୨/୦୯: ୧୯୯୩ ମୁମ୍ବାଇ ବିସ୍ଫୋରଣ ମାମଲାର ଅଭିଯୁକ୍ତ ୟାକୁବ ମେମନର କବର ବିକ୍ରି ଅଭିଯୋଗରେ ୨ ଜଣଙ୍କୁ ଗିରଫ କରିଛି ପୋଲିସ । ୟାକୁବ ମେମନ ଭାଇ ମହମ୍ମଦ ଅବ୍ଦୁଲ ଥାନାରେ ଅଭିଯୋଗ କରିଥିଲେ। ୟାକୁବ ମେମନର କବର ସହିତ ଅନ୍ୟ ୩ଟି କବର ୫ ଲକ୍ଷ ଟଙ୍କାରେ ବିକ୍ରି କରାଯାଇଥିବା ନେଇ ଅଭିଯୋଗ ହୋଇଥିଲା।
ମାର୍ଚ୍ଚ ୧୯ରେ ଏନେଇ ଅଭିଯୋଗ ହୋଇଥିଲେ ହେଁ ପୋଲିସ କରୋନା ପାଇଁ ବ୍ୟସ୍ତ ଥିବାରୁ ଏହି ମାମଲାରେ କୌଣସି କାର୍ଯ୍ୟାନୁଷ୍ଠାନ ନେଇପାରି ନଥିଲା। ଏବେ ଏହି ମାମଲାରେ ପୋଲିସ ଦୁଇ ଜଣଙ୍କୁ ଗିରଫ କରିଛି। ଜଜିଲ ନବରଙ୍ଗେ ଓ ପରବେଜ ସରକରେଙ୍କୁ ପୋଲିସ ଗିରଫ କରିଥିବା ଜଣାପଡ଼ିଛି।
ଜଜିଲ ନବରଙ୍ଗେ ଓ ପରବେଜ ସରକରେ ବମ୍ବେ ମସ୍ଜିଦ୍ର ଜୁମା ମସ୍ଜିଦ୍ ଟ୍ରଷ୍ଟି। ଏହା ଅନ୍ତର୍ଗତ ମୁସଲିମ୍ ବଡ଼ କବରସ୍ତାନ ପଞ୍ଜୀକୃତ ହୋଇଛି। ତେବେ ଏହି ଦୁଇ ଜଣ କବର ଚୋରି କରିଥିବା ଅଭିଯୋଗ ହୋଇଥିଲା। ସୂଚନାଯୋଗ୍ୟ, ମୁମ୍ବାଇ ବିସ୍ଫୋରଣର ଅଭିଯୁକ୍ତ ୟାକୁବ ମେମନକୁ ନାଗପୁର ସେଣ୍ଟ୍ରାଲ୍ ଜେଲ୍ରେ ଫାଶି ଦିଆଯାଇଥିଲା। ୩୦ ଜୁଲାଇ ୨୦୧୫ରେ ବଡ଼ କବରସ୍ତାରେ ପୋତାଯାଇଥିଲା।