Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନାଲରୁ ବୃଦ୍ଧାଙ୍କ ମୃତଦେହ ଉଦ୍ଧାର, ଗାଧୋଇବା ବେଳେ ନିଖୋଜ ହୋଇଯାଇଥିଲେ
  • ||
  • ହାତ ଛାଡିଲେ ପ୍ରଦୀପ ମାଝି, କଂଗ୍ରେସର ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା
  • ||
  • ଟ୍ରକ୍‌କୁ ଧକ୍କା ଦେଲା ଯାତ୍ରୀବାହୀ ବସ୍, ୨ ମୃତ ଓ ୫ ଆହତ
  • ||
  • ବାଇକକୁ ଧକ୍କା ଦେଲା ଟ୍ରକ୍, ଜଣେ ମୃତ : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ
  • ||
  • ଶିଶୁଙ୍କୁ ଟିକା ପାଇଁ ପ୍ରସ୍ତୁତି ଆରମ୍ଭ, ଶୁକ୍ରବାର ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଶିକ୍ଷଣ ଦେବ କେନ୍ଦ୍ର
  • ||
  • ଶୁକ୍ରବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର କରିବେ ଶୁଭାରମ୍ଭ
  • ||
  • ୨୬ ଯାଏଁ ଶୁଖିଲା ପାଗ : ଧିରେଧିରେ କମିବ ରାତି ତାପମାତ୍ରା, ସକାଳେ କୁହୁଡି
  • ||
  • ମମିତା ମେହେର ହତ୍ୟା ଘଟଣା : ଭୋର୍‌ରେ ଡେମୋ ଦେଖାଇଲା ଅଭିଯୁକ୍ତ ଗୋବିନ୍ଦ ସାହୁ
  • ||

ଦିଲ୍ଲୀରେ କରୋନାର ଭୟଙ୍କର ରୂପ, ହସ୍ପିଟାଲରେ ଗୋଟିଏ ବେଡ୍‌ରେ ୨ ରୋଗୀ, କେଜ୍ରିଓ୍ବାଲଙ୍କ ଉପରେ ବର୍ଷିଲା ବିଜେପି

16/04/2021 at 4:50 PM

ନୂଆଦିଲ୍ଲୀ ୧୬/୪: ଦେଶର ରାଜଧାନୀ ଦିଲ୍ଲୀରେ କରୋନା ପରିସ୍ଥିତି ଜଟିଳ ହୋଇପଡ଼ିଛି। ହସ୍ପିଟାଲରେ ବେଡ୍‌ କମ୍‌ ପଡ଼ୁଥିବା ବେଳେ ଆକ୍ରାନ୍ତଙ୍କ ଚିକିତ୍ସାକୁ ନେଇ ପ୍ରଶ୍ନ ଉଠିଛି। କୌଣସି ହସ୍ପିଟାଲରେ ବେଡ୍‌ ସମସ୍ୟା ନଥିବା ନେଇ ଦିଲ୍ଲୀ ସରକାର ଦାବି କରୁଥିବା ବେଳେ ଶୁକ୍ରବାର ଏମିତି ଏକ ଦୃଶ୍ୟ ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। କରୋନା ଆକ୍ରାନ୍ତଙ୍କ ଚିକିତ୍ସା କ୍ଷେତ୍ରରେ ଉଲ୍ଲେଖନୀୟ ଅବଦାନ ଥିବା ଏଲଏନଜେପି ହସ୍ପିଟାଲର ଏ ଦୃଶ୍ୟ ରାଜ୍ୟ ସ୍ବାସ୍ଥ୍ୟ ବିଭାଗ ଉପରକୁ ଅଙ୍ଗୁଳି ନିର୍ଦେଶ କରିଛି।

କରୋନା ବେକାବୁ ହୋଇପଡ଼ିଥିବା ବେଳେ ଗୋଟିଏ ବେଡ୍‌ରେ ଦୁଇ ଦୁଇ ଜଣ ସଂକ୍ରମିତଙ୍କୁ ରଖାଯାଉଥିବା ଦେଖିବାକୁ ମିଳିଛି। ଏଲଏନଜେପି ହସ୍ପିଟାଲର ଏ ସ୍ଥିତି ଦେଖିବା ପରେ ଅନୁମାନ କରିପାରୁଥିବେ ଯେ, ଶୀଘ୍ର ବେଡ୍‌ ସଂଖ୍ୟା ବଢ଼ାନଗଲେ ଆଗାମୀ ଦିନରେ ସ୍ଥିତି କେମିତ ହେବ । ସେପଟେ ଏନେଇ ଏଲଏନଜେପି ହସ୍ପିଟାଲର ନିର୍ଦେଶକ ଶୁକ୍ରବାର କହିଛନ୍ତି, କରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ପୂରା କ୍ଷମତାରେ ଆମେ କାର୍ଯ୍ୟୁ କରୁଛୁ। ଏଠାରେ ୩୦୦ରୁ ଅଧିକ ଆଇସିୟୁ ବେଡ୍‌ ରହିଛି। ଆଜି ୧୫୮ ଜଣ କରୋନା ସଂକ୍ରମିତ ଭର୍ତ୍ତି ହୋଇଛନ୍ତି। ସବୁ ରୋଗୀଙ୍କ ଅକ୍ସିଜେନ୍‌ ଲେଭେଲ୍‌ ୯୧ରୁ କମ୍‌ ରହିଛି।

ଗୁରୁବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ କହିଥିଲେ, ଦିଲ୍ଲୀ ହସ୍ପିଟାଲରେ ବେଡ୍‌ର ଅଭାବ ନାହିଁ। ଏବେ ୫୦୦୦ରୁ ଅଧିକ ବେଡ୍‌ ଖାଲି ରହିଛି। ଅନ୍ୟପଟେ ସାମ୍ନାକୁ ଆସିଥିବା ଦୃଶ୍ୟକୁ ନେଇ ବିରୋଧୀ ବିଜେପି ମୁଖ୍ୟମନ୍ତ୍ରୀ କେଜ୍ରିଓ୍ବାଲଙ୍କ ଉପରେ ବର୍ଷିଛି । ଦିଲ୍ଲୀ ବିଜେପି ଟ୍ବିଟ୍‌ କରିଛି, ‘ଏଲଏନଜେପି ହସ୍ପିଟାଲରେ ଗୋଟିଏ ବେଡ୍‌ରେ ଦୁଇ ରୋଗୀଙ୍କ ଏହି ଦୁଃଖଦ ଚିତ୍ର ମୁଖ୍ୟମନ୍ତ୍ରୀଙ୍କ ମିଥ୍ୟା ଦାବି ଉପରୁ ପରଦା ଉଠାଇଛି। ଦିଲ୍ଲୀରେ ସ୍ବାସ୍ଥ୍ୟ ଭିତ୍ତିଭୂମି ଭୁଶୁଡ଼ି ପଡ଼ିଥିବା ବେଳେ ମୁଖ୍ୟମନ୍ତ୍ରୀ ଟିଭିରେ ଆସିବାକୁ ବ୍ୟସ୍ତ। ଏବେ ଯାଏ କେଜ୍ରିଓ୍ବାଲ ସରକାର କାହିଁକି ଶୋଇଛି ବୋଲି ଲୋକେ ପଚାରୁଛନ୍ତି।’

   Related Posts