Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଦୁଇ ବର୍ଷ ହେଲା ନଜରବନ୍ଦୀରେ ରହି ଦଣ୍ଡ ଭୋଗୁଛନ୍ତି ୨ ମଣିଷ ଖିଆ କଲରାପତରିଆ ବାଘ, ମା’ କୋଳରୁ ଛୁଆକୁ ଟାଣିନେଇଥିଲେ ଏମାନେ…

18/07/2019 at 10:23 AM

ବାରଙ୍ଗ ୧୮|୭: ନନ୍ଦନକାନନରେ ନଜରବନ୍ଦୀ ହୋଇ ଦଣ୍ଡ ପାଉଛନ୍ତି ଦୁଇ ନିରୀହ ଜନ୍ତୁ ଜଙ୍ଗଲୀ କଲରାପତରିଆ ବାଘ । ସେମିତି କୋଠରୀରେ ଦୁଇବର୍ଷ ଧରି ରହିଲା ପରେ ଏବେ ଏମାନଙ୍କ ଉଗ୍ର ସ୍ବଭାବରେ ଆସିଛି ଅନେକ ପରିବର୍ତନ । ତଥାପି ଏମାନଙ୍କୁ ଏବେ ପର୍ଯ୍ୟଟକ ଦେଖିବା ମନା। କେନ୍ଦ୍ରୀୟ ଚିଡିଆଖାନା କର୍ତୃପକ୍ଷଙ୍କ ଅନୁମତି ନ ମିଳିବା ଯାଏଁ ମାନଙ୍କୁ ପର୍ଯ୍ୟଟକଙ୍କୁ ଦେଖେଇବା କଥା ହେଉ ଅବା ଏମାନଙ୍କର ଏଠାରେ ବଂଶ ବୃଦ୍ଧି କରାଯିବା କଥା ହେଉ, କିଛି ହୋଇପାରିବ ନାହିଁ ବୋଲି କହିଛନ୍ତି ନନ୍ଦନକାନନ କର୍ତ୍ତୃପକ୍ଷ । 

ନୂଆପଡା ହଳଦୀ ଗ୍ରାମରେ ଗତ ୨୦୧୭ ମେ ୨୬ ତାରିଖ ଦିନ ଏହି କଲରାପତରିଆ ବାଘ ଜଗନ୍ନାଥ ପାଣ୍ଡେଙ୍କ ୬ବର୍ଷର ଝିଅ ଚାନ୍ଦିନୀକୁ, ତାର ମା’କୋଳରୁ ଝାମ୍ପି ନେଇ ଜଙ୍ଗଲରେ ଭକ୍ଷଣ କରିଥିଲା । ବାଘଙ୍କୁ ଧରିବା ପାଇଁ ବନ ବିଭାଗ ସେଠାରେ ଜନ୍ତା ବସାଇ ଦୁଇ କଲରାପତରିଆ ବାଘଙ୍କୁ କାବୁ କରିଥିଲା । ଏମାନଙ୍କ ମଧ୍ୟରୁ ଗୋଟିଏ ଅଣ୍ଡିରା ଓ ଅନ୍ୟଟି ମାଈ ଥିବାବେଳେ ଏମାନଙ୍କୁ ୨୦୧୭ ଜୁଲାଇ ୧୭ ତାରିଖରେ ନନ୍ଦନକାନନରେ ଆଣି ଛଡାଯାଇଥିଲା ।

ଏହି ଦୁଇ ନିରୀହ ବାଘ ଏବେ ନନ୍ଦନକାନନର ନିବୁଜ କୋଠରୀରେ ଜୀବନ ବିତାଉଛନ୍ତି । ଦୁଇବର୍ଷରେ ଏମାନଙ୍କ ଉଗ୍ର ସ୍ବାଭବରେ ଅନେକ ପରିବର୍ତନ ଆସିସାରିଛି । ହେଲେ ଅନୁମତି ନଥିବାରୁ ପର୍ଯ୍ୟଟକଙ୍କୁ ଦେଖାଇବାର ସୁଯୋଗ ମିଳୁନାହିଁ ।

ଅନ୍ୟପଟେ ନନ୍ଦନକାନନରେ ପୂର୍ବରୁ ତିନୋଟି ମାଈ କଲରାପତରିଆ ବାଘ -ଅନିତା, ମଞ୍ଜୁ, ବର୍ଷା ଥିବାବେଳେ ସୁରଜ, ମଙ୍ଗଲ ନାମକ ଦୁଇଟି ଅଣ୍ଡିରା କଲରାପତରିଆ ବାଘ ରହିଛନ୍ତି । ତେବେ ଏମାନଙ୍କର ଏଠାରେ ବଂଶବୃଦ୍ଧି ସମ୍ଭବ ହେଉନାହିଁ । ନୂଆପଡାରୁ ଆସିଥିବା ଦୁଇ ଜଙ୍ଗଲୀ ବାଘଙ୍କୁ ଏଠାରେ ମିଳନ କରାଇ ଏମାନଙ୍କ ବଂଶବୃଦ୍ଧି କରିବା ପାଇଁ କର୍ତ୍ତୃପକ୍ଷ ଆଶା ବାନ୍ଧିଛନ୍ତି । କେନ୍ଦ୍ରୀୟ ଚିଡିଆଖାନା କର୍ତ୍ତୃପକ୍ଷଙ୍କ ଅନୁମତି ମିଳିଲେ ଏସବୁ ସମ୍ଭବ ହୋଇପାରିବ ବୋଲି କହିଛନ୍ତି ପଶୁ ଚିକିତ୍ସକ ଶରତ ଚନ୍ଦ୍ର ସାହୁ ।

   Related Posts