ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜେଲରୁ ମୁକୁଳିବେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ହତ୍ୟାକାରୀ, ସୁପ୍ରିମକୋର୍ଟ ଦେଲେ ନିର୍ଦ୍ଦେଶ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୩ ପଜିଟିଭ୍
  • ||
  • ଦେବଗଡ଼ : ଭୁଲିଗଲା ସଂପର୍କ, ମଦ୍ୟପ ବାପାର କଟୁରୀ ଚୋଟରେ ପୁଅ ମୃତ
  • ||
  • ଗଞ୍ଜାମ: ତାରାତାରିଣୀଙ୍କ ପୀଠରେ ନୂତନ ମନ୍ଦିର ପ୍ରତିଷ୍ଠା ଉତ୍ସବ, ଯୋଗଦେବେ ମୁଖ୍ୟମନ୍ତ୍ରୀ
  • ||
  • ପୁରୀ : ରଥଯାତ୍ରା ପାଇଁ ଚଳଚଞ୍ଚଳ ରଥଖଳା, ଚକ ନିର୍ମାଣରେ ବ୍ୟସ୍ତ ମୁଖ୍ୟ ବିଶ୍ୱକର୍ମା
  • ||
  • ଉଦଳା: ପ୍ରେମିକାକୁ ଦେଖାକରିବାକୁ ଯାଇଥିଲେ ପ୍ରେମିକ ଧରାପଡିଗଲେ, ଦେଖାଇଲେ ବନ୍ଧୁକ
  • ||

ଚଳନ୍ତା ବାଇକରେ ମହିଳାଙ୍କ ବେକରୁ ସୁନାଚେନ୍ ଓ କାନଫୁଲ ଝାମ୍ପି ନେଲେ ଲୁଟେରା : ପଲସର ସହ ଧରାପଡ଼ିଲା ଜଣେ ଦୁର୍ବୃତ୍ତ, ସ୍ଥାନୀୟ ଲୋକେ ନିସ୍ତୁକ ମାଡ଼ମାରି ଦେଲେ ପୋଲିସର ଜିମା- ଦେଖନ୍ତୁ ପୁରା ଭିଡ଼ିଓ

31/10/2018 at 7:50 PM

ଭୁବନେଶ୍ୱର ୩୧/୧୦: ଭୁବନେଶ୍ୱର ଖଣ୍ଡଗିରି ଥାନା ଅନ୍ତର୍ଗତ ତମାଣ୍ଡ ନିକଟରେ ଜଣେ ବାଇକ ପଛରେ ବସି ଯାଉଥିବା ଜଣେ ମହିଳାଙ୍କ ବେକରୁ ସୁନା ହାର ଓ କାନଫୁଲ ଝାମ୍ପି ନେଇଯାଇଛନ୍ତି ଦୁର୍ବୃତ୍ତ ।

ଆଜି ସନ୍ଧ୍ୟା ୭ଟା ବେଳକୁ ଗାଡ଼କଣରୁ ଅରିସଳ ଯାଉଥିବା ଏହି ମହିଳାଙ୍କୁ ଦୁଇଜଣ ଯୁବକ ଏକ ପଲସର୍ ମଟରସାଇକଲରେ ପିଛା କରିଥିଲେ । ଖଣ୍ଡଗିରି ଛକ ପାର୍ ହେବାପରେ ଓ ତମାଣ୍ଡ ଛକ ପୂର୍ବରୁ ଦୁର୍ବୃତ୍ତମାନେ ମହିଳାଙ୍କ ବେକରୁ ସୁନାହାର ଛଡ଼ାଇଥିଲେ । ମଟର ସାଇକେଲରୁ ମହିଳା ତଳେ ପଡ଼ିଯାଇଥିଲେ । ପଲସରରେ ଥିବା ଦୁଇଜଣ ଦୁର୍ବୃତ୍ତ ତାଙ୍କ ବେକରୁ ସୁନାଚେନ ଓ କାନଫୁଲ ଝାମ୍ପି ନେଇଥିଲେ ।

ମହିଳା କୋଳରେ ତାଙ୍କ ପୁଅକୁ ମଧ୍ୟ ଧରିଥିଲେ । ବାଇକରୁ ଏମାନେ ଗଳିପଡ଼ିଥିଲେ ମଧ୍ୟ ଏମାନଙ୍କର କିଛି କ୍ଷତି ହୋଇନାହିଁ । ତେବେ ମହିଳାଙ୍କ ସୁନାଚେନ ଓ କାନଫୁଲ ନେଇ ପଳାଇବା ପାଇଁ ଉଦ୍ୟମ କରୁଥିବା ଦୁର୍ବୃତ୍ତଙ୍କ ମଧ୍ୟରୁ ଜଣକୁ ସ୍ଥାନୀୟ ଲୋକେ କାବୁ କରିବା ସହ ପଲସରକୁ ଜବତ କରିବାରେ ସକ୍ଷମ ହୋଇଥିଲେ । ଜବତ ହୋଇଥିବା ପଲସରର ନମ୍ୱର ହେଉଛି OR-25B-1197 , ଧରାପଡ଼ିଥିବା ଦୁର୍ବୃତ୍ତକୁ ସ୍ଥାନୀୟ ଲୋକେ ନିସ୍ତୁକ ମାଡ଼ ମାରିବା ସହ ପୋଲିସର ଜିମା ଦେଇଛନ୍ତି ।

ଧରାପଡ଼ିଥିବା ଦୁର୍ବୃତ୍ତର ଘର ବାଙ୍କିରେ ବୋଲି ସେ କହିଛି । ଅପରପକ୍ଷରେ ଫେରାର ହୋଇଯାଇଥିବା ଦୁର୍ବୃତ୍ତ ପାଖରେ ମହିଳାଙ୍କ ସୁନାଚେନ ଓ କାନଫୁଲ ଥିବାରୁ ତାହା ଉଦ୍ଧାର କରାଯାଇ ପାରିନାହିଁ ।

   Related Posts