ବାଲିପାଟଣା ୨୫।୧୦ : ଭେରାଇଟି ଷ୍ଟୋର୍ରୁ ଚୋରି କରି ବନ୍ଧାହେଲେ ଲୁଟେରା । ୨ଜଣ ଲୁଟେରାଙ୍କୁ କାବୁ କରି ଉତ୍ତମ ମଧ୍ୟମ ଦେଲେ ଗ୍ରାମବାସୀ । ତେବେ ଗିରଫ ୨ ଲୁଟେରା ହେଉଛନ୍ତି ନିମାପଡ଼ା ଥାନା ଅଣ୍ଡିଆସାହିର ସୂର୍ଯ୍ୟକାନ୍ତ ବେହେରା ଓ ବାଲିପାଟଣା ଥାନା ଶିଶୁମଠ ସାହିର ସତ୍ୟବାନ ବେହେରା । ବାଲିପାଟଣା ଥାନା ଆଳୋଇ ଛକ ନିକଟରେ ଘଟିଛି ଘଟଣା ।
{"id":532827,"sizeSlug":"full","linkDestination":"none"}
ଖବର ଅନୁଯାୟୀ, ଆଳୋଇ ଛକ ନିକଟରେ ଥିବା ଭେରାଇଟ୍ ଷ୍ଟୋରରୁ କିଛି ଲୁଟେରା ଲୁଟି କରି ଅଟୋରେ ସାମଗ୍ରୀ ଲୋଡ଼ କରିଥିଲେ । ହେଲେ ଠିକଣା ସମୟରେ ଅଟୋଟି ଷ୍ଟାର୍ଟ ହୋଇନଥିଲା । ଯାହାଫଳରେ ଫସର ଫାଟିଥିଲା ଲୁଟ୍ ଉଦ୍ୟମ । ଠିକ୍ ଏହି ସମୟରେ ଗାଁର ଜଣେ ବ୍ୟକ୍ତି ଲୁଟେରାଙ୍କୁ ଦେଖି ପାଟି କରିଥିଲେ । ଯାହାଫଳରେ ଗ୍ରାମବାସୀମାନେ ଦୌଡି ଆସି ଲୁଟେରାଙ୍କୁ କାବୁ କରି ଉତ୍ତମ ମଧ୍ୟମ ଦେଇଥିଲେ । ତେବେ ଅନ୍ଧାରର ସୁଯୋଗ ନେଇ ଜଣେ ଲୁଟେରା ଫେରାର ହୋଇଯାଇଛି । ବାଲିପାଟଣା ପୋଲିସ ଘଟଣାସ୍ଥଳରେ ପହଞ୍ଚି ଗ୍ରାମବାସୀ କାବୁ କରିଥିବା ୨ ଲୁଟେରାଙ୍କୁ ଧରି ଥାନାକୁ ଆଣିଥିଲେ । ସେମାନଙ୍କୁ ପଚରାଉଚରା ଜାରି ରଖିଛି ପୋଲିସ । ଏହାସହିତ ଚୋରିରେ ବ୍ୟବହୃତ ସାମଗ୍ରୀକୁ ଜବତ କରିଛି ପୋଲିସ ।
