Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ବିବାହ ମଣ୍ଡପରୁ ଲୁଟ୍ କରିଥିବା ଲୁଟେରାକୁ ଗିରଫ କଲା ଚନ୍ଦ୍ରଶେଖରପୁର ପୋଲିସ : ଖଣ୍ଡଗିରିରୁ ଆଉ ଜଣେ ପୁରୁଣା ଚୋର ଗିରଫ, ସୁନାଗହଣା ସହ ଲକ୍ଷାଧିକ ଟଙ୍କା ଜବତ

4/03/2020 at 12:34 PM

ଭୁବନେଶ୍ବର ୪।୩: ଭୁବନେଶ୍ବର ଚନ୍ଦ୍ରଶେଖରପୁର ସ୍ଥିତ ବିବାହ ମଣ୍ଡପରୁ ଟଙ୍କା ଚୋରି କରିଥିବା ଦୁଇ ଲୁଟେରାଙ୍କ ମଧ୍ୟରୁ ଜଣେ ଧରାପଡିଛି । ଚନ୍ଦ୍ରଶେଖରପୁର ଥାନା ପୋଲିସ ସଂପୃକ୍ତ ଲୁଟେରାକୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ଭଦ୍ରକ ଜିଲ୍ଲାର ଗଣପତି ସାହୁ । ସେ କିଛି ଦିନ ହେଲା ଭୁବନେଶ୍ବରରେ ରହିଆସୁଥିବା ପୋଲିସ ସୂଚନା ଦେଇଛି । ଅନ୍ୟ ଜଣେ ଯୁବକ ଫେରାର ରହିଛି ।

ସେପଟେ ଖଣ୍ଡଗିରି ଥାନା ପୋଲିସ ଦ୍ବାରା ଆଉ ଜଣେ କୁଖ୍ୟାତ ଭଦ୍ର ଚୋର ଗିରଫ ହୋଇଛି । ଗିରଫ ଅଭିଯୁକ୍ତ ଜଣଙ୍କ ଖୋର୍ଦ୍ଧା କେରଙ୍ଗ ଅଞ୍ଚଳର ଶେଖ୍ ଅବଦୁଲ ଲତିଫ ବୋଲି ଜଣାପଡିଛି । ଲତିଫ ବିବାହ ମଣ୍ଡପରୁ ଟଙ୍କା ଚୋରି କରୁଥିବା ସିରିଜ୍ ଲୁଟେରା । ସେ ୪ଟି ବିବାହ ମଣ୍ଡପରୁ ଲକ୍ଷାଧିକ ଟଙ୍କା ଚୋରି କରିଥିଲା । ତା ନିକଟରୁ ୪ଲକ୍ଷ ଟଙ୍କା ସହ ବାଇକ୍, ସୁନାଗହଣା ଜବତ ହୋଇଛି ।

ସୂଚନାଯୋଗ୍ୟ ଯେ, ଚନ୍ଦ୍ରଶେଖରପୁର ସ୍ଥିତ ବିବାହ ମଣ୍ଡପରୁ ଫିଲ୍ମ ଷ୍ଟାଇଲରେ ଲୁଟ୍ ହୋଇଥିଲା । ଶତାଧିକ ଲୋକଙ୍କ ଆଖିରେ ଧୂଳି ଦେଇ ସୁନା ଗହଣା ସହ ଟଙ୍କା ଲୁଟିନେଇଥିଲେ ଦୁଇ ଲୁଟେରା । ଅତିଥି ହୋଇ ବାହାଘର ଭୋଜିକୁ ଆସିଥିଲେ । ସେଠାରେ ଉପସ୍ଥିତ ଥିବା ଲୋକଙ୍କ ସହ ମିଶିଥିଲେ । ତା ପରେ ମଉକା ଦେଖି ସମସ୍ତଙ୍କୁ ଭୂଆଁ ବୁଲେଇ ଗିଫ୍ଟ ମିଳିଥିବା ଟଙ୍କା ବ୍ୟାଗକୁ ନେଇ ଚମ୍ପଟ ମାରିଥିଲେ । ଶନିବାର ଚନ୍ଦ୍ରଶେଖରପୁର ଥାନା ନିକଟରେ ଏକ ବାହାଘର ମଣ୍ଡପରେ ଏହି ଲୁଟ୍ ହୋଇଥିଲା ।

ସିସିଟିଭି ଫୁଟେଜରେ ପୂରା ଲୁଟର ଦୃଶ୍ୟଟି କଏଦ ହୋଇଥିଲା । ପ୍ରଥମେ ଲୁଟେରା ବାହାଘର ଭୋଜି ଭିତରକୁ ପଶିଥିଲେ । ପରେ ବାହାଘର ଭୋଜିରେ ବୁଲିଥିଲେ । ଯେଉଁ ସୋଫା ଉପରେ ଟଙ୍କା ବ୍ୟାଗଟି ଥିବା ଦେଖି ତା ନିକଟରେ ଯୁବକ ଜଣକ ବୁଲିଥିଲା। ପରେ ଧିରେ ଧିରେ ସୋଫା ପାଖକୁ ଯାଇଥିଲା । ଆଉ ଚାରିଆଡ଼େ ନଜର କରିଥିଲା, ଯେମିତି ତାକୁ କେହି ଦେଖୁନାହାନ୍ତି ତ । ଏହାପରେ ଆଖି ପିଛୁଳାକେ ବ୍ୟାଗ୍ ନେଇ ଚମ୍ପଟ ମାରିଥିଲା । ଏହାକୁ ନେଇ ଚନ୍ଦ୍ରଶେଖରପୁର ଥାନାରେ ଅଭିଯୋଗ ପରେ ତଦନ୍ତ ଆରମ୍ଭ କରିଥିଲା ପୋଲିସ ।  ତେବେ ସଂପୃକ୍ତ ଚୋର ଜଣଙ୍କ ଧରାପଡିଥିବା ଜଣାପଡିଛି ।

   Related Posts