ଅନୁଗୁଳ ୮|୧: ଶ୍ବାସରୁଦ୍ଧ ହୋଇ ୨ ଶ୍ରମିକ ମୃତ । କଣିହାଁ ଗଦାଶିଳା ଗାଁରେ ଘଟିଛି ଏଭଳି ଅଘଟଣ ଘଟିଛି । ମୃତକଙ୍କ ପରିଚୟ ମିଳିପାରିନାହିଁ । ମୃତକ ଦୁଇ ଜଣ ଟାଇଲ୍‌ ମିସ୍ତ୍ରୀ ଭାବେ କାମ କରୁଥିବାର ସୂଚନା ମିଳିଛି ।

ସୂଚନା ଅନୁସାରେ ଅନୁଗୁଳ ଜିଲ୍ଲା କଣିହାଁ ଗଦାଶିଳା ଗାଁରେ ଜଣଙ୍କ ଘରେ ଦୁଇ ଶ୍ରମିକ କାମ କରୁଥିଲେ । ଶୀତ ଯୋଗୁଁ ଘର ଭିତରେ କୋଇଲା ଜାଳି ଶୋଇଥିଲେ । ଫଳରେ ଶ୍ବାସରୁଦ୍ଧ ହୋଇ ଦୁଇ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।