ପାଟଣା ୬।୯: ଫେସବୁକରେ ଫେକ୍ ଆକାଉଣ୍ଟ ଖୋଲିବା ପଡିଲା ମହଙ୍ଗା । କେନ୍ଦ୍ରାପଡା ଟାଉନ ଥାନା ଅଞ୍ଚଳର ଜଣେ ନାବାଳିକାଙ୍କ ବାପାଙ୍କ ନାଁରେ ଫେକ୍ ଆକାଉଣ୍ଟ ଖୋଲି ନାବାଳିକାଙ୍କୁ ଅଶ୍ଳୀଳ ମେସେଜ କରୁଥିଲେ । ଏହାସହ ନାବାଳିକାଙ୍କ ଫଟୋକୁ ବିକୃତ କରି ଫେକ୍ ଆକାଉଣ୍ଟରେ ଫଟୋ ପୋଷ୍ଟ କରୁଥିଲେ । ଏମିତିକି ନାବାଳିକାଙ୍କୁ ଫୋନ୍ କରି ବାରମ୍ବାର ମାନସିକ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା ।
ଅଭିଯୋଗରେ କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ରାଜନଗର ଗ୍ରାମର ଦୁଇ ଯୁବକଙ୍କୁ ଉଠାଇ ନେଇଛି କେନ୍ଦ୍ରାପଡା ପୋଲିସ । ଏନେଇ ନାବାଳିକାଙ୍କ ପରିବାର ପକ୍ଷରୁ ଗତ ୩ ତାରିଖରେ କେନ୍ଦ୍ରାପଡା ଟାଉନ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଗୁରୁତର ଭାବେ ନେଇ କେନ୍ଦ୍ରାପଡା ଟାଉନ ଥାନାର ଆଆଇସି ସୁମନ୍ତ କିଷାନଙ୍କ ନେତୃତ୍ବରେ ଏକ ଟିମ୍ ତୁରୁମୁଙ୍ଗା ପୋଲିସ ସହାୟତାରେ ରାଜନଗର ଗ୍ରାମରେ ଚଢ଼ାଉ କରି ଦୁଇ ଯୁବକଙ୍କୁ ଉଠାଇ ନେଇଛି । ଦୁଇ ଯୁବକ ହେଉଛନ୍ତି ରାଜନଗର ଗ୍ରାମର ବସନ୍ତ ମାଟିଆ ଓ ଚନ୍ଦନ ମାଟିଆ ଉଭୟଙ୍କ ପାଖରୁ ପୋଲିସ ୩ଟି ମୋବାଇଲ ଜବତ କରିଛି।