Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦୋମୁଣ୍ଡିଆ ସାପ କ୍ଷୀର ପିଇଲା, କିନ୍ତୁ ଅଘଟଣ ଆଶଙ୍କାରେ ଜଙ୍ଗଲ ବିଭାଗକୁ ଧରାଇଦେଲେନି ଗାଁଲୋକେ

11/12/2019 at 2:41 PM

କୋଲକାତା ୧୧।୧୨: ଦୋମୁଣ୍ଡିଆ ସାପ । ଏପରି ଦୁଇଟି ମୁଣ୍ଡ ଥିବା ସାପଟିଏ ପଶ୍ଚିମବଙ୍ଗ ବେଲଡା ପଞ୍ଚାୟତର ଏକରୁଁଖୀ ଗାଁରେ ଦେଖିବାକୁ ମିଳିଛି । କେବଳ ଦେଖିବାକୁ ମିଳିନି ଲୋକେ ତାକୁ କ୍ଷୀର ପିଆଇଛନ୍ତି । ପୂଜା କରିଛନ୍ତି । କିନ୍ତୁ ଜଙ୍ଗଲ ବିଭାଗ କର୍ମଚାରୀ ଆସିବା ପୂର୍ବରୁ ସାପଟିକୁ ଜଙ୍ଗଲ ଭିତରେ ଛାଡିଦେଇଛନ୍ତି ।

ସୂଚନାଯୋଗ୍ୟ ଯେ, ସାଧାରଣତଃ ଦୁଇଟି ମୁଣ୍ଡ ଥିବା ସାପ ବହୁତ କମ ଦେଖିବାକୁ ମିଳିଥାଏ କିନ୍ତୁ ଏକରୁଁଖୀ ଗାଁର ଲୋକେ ଦୁଇଟି ମୁଣ୍ଡ ଥିବା ସାପକୁ ଦେଖି କ୍ଷୀର ପିଇବାକୁ ଦେଇଥିଲେ ।  ଦୁଇ ମୁଣ୍ଡିଆ ସାପକୁ ଦେଖିବାକୁ ଆଖପାଖ ଗାଁର ଲୋକମାନେ ଏବେ ଭିଡ ଜମାଇଛନ୍ତି । ସାପ ପାଇଁ ଲୋକ ସାଙ୍ଗରେ କ୍ଷୀର ନେଇ ଆସୁଥିବାର ଜଣାପଡିଛି । ତେବେ ସାପଟି କେଉଁ ପ୍ରଜାତିର ତାହା ଏଯାଏଁ ସ୍ପଷ୍ଟ ହୋଇନାହିଁ ।

ତେବେ ଗାଁର ଜଣେ ବ୍ୟକ୍ତି ସାପଟିକୁ ପ୍ରଥମେ ଦେଖିବାକୁ ପାଇଥିଲେ , ପରେ ପରେ ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଗ୍ରାମବାସୀମାନେ ଧାର୍ମିକ ଭାବନ ଦେଖାଇ କୌଣସି ଅଘଟଣ ଆଶଙ୍କା କରି ସାପଟିକୁ ବନବିଭାଗ ଆସିବା ପୂର୍ବରୁ ଜଙ୍ଗଲକୁ ଛାଡିଦେଇଥିବା ଜଣାପିଡିଛି । ଦୋମୁଣ୍ଡିଆ ସାପକୁ ଖୋଜିବା ପାଇଁ ବନ ବିଭାଗ ପକ୍ଷରୁ ଛାନଭିନ ଜାରି ରହିଛି।

   Related Posts