ପାଟଣା ୧୧।୦୧: ଚୋରି ଉଦ୍ୟମ ବେଳେ ୨ ଚୋରଙ୍କୁ କାବୁ କଲେ ଗ୍ରାମବାସୀ , ପରେ ପୋଲିସର ଜିମା ଦେଇଛନ୍ତି ଗ୍ରାମବାସୀ । କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅଞ୍ଚଳରେ ଘଟିଛି ଘଟଣା ।
ଖବର ଅନୁଯାୟୀ, ତୁରୁମୁଙ୍ଗାରେ ଦିଲ୍ଲୀପ ସାହୁ ଙ୍କ ଘରୁ ଗତକାଲି ରାତି ଚୋରି ଉଦ୍ୟମ ହେଉଥିବା ବେଳେ ଗ୍ରାମବାସୀ ଦୁଇଜଣ ଚୋରଙ୍କୁ କାବୁ କରିଥିଲେ । ଏହାପରେ ୨ ଚୋରକୁ ପୋଲିସର ଜିମା ଦେଇଛନ୍ତି ଗ୍ରାମବାସୀ । ଘରେ କେହିନଥିବାର ସୁଯୋଗ ନେଇ ଘର ପଛ ପଟ କବାଟ ଓ ଝରକାର ଗ୍ରୀଲ ଭାଙ୍ଗି ଚୋରି କରିବା ପାଇଁ ଘର ଭିତରକୁ ପଶିଥିଲେ ଇ ଚୋର ।
କୌଣସି ସୁତ୍ରରୁ ଖବର ପାଇ ଗ୍ରାମବାସୀ ଦୁଇ ଚୋରଙ୍କୁ କାବୁ କରି ପୋଲିସର ଜିମା ଦେଇଛନ୍ତି । ସେହିପରି ଘଟଣାସ୍ଥଳରୁ ଆଉ ଦୁଇ ଜଣ ଚୋର ଫେରାର ହୋଇଯାଇଛନ୍ତି। ଦୁଇ ଚୋର କଟକ ଅଞ୍ଚଳର ହୋଇଥିବା ଜଣାପଡିଛି । ୪୯ ନମ୍ବର ଜାତୀୟ ରାଜପଥ କଡ଼ରେ ଥିବା ତୁରୁମୁଙ୍ଗା ଗ୍ରାମରୁ ବାରମ୍ବାର ଚୋରି ହେଉଥିବାରୁ ରାତ୍ର କାଳୀନ ପେଟ୍ରୋଲିଂ କରିବା ପାଇଁ ଅଞ୍ଚଳ ବାସୀ ଦାବି କରିଛନ୍ତି।