Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||
  • ପାରାଦୀପ : ଟ୍ରେନ୍ ଲାଇନ୍ କଡରୁ ମୃତଦେହ ଉଦ୍ଧାର, ହତ୍ୟା ନା’ ଆତ୍ମହତ୍ୟା ସନ୍ଦେହ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୫୯ କୋଭିଡ୍ ପଜିଟିଭ୍, ୩୩୭୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଳେଶ୍ବର : ମୋବାଇଲ୍ ଚୋରକୁ ଧରି ନିର୍ଧୁମ ଛେଚିଲେ ଗ୍ରାମବାସୀ
  • ||

କେନ୍ଦ୍ରରେ ଓଡିଶାରୁ ୨ ମନ୍ତ୍ରୀ, ନିରାଶ ହେଲେ ଜୁଏଲ ଓ ଅପରାଜିତା

30/05/2019 at 10:00 PM

ଭୁବନେଶ୍ବର ୩୦।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବିତୀୟ ପାଳି ସରକାରରେ ଓଡିଶାକୁ ମିଳିଛନ୍ତି ୨ କେନ୍ଦ୍ରମନ୍ତ୍ରୀ। ଏଥିରୁ ଧର୍ମେନ୍ଦ୍ର ପ୍ରଧାନଙ୍କୁ କ୍ୟାବିନେଟ ପାହ୍ୟା ମିଳିଥିବା ବେଳେ ପ୍ରଥମ ଥର ସାଂସଦ ନିର୍ବାଚିତ ପ୍ରତାପ ଷଢଙ୍ଗୀଙ୍କୁ ମିଳିଛି ରାଷ୍ଟ୍ରମନ୍ତ୍ରୀ ପଦବୀ। ତେବେ କେନ୍ଦ୍ରରେ ଏଥର ଓଡିଶାକୁ ଅଧିକ ପ୍ରାଧାନ୍ୟ ମିଳିବ ବୋଲି ରାଜ୍ୟ ବିଜେପି ଆଶାୟୀ ଥିବା ବେଳେ ଅନୁନ୍ୟ ୩ ଜଣ କେନ୍ଦ୍ରମନ୍ତ୍ରୀ ହେବେ ବୋଲି ରାଜନୈତିକ ମହଲରେ ଚର୍ଚ୍ଚା ଜୋର ଧରିଥିଲା। ତେବେ ଗୁରୁବାର ସନ୍ଧ୍ୟାରେ କେନ୍ଦ୍ରମନ୍ତ୍ରିମଣ୍ଡଳର ଶପଥପାଠ ଉତ୍ସବ ପରେ ଚର୍ଚ୍ଚାରେ ବୀରାମ ଲାଗିଛି । ତେବେ ଏନଡିଏର ଗତ ୨ ପାଳିରେ କେନ୍ଦ୍ରମନ୍ତ୍ରୀ ଥିବା ଜୁଏଲ ଓରାମ ଏଥର ନିରାଶ ହୋଇଥିବା ବେଳେ ଉଚ୍ଚ ପ୍ରଶାସନିକ ଅଧିକାରୀ ପଦବୀରୁ ଇସ୍ତଫା ଦେଇ ରାଜନୀତିରେ ନୂଆକରି ପାଦ ଥାପିଥିବା ଅପରାଜିତା ଷଢଙ୍ଗୀଙ୍କୁ ମଧ୍ୟ ମନ୍ତ୍ରୀମଣ୍ଡଳରେ ସ୍ଥାନ ମିଳି ନାହିଁ।

୨୦୧୪ ସାଧାରଣ ନିର୍ବାଚନରେ ଓଡିଶାରୁ ଜୁଏଲ ଏକାକୀ ଲୋକସଭାକୁ ନିର୍ବାଚିତ ହୋଇଥିଲେ। ନରେନ୍ଦ୍ର ମୋଦି ତାଙ୍କ ପ୍ରଥମ ପାଳି  ସରକାରରେ ଜୁଏଲଙ୍କୁ ତାଙ୍କ କ୍ୟାବିନେଟରେ ସ୍ଥାନ ଦେବା ସହ କେନ୍ଦ୍ର ଆଦିବାସୀ ମନ୍ତ୍ରାଳୟ ଦାୟିତ୍ବ ନ୍ୟସ୍ତ କରିଥିଲେ। ତେବେ ଦ୍ବିତୀୟବାର ଜୁଏଲଙ୍କୁ ଗୁରୁତ୍ବପୂର୍ଣ୍ଣ ବିଭାଗ ମିଳିବା ନେଇ ଯେଉଁ ଚର୍ଚ୍ଚା ହେଉଥିଲା ତାହା ଶପଥପାଠ ଉତ୍ସବ ପରେ ପାଣି ଫାଟି ଯାଇଛି। ଗତ ସରକାରରେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତି ଗ୍ୟାସମନ୍ତ୍ରାଳୟ ଦାୟିତ୍ବରେ ଥିବା ଧର୍ମେନ୍ଦ୍ର ପ୍ରଧାନଙ୍କୁ ପୁଣି ମୋଦିଙ୍କ ମନ୍ତ୍ରିମଣ୍ଡଳରେ ସ୍ଥାନ ମିଳିଛି । ଯଦିଓ ସେ ନିର୍ବାଚନରେ ପ୍ରତିଦ୍ବନ୍ଦ୍ବୀତା କରି ନଥିଲେ, ତଥାପି ଦଳର ବିପୁଳ ବିଜୟରେ ତାଙ୍କର  ପ୍ରତ୍ୟକ୍ଷ ଭୂମିକା ଥିଲା।  ବିଜେପି ଜାତୀୟ ସଭାପତି ଅମିତ ଶାହଙ୍କ ସହ ଧର୍ମେନ୍ଦ୍ର  ରାଜ୍ୟ ତଥା ଦେଶରେ ନିର୍ବାଚନ ପ୍ରଚାର ମଙ୍ଗ ଧରିଥିଲେ। ଯେଉଁଥି ପାଇଁ ଓଡିଶାରେ ବିଜେପି ଗୋଟିଏ ଲୋକ ସଭା ଆସନରୁ ୮ଟିକୁ ପହଞ୍ଚିଥିବା ବେଳେ ବିଧାନସଭାରେ ଅନୁନ୍ୟ ବିରୋଧୀ ଦଳ ଭାବେ ଉଭା ହୋଇପାରିଛି।

ତେବେ ପ୍ରଥମ କରି ସାଂସଦ ନିର୍ବାଚିତ ହୋଇଥିବା ପ୍ରତାପ ଷଢଙ୍ଗୀଙ୍କୁ ମୋଦି ରାଷ୍ଟ୍ରମନ୍ତ୍ରୀ ଭାବେ ମନ୍ତ୍ରୀମଣ୍ଡଳରେ ସମିଲ କରି ପ୍ରତାପ ସମେତ ରାଜ୍ୟବାସୀଙ୍କୁ ଗର୍ବିତ କରିଛନ୍ତି ।  ବିଧାୟକ ଭାବେ ପ୍ରତାପ ବିଧାନସଭାରେ ବେଶ ସମ୍ମାନିତ ଥିଲେ। ନିଳଗିରି ବିଧାନସଭା ନିର୍ବାଚନମଣ୍ଡଳିର ସମସ୍ୟା ବେଶ୍ ମାର୍ଜିତ ଭାବେ ପ୍ରତାପ ବିଧାନସଭାରେ ଉପସ୍ଥାପନ କରି ସମାଧାନ କରିବାର ଶରଳ ରାସ୍ତା ବାହାର କରିନେଉଥିଲେ। ଏଣୁ ବାଲେଶ୍ବର ଲୋକସଭା ଆସନ ନିମନ୍ତେ ମତଦାତା ତାଙ୍କ ଉପରେ ଆସ୍ଥା ସ୍ଥାପନ କରିଥିବା ବେଳେ କେନ୍ଦ୍ରର ନୂତନ ସରକାର ମଧ୍ୟ ତାଙ୍କୁ ମନ୍ତ୍ରୀମଣ୍ଡଳରେ ସାମିଲ କରିଥିବାରୁ ତାଙ୍କ ନିର୍ବାଚନମଣ୍ଡଳିବାସୀଙ୍କୁ ଆସ୍ବସ୍ତ କରିଛି ।  

   Related Posts