Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମହଙ୍ଗା ପଡିଲା ମତଦାନ ସାବ୍ୟସ୍ତ, ବରଗଡ ଜିଲ୍ଲା ଭଟଲୀ ନିର୍ବାଚନ ମଣ୍ଡଳୀ ରସାଲି ଗାଁର ଦୁଇ ପରିବାର ସାମାଜିକ ବାସନ୍ଦ !

16/05/2019 at 9:51 AM

ବରଗଡ ୧୬|୫: ମହଙ୍ଗା ପଡିଲା ମତଦାନ ସାବ୍ୟସ୍ତ । ମତଦାନ କରି ବରଗଡ ଜିଲ୍ଲା ଭଟଲୀ ନିର୍ବାଚନ ମଣ୍ଡଳୀ ରସାଲି ଗାଁର ଦୁଇ ପରିବାର ସାମାଜିକ ବାସନ୍ଦ । ଗାଁ ଲୋକ ଏହି ଦୁଇ ପରିବାର ସହ କଥାବାର୍ତ୍ତା ବନ୍ଦ କରିବା ସହ ଗାଁ ଦୋକାନରୁ ଜିନିଷପତ୍ର କିଣିବାକୁ ବନ୍ଦ କରିଛନ୍ତି । ରସାଲି ଗାଁ ଲୋକଙ୍କ ପାଇଁ ତରାକନାରେ ମତଦାନ କେନ୍ଦ୍ର ହୋଇଥିଲା । କିନ୍ତୁ ସେହି କେନ୍ଦ୍ରରେ ଭୋଟ୍ ନଦେବା ପାଇଁ ଗ୍ରାମବାସୀ ନିଷ୍ପତି ନେଇଥିଲେ ।

କିନ୍ତୁ  ଅରକ୍ଷିତ ସାହୁ ଓ ଶିବ ବୁଦ୍ଧିଆଙ୍କ ପରିବାର ମତଦାନ କେନ୍ଦ୍ରକୁ ଯାଇ ନିଜ ନିଜ ଭୋଟ୍ ଦେଇଥିଲେ । ଦୁଇ ପରିବାର ଲୋକ ଭୋଟ୍ ଦେବା ପରେ ଗାଁ ଲୋକେ ସେମାନଙ୍କୁ ବାସନ୍ଦ କରିଥିବା ଅଭିଯୋଗ ହୋଇଛି । ପରବର୍ତ୍ତି ସମୟରେ ଏନେଇ ଜିଲ୍ଲା ପ୍ରଶାସନ ନିକଟରେ ଅଭିଯୋଗ ହୋଇଛି । 

ଖବର ପାଇଁ ସ୍ଥାନୀୟ ବିଡିଓ, ତହସିଲଦାର ଓ ଥାନା ଅଧିକାରୀ ଲୋକଙ୍କୁ ବୁଝାସୁଝା କରିଥିଲେ । ଏଯାଏଁ କିଛି ସମଧାନ ହୋଇନାହିଁ । ଶେଷର ନିରୂପାୟ ହୋଇ ଉଭୟ ପରିବାର  ଜିଲ୍ଲାପାଳ ଇନ୍ଦ୍ରମଣୀ ତ୍ରିପାଠୀଙ୍କ ନିକଟରେ ଅଭିଯୋଗ କରିଛନ୍ତି । ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ଜିଲ୍ଲାପାଳ ।

   Related Posts