Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଇତିହାସରେ ହୋଇଥିବା ଭୁଲଗୁଡିକୁ ଏବେ ସୁଧାରୁଛି ଭାରତ’, କଂଗ୍ରେସକୁ ଟାର୍ଗେଟ୍ କରି ବର୍ଷିଲେ ପ୍ରଧାନମନ୍ତ୍ରୀ ମୋଦି
  • ||
  • ରବିବାର ରାଜ୍ୟରେ ସୁସ୍ଥହେଲେ ଆଉ ୧୦,୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୫୩୨ ଜଣ ଡିସଚାର୍ଜ
  • ||
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||

ଦୁଇ ଥର ପରୀକ୍ଷାରେ ୨ଟି ଭିନ୍ନ ରିପୋର୍ଟ, ରୋଗୀଙ୍କୁ ମିଳୁନି ସଠିକ୍‌ ତଥ୍ୟ, ସ୍ବାସ୍ଥ୍ୟ ବିଭାଗ ଉପରେ ଉଠିଲା ପ୍ରଶ୍ନ

4/12/2021 at 10:19 PM


ଦାରିଙ୍ଗବାଡ଼ି ୦୪/୧୨: ଗୋଟିଏ ରୋଗ ପାଇଁ ଦୁଇ ଦୁଇ ଥର ପରୀକ୍ଷା ହେଉଛି କିନ୍ତୁ କେଉଁ ରିପୋର୍ଟ ଠିକ କେଉଁଟା ଭୁଲ ରୋଗୀ ସନ୍ଦେହରେ ପଡ଼ୁଛନ୍ତି । ଦ୍ଵନ୍ଦ୍ବରେ ପକାଇ ରୋଗୀଙ୍କ ମନବଳ ଦୁର୍ବଳ କରାଯାଉଥିବା ଅଭିଯୋଗ ହୋଇଛି । କେବଳ ସେତିକି ନୁହେଁ ସୁସ୍ଥ ଲୋକଙ୍କୁ ବି ରୋଗୀ ବନେଇ ଦେଉଛନ୍ତି । ଆଉ ନିରୋଗୀକୁ ରୋଗୀ ବନେଇ ଦେଉଥିବା ଅଭିଯୋଗ ବାରମ୍ବାର ମଧ୍ୟ ଆସୁଛି । ଅନଭିଜ୍ଞ କର୍ମଚାରୀଙ୍କୁ ପରୀକ୍ଷାଗାର ଦାୟିତ୍ୱ ଦେବାରୁ ରୋଗୀଙ୍କୁ ଭୁଲ ତଥ୍ୟ ପ୍ରଦାନ କରୁଛନ୍ତି କର୍ମଚାରୀ । ଦାରିଙ୍ଗବାଡ଼ି ଅଞ୍ଚଳ ରେ ରହିଥିବା ମେଡିକାଲ ଗୁଡ଼ିକରେ ଦେଖିବାକୁ ମିଳିଛି କିଛି ଏଭଳି ଅବ୍ୟବସ୍ଥା । ସିମନବାଡ଼ି ଗ୍ରାମର ତରଣୀ ସାହୁ ଦେହ ଅସୁସ୍ଥ ଥିବା କାରଣରୁ ସିମନବାଡ଼ି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ନିଜର ହିମୋଗ୍ଲୋବିନ ପରୀକ୍ଷା କରାଇଥିଲେ ।

ଏହା ପରେ ହିମୋଗ୍ଲୋବିନ ୯.୬ ଜିଏମ ଶତକଡ଼ା ଥିବା ନେଇ ରିପୋର୍ଟ ଦେଇଥିଲେ ପରୀକ୍ଷା ଦାୟିତ୍ୱରେ ଥିବା କର୍ମଚାରୀ । ହେଲେ ଉକ୍ତ ରିପୋର୍ଟ ଦେଖି ଏତେ ମାତ୍ରାରେ କିଭଳି ହିମୋଗ୍ଲୋବିନ କମିଲା ବୋଲି ତରଣୀ ଚିନ୍ତାଗ୍ରସ୍ତ ହେବା ସହ ହିମୋଗ୍ଲୋବିନ କିଭଳି ବୃଦ୍ଧି ପାଇବ ସେନେଇ ଚିନ୍ତା କରିଥିଲେ । କିନ୍ତୁ କିଛି ସମୟ ପରେ ଉକ୍ତ ରିପୋର୍ଟ ଉପରେ ସନ୍ଦେହ ହେବାରୁ ସେ ଦାରିଙ୍ଗବାଡ଼ି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ନିଜର ହିମୋଗ୍ଲୋବିନ ଟେଷ୍ଟ କରାଇଥିଲେ । ଟେଷ୍ଟ କରିବା ପରେ ଦାୟିତ୍ୱରେ ଥିବା କର୍ମଚାରୀ ପରୀକ୍ଷା ରିପୋର୍ଟ ପ୍ରଦାନ କରିଥିଲେ । ରିପୋର୍ଟରେ ୧୪.୬ ଜିଏମ ଶତକଡ଼ା ହିମୋଗ୍ଲୋବିନ ଥିବା ଜଣାପଡ଼ିଥିଲା। ଦୁଇଟି ସରକାରୀ ସ୍ୱାସ୍ଥ୍ୟ ବିଭାଗର ରିପୋର୍ଟ ଅଲଗା ଅଲଗା ଆସିବା ପରେ ତରଣୀ ଦ୍ଵନ୍ଦ୍ବରେ ପଡିଲେ ଯେ କେଉଁ ରିପୋର୍ଟ ଠିକ ଆଉ କେଉଁ ରିପୋର୍ଟ ଭୁଲ ।

ଏଭଳି ଭାବେ ଦୁଇ ଦୁଇଟି ରିପୋର୍ଟ ରୋଗୀଙ୍କ ପାଇଁ ଚିନ୍ତାଜନକ ବୋଲି ଲୋକେ ଅଭିଯୋଗ କରିଛନ୍ତି । କର୍ମଚାରୀଙ୍କ ଏଭଳି ମନମାନୀ ହେଉ ଅବା ଅଭିଜ୍ଞ କର୍ମଚାରୀଙ୍କ ଅଭାବରୁ ବହୁ ରୋଗୀଙ୍କ ଜୀବନ ମଧ୍ୟ ଚାଲିଯାଉଥିବା ବିଗତ ଦିନ ମାନଙ୍କରେ ଅଭିଯୋଗ ହେବା ସହ ମେଡିକାଲରେ ଅପ୍ରୀତିକର ପରିସ୍ଥିତ ମଧ୍ୟ ସୃଷ୍ଟି ହୋଇଛି । ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ରାଜଶ୍ରୀ ପଟ୍ଟନାୟକଙ୍କୁ ପଚାରିବାରୁ ସେ କେଉଁ ରିପୋର୍ଟ ଭୁଲ ଆଉ କେଉଁ ରିପୋର୍ଟ ଠିକ ବୋଲି କହି ହେବନାହିଁ ବୋଲି କହିବା ସହ ଫୁଲବାଣୀ ମେଡିକାଲକୁ ଆସି ପୁଣି ଟେଷ୍ଟ କରିବା ପାଇଁ କହିଥିଲେ । ଏଭଳି ଭାବରେ ଲୋକ ନିଜର ରୋଗ ବିଷୟରେ ଜାଣିବା ପାଇଁ କେତେଥର ଟେଷ୍ଟ କଲେ ପ୍ରକୃତ ତଥ୍ୟ ପାଇବେ ବୋଲି ଅଞ୍ଚଳବାସୀ ସ୍ୱାସ୍ଥ୍ୟ ବିଭାଗକୁ ପ୍ରଶ୍ନ କରିବା ସହ ମନମାନୀ କରୁଥିବା କର୍ମଚାରୀଙ୍କ ଉପରେ ଦୃଢ଼ କାର୍ଯ୍ୟନୁଷ୍ଠାନ ନେବାକୁ ଦାବି କରିଛନ୍ତି ।

   Related Posts