ଯାଜପୁର ୨୪|୬: ଯାଜପୁରରେ କାନ୍ଥ ଭୁଶୁଡି ଦୁଇ ଜଣଙ୍କର ମୃତ୍ୟୁ ହୋଇଛି । ଯାଜପୁର ଜିଲ୍ଲା କୁଆଖିଆ ଥାନା ବାଲିପାଟଣା ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଜଣେ ମଜୁରିଆଙ୍କ ସମେତ ଘର ମାଲିକଙ୍କ ମୃତ୍ୟୁ ହୋଇଛି ।
{"id":126431}ସୂଚନା ଅନୁସାରେ ଯାଜପୁର ଜିଲ୍ଲା କୁଆଖିଆ ଥାନା ବାଲିପାଟଣା ଗାଁ ବନମାଳୀ ସାହୁଙ୍କ ଘର କାମ ଚାଲିଥିଲା । କାମ କରୁଥିବା ବେଳେ ହଠାତ୍ କାନ୍ଥ ଭୁଶୁଡି ପଡିଥିଲା । ଫଳରେ ଘର ମାଲିକଙ୍କ ସହ ଜଣେ ମଜୁରିଆଙ୍କର ମୃତ୍ୟୁ ହୋଇ ଥିବାବେଳେ ଅନ୍ୟ ଜଣେ ମଜୁରିଆ ଆହତ ହୋଇଛନ୍ତି । ମୃତକ ମାନେ ହେଲେ ଘର ମାଲିକ ବନମାଳୀ ସାହୁ (୬୦ବର୍ଷ) ଓ ମଜୁରିଆ ଚନ୍ଦନ ଲେଙ୍କା (୨୫ବର୍ଷ) । ଆହତଙ୍କୁ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।