ଭୁବନେଶ୍ବର ୧୪|୫: ବାତ୍ୟା ଫୋନି ପିଡୀତଙ୍କୁ ସାହାଯ୍ୟ ଉଦ୍ଦେଶ୍ୟରେ କୁନି ଭାଇଭଉଣୀଙ୍କ ଅର୍ଥଦାନ । ପକେଟ୍ ମନିରୁ ପଇସା ସଞ୍ଚିଥିବା ଏହି କୁନି ଭାଇଭଉଣୀ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ୫ହଜାର ଟଙ୍କା ଦାନ କରିଛନ୍ତି । ଭୁବନେଶ୍ବର ପୋଖରୀପୁଟ ଡିଏଭି ସ୍କୁଲର ଚତୁର୍ଥ ଶ୍ରେଣୀରେ ପଢୁଛନ୍ତି ଆଦିତୀ ଦାସ ଏବଂ ୟୁକେଜିରେ ପଢୁଥିବା ତାଙ୍କ ଭାଇ ଅର୍ଣ୍ଣବ ଦାସ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସଚିବାଳୟରେ ଭେଟି ୫ହଜାର ଟଙ୍କା ପ୍ରଧାନ କରିଛନ୍ତି । ପକେଟ୍ ମନିରୁ ସଞ୍ଚୟ କରଥିବା ଉଭୟ ବାତ୍ୟା ପୀଡିତଙ୍କୁ ଦେବାକୁ ଇଚ୍ଛା କରିଥିଲେ । ଏହି ସଞ୍ଚିତ ଟଙ୍କାରେ ବାସହରା ଲୋକଙ୍କ ଘର ତିଆରି ହେଉ ବୋଲି ଉଭୟ ଇଚ୍ଛା ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀ ଏଥିପାଇଁ ଆଦିତୀ ଏବଂ ଅର୍ଣ୍ଣବଙ୍କୁ ଖୁବ୍ ପ୍ରଶଂସା କରିଛନ୍ତି । ଅନ୍ୟର ବିପଦ ବେଳେ ଠିଆ ହୋଇଥିବାରୁ ଉଭୟଙ୍କୁ ଧନ୍ୟବାଦ ଦେଇଛନ୍ତି । ଅର୍ଣ୍ଣବ ଏବଂ ଆଦିତୀଙ୍କ ଏଭଳି ପ୍ରୟାସଙ୍କୁ ବିଭିନ୍ନ ମହଲରେ ପ୍ରଂଶସା କରାଯାଇଛି ।
ମଞ୍ଚରେ ଭାଷଣ ଦେବା ବେଳେ ହଠାତ୍ ଅଚେତ ହୋଇଗଲେ କେନ୍ଦ୍...