ବାଲେଶ୍ବର ୨୨|୬: ବାଲେଶ୍ବର ଜିଲ୍ଲା ବସ୍ତା ଥାନା ବଗଚରା ଗାଁରେ ଅଭାବନୀୟ ଘଟଣା ଘଟିଛି । ପୋଖରୀରେ ବୁଡିଯାଇ ଦୁଇ ଶିଶୁ କନ୍ୟାଙ୍କର ମୃତ୍ୟୁ ହୋଇଛି ।

ସୂଚନା ଅନୁସାରେ ବାଲେଶ୍ବର ଜିଲ୍ଲା ବସ୍ତା ଥାନା ବଗଚରା ଗାଁର ଦୁଇ ଶିଶୁ କନ୍ୟା ପୋଖରୀକୁ ଗାଧୋଇବା ପାଇଁ ଯାଇଥିଲେ । କୌଣସି କାରଣ ବଶତଃ ପୋଖରୀରେ ଗାଧୋଇବା ବେଳେ ଉଭୟଙ୍କ ଗୋଡ ଖସିଯାଇଥିଲା । ଫଳରେ ଉଭୟ ପାଣିରେ ବୁଡି ଯାଇଥିଲେ । ଉଭୟ ଶିଶୁ କନ୍ୟାଙ୍କର ମୃତ୍ୟ ହୋଇଛି । ମୃତ ଶିଶୁ ହେଲେ ବର୍ଷା ପରମାଣିକ ଏବଂ ମାମା ଜେନା ।