ବ୍ରହ୍ମପୁର ୨୬।୨: ବ୍ରହ୍ମପୁର ରେଳୱେ ଷ୍ଟେସନ ୪ ନମ୍ବର ପ୍ଲାଟଫର୍ମରୁ ୨୫ କିଲୋ ୪୦୦ ଗ୍ରାମ୍ ଗଞ୍ଜେଇ ଜବତ। ଗତକାଲି ରାତିରେ ପ୍ଲାଟଫର୍ମରେ ତଦାରଖ ବେଳେ ଚୋରା ଗଞ୍ଜେଇ ଚାଲାଣ ବେଳେ ଧରାପଡିଥିବା ସୂଚନା ମିଳିଛି ।
{"id":229493,"sizeSlug":"large"}ଜବତ ଗଞ୍ଜେଇର ଆନୁମାନିକ ମୂଲ୍ୟ ଲକ୍ଷେ ୫୨ହଜାର ୪୦୦ଟଙ୍କା ହେବ ବୋଲି ଆକଳନ କରିଛନ୍ତି । ବ୍ରହ୍ମପୁର ଜିଆରପି, ଆରପିଏଫ, ଖୋର୍ଦ୍ଧା ସିପିଡିଏସ, ଏସଆଇବି ପ୍ରମୁଖ ମିଳିତ ଚଢାଉ କରି ଜବତ କରିଛନ୍ତି । ଅଭିଯୋଗରେ ଦୁଇ ଜଣ ଗିରଫ ହୋଇଛନ୍ତି । ଗିରଫ ଦୁଇ ଜଣ ହେଲେ ଗଜପତି ଜିଲ୍ଲା ଚନ୍ଦ୍ରଗିରି ଅଞ୍ଚଳର କେ. ଆଶିଷ କୁମାର ପାତ୍ର ଏବଂ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଶ୍ରୀରାମ ନଗର ସାହିର ବିମଳ ବସ୍ତିଆ ।