ଭୁବନେଶ୍ବର ୧୨।୧୧: ପୋଲିସ ଚାକିରୀ ଦେବା ନାଁରେ ଠକେଇ ଅଭିଯୋଗ । ଦେଢ଼ କୋଟି ଟଙ୍କା ଠକିନେଲା ଠକ । ଦୁଇ ଜଣ ଠକକୁ ଗିରଫ କଲା କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା । ଗିରଫ ଦୁଇ ଅଭିଯୁକ୍ତ ହେଲେ ବୈକୁଣ୍ଠ ନାଥ ନାୟକ ଓ ଭୀମସେନ ମହାରଣା ।
ସୂଚନାଯୋଗ୍ୟ ଯେ, ୩୮ ଜଣ ଆଶାୟୀଙ୍କଠାରୁ ପାଖାପାଖି ଦେଢ଼ କୋଟି ଠକିନେଇଥିଲେ ଏହି ଦୁଇ ଠକ । ପୋଲିସ ବିଭାଗର ସିପିଏସି ପରୀକ୍ଷାରେ ଚାକିରୀ କରେଇ ଦେବା ନାଁରେ କରିଥିଲେ ଠକେଇ । ନିଜକୁ ଗୃହ ବିଭାଗର ସେକ୍ସନ ଅଫିସର କହି ଠକେଇ କରିଥିଲେ । ଗିରଫ ବେଳେ ତାଙ୍କ ନିକଟରୁ ୧୨ ଏଟିଏମ କାର୍ଡ଼, ଜାଲି ପରିଚୟ ପତ୍ର ଜବତ ହୋଇଛି । ଅଭିଯୁକ୍ତମାନଙ୍କ ସମସ୍ତ ବ୍ୟାଙ୍କ ଆକାଉଣ୍ଟ ଫ୍ରିଜ କଲା ଇଓଡବ୍ଲୁ ।