ବଲାଙ୍ଗିର ୨୯|୧: ବଲାଙ୍ଗିରରେ ବୀଭତ୍ସ ହତ୍ୟା । ଏକ ଦୈନିକ ଖବର କାଗଜର ସର୍କୁଲେସନ ମ୍ୟାନେଜରଙ୍କୁ ଜୀବନରୁ ମାରିଦେଇଛନ୍ତି ଡକାୟତମାନେ । ମୃତକ ହେଲେ ପ୍ରତାପ ମହାପାତ୍ର । ଘଟଣାରେ ୨ ଜଣଙ୍କୁ ଗିରଫ ସହ ଜଣଙ୍କୁ ଅଟକ ରଖିଛି ଆଦର୍ଶ ଥାନା ପୋଲିସ ।
{"id":79468}ଏ ଭିଜୁଆଲ୍ ଏତେ ବୀଭତ୍ସ ଯେ ଆମେ ଆପଣଙ୍କୁ ବ୍ଲର କରି ଦେଖାଇବାକୁ ବାଧ୍ୟ । ପେଟରୁ ବାହାରି ଆସିଛି ମାଂସ । ଛାତି ବି ଚିରି ଯାଇଛି ।ସାରା ଶରୀରରେ କ୍ଷତ ଚିହ୍ନ । ଏଇଥିରୁ ଜଣାପଡୁଛି କେତେ ନିର୍ମମ ଭାବେ ହତ୍ୟା କରାଯାଇଛି ।
{"id":79469}ବଲାଙ୍ଗିରରେ ଗତ ରାତିରେ ଘଟିଛି ଏହି ବୀଭତ୍ସ ହତ୍ୟା । ଏକ ଗଣମାଧ୍ୟମ ସଂସ୍ଥାର ସର୍କୁଲେସନ ମ୍ୟାନେଜର ଥିବା ପ୍ରତାପ ମହାପାତ୍ରଙ୍କୁ ଜୀବନରୁ ମାରିଦେଇଛନ୍ତି ଡକାୟତମାନେ । ଗତକାଲି ରାତିରେ ପ୍ରତାପ ଅଫିସରୁ ଫେରିବା ବେଳେ ପଡିଯାଇଥିଲେ ନିଶାଶାକ୍ତ ଲୁଟେରାଙ୍କ ହାବୁଡ଼ରେ । ଲୁଟ୍ ପାଟ୍ ସହ କିଛି ଧାରୁଆ ଅସ୍ତ୍ରରେ ଆକ୍ରମଣ କରି ଷ୍ଟେସନ ରାସ୍ତା ମହାଲକ୍ଷ୍ମୀନଗର ପୋଲ ନିକଟରେ ପ୍ରତାପଙ୍କୁ ଛାଡ଼ିଦେଇଗଲେ ଦୁର୍ବୃତ୍ତ । ଖବର ପାଇ ପୋଲିସ ପ୍ରତାପଙ୍କୁ ଡାକ୍ତରଖାନା ଆଣିଥିଲେ ବି ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା ।
{"id":79470}ଅଫିସର ଟଙ୍କା କଲେକସନ କରି ସୋନପୁରରୁ ବଲାଙ୍ଗିର ଫେରୁଥିଲେ ପ୍ରତାପ । ବସ୍ ରୁ ଓହ୍ଲାଇବା ପରେ ତେଲିଗୋଠ ପଡ଼ା ଛକ ନିକଟରେ ତାଙ୍କୁ ଅଟକାଇଥିଲେ ଦୁର୍ବୃତ୍ତ ।ଘଟଣାରେ ୨ ଜଣଙ୍କୁ ଗିରଫ କରିଛି ପୋଲିସ । ଗିରଫ ୨ ଜଣ ହେଲେ ତୋଲିଗୋଠ ପଡ଼ାର ସ୍ବାଧୀନ ମେହେର ଏବଂ ହାତୀପଡ଼ାର ତପନ ନାୟକ । ଘଟଣାରେ ତୁଫାନ ନାଗ ନାମକ ଜଣେ ଯୁବକକୁ ଅଟକ ରଖିଛି ପୋଲିସ ।ମୃତ ଦେହ ବ୍ୟବଚ୍ଛେଦ ପରେ ପ୍ରତାପଙ୍କ ପରିବାରବର୍ଗକୁ ହସ୍ତାନ୍ତର କରାଯାଇଛି ।
{"id":79471}ନିଶା ପାଇଁ ବଲାଙ୍ଗିରରେ ବଢ଼ୁଛି ଅପରାଧ । ତେଣୁ ଡେରିରେ ହେଲେବି ଚେତା ପଶିଛି ପୋଲିସର । ତେଣୁ ନିଶା କାରବାର ରୋକିବା ପାଇଁ ଆଜି ଠାରୁ ଏକ ସ୍ବତନ୍ତ୍ର ଟିମ୍ ଗଠନ କରିଛନ୍ତି ଏସପି ।