ସମ୍ବଲପୁର୧୧/୧୧: ଓ୍ବେସ୍କୋ ନାଁରେ ଫେକ୍ ଓ୍ବେବ ସାଇଟ ତିଆରି ଠକିବା ଘଟଣାରେ ୨ଜଣ ଗିରଫ| ୨ ଜଣଙ୍କୁ ଗିରଫ କରିଛି ସମ୍ବଲପୁର ସାଇବର ଥାନା ପୋଲିସ| ଅଭିଯୁକ୍ତ ୨ ଜଣ ହେଲେ ରାଉରକେଲାର ସୁନିଲ କୁମାର ମିଶ୍ର ଓ ଅରୋ ତାପସ ମହାପାତ୍ର| ଅଭିଯୁକ୍ତମାନେ ଓ୍ବେସ୍କୋ ୟୁଟିଲିଟି ନାଁରେ ଫେକ୍ ଓ୍ବେବ ସାଇଟ କରି ନିଯୁକ୍ତି ଦେବା ବାହାନାରେ ଲୋକଙ୍କୁ ଠକୁଥିଲେ|
ତେବେ ଏ ନେଇ ସାଇବର ଥାନାରେ ମାମଲା ହେବା ପରେ ଏହାର ତଦନ୍ତ କରି ସାଇବର ପୋଲିସ ୨ଜଣଙ୍କୁ ଗିରଫ କରିଛି| ନିଯୁକ୍ତି ନାଁରେ ଏହି ଓ୍ବେବସାଇଟ ଜରିଆରେ ବିଜ୍ଞାପନ ବାହାର କରିଥିଲେ| ଏହା ସହ ନିଯୁକ୍ତ ବାବାଦକୁ ଅନଲାଇନ୍ ଫି ନେଉଥିଲେ| ତେବେ ଏହି ଘଟଣା ଜାଣିବା ପରେ ଓ୍ବେସ୍କୋ ୟୁଟିଲିଟି ଡିଜିଏମ୍ ଜୁଲାଇ ୨୭ ତାରିଖରେ ସାଇବର ଥାନାରେ ଏତଲା ଦେଲା ପରେ ତଦନ୍ତ ଆରମ୍ଭ ହୋଇଥିଲା|
ତେବେ ଓ୍ବୋସ୍କୋର ଅଫିସିଆଲ ଓ୍ବେବସାଇଟ www. wescoodisha.com ଥିବାବେଳେ ଏମାନେ ସମାନ ହୋମ୍ ପେଜ୍ ତଥା ଗେଟ ଓ୍ବେ ଡିଜାଇନ କରି www.wescoodisha.co.in ନାଁରେ ନକଲି ଓ୍ବେବସାଇଟ ତିଆରି କରିଥିଲେ | ଫଲରେ ପୋଲିସ ଏମାନଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ଏମାନଙ୍କ ନାଁରେ ଆଇପିସିର ଧାରା 419/420/465/467/468/479/471/201/120(B) IPC/ 66-C/66-D IT Act ଲଗାଇଛି ପୋଲିସ |