ରାଉରକେଲା ୧୧।୧୨: ଭତ୍ତା ଟଙ୍କା ଲୁଟ୍ ଘଟଣାରେ ଦୁଇ ଜଣଙ୍କୁ ଗିରଫ କରିଛି ପୋଲିସ । ସେମାନଙ୍କ ନିକଟରୁ ୨ଟି ପିସ୍ତଲ, ୨ ଗୁଳି, ନଗଦ ୪ ଲକ୍ଷ ଟଙ୍କା ଓ ୨ଟି ବାଇକ୍ ଜବତ ହୋଇଛି ।
ସୂଚନାଯୋଗ୍ୟ ଯେ, ଅକ୍ଟୋବର ୧୫ ତାରିଖରେ ବୋଲେରୋ ଉପରକୁ ଗୁଳି କରି ଲୁଟି ନେଇଥିଲେ ଭତ୍ତା ଟଙ୍କା । କୁଆରମୁଣ୍ଡା ବ୍ଲକରେ ଭତ୍ତା ଟଙ୍କା ବଣ୍ଟନ ଲାଗି ଯାଉଥିବା ବେଳେ ହୋଇଥିଲା ଡକାୟତି । ଡକାୟତଙ୍କ ଆକ୍ରମଣରେ ସୁରକ୍ଷା କର୍ମୀଙ୍କ ସହ ୪ଜଣ ଆହତ ହୋଇଥିଲେ । ୧୧ଲକ୍ଷ ଟଙ୍କା ଲୁଟ୍ ହୋଇଥିବା ଅଭିଯୋଗ ହୋଇଥିଲା । ଅନ୍ୟ ଡକାୟତଙ୍କୁ ଧରିବାକୁ ବିଭିନ୍ନ ସ୍ଥାନରେ ପୋଲିସର ଚଢ଼ାଉ ଜାରି ରଖିଛି ।