Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

୨୫ ପ୍ରତିଶତ ଲୋକ ମାନୁ ନାହାନ୍ତି ଲକ୍ ଡାଉନ୍ ନିୟମ: ଜଣଙ୍କଠାରୁ ୪୦୬ ଜଣଙ୍କୁ କରୋନା ବ୍ୟାପିବାର ଆଶଙ୍କା ରହିଛି

8/04/2020 at 7:33 PM

ଭୁବନେଶ୍ବର୮/୪: ୨୫ ପ୍ରତିଶତ ଲୋକ ମାନୁ ନାହାନ୍ତି ଲକ୍ ଡାଉନ୍ । ଯାହା ସରକାରଙ୍କ ଚିନ୍ତା ବଢାଇଛି । ଏହି ସୂଚନା ଦେଇଛନ୍ତି ରାଜ୍ୟ ସରକାରଙ୍କ କୋଭିଡ-୧୯ ମୁଖପାତ୍ର ସୁବ୍ରତ ବାଗଚୀ । କେବଳ ୭୫ ପ୍ରତିଶତ ଲୋକ ହିଁ ନିୟମ ପାଳନ କରୁଛନ୍ତି । କରୋନା ଭଳି ବିଶ୍ବ ମହାମାରୀର ମୁକାବିଲା ପାଇଁ ସମାଜିକ ଦୂରତ୍ବ ଏବଂ ଲକ୍ ଡାଉନ ଭଳି ନିୟମ ହୋଇଥିବା ବେଳେ କିଛି ଲୋକଙ୍କ ଖାମଖିଆଲି ମନୋଭାବ ସରକାରଙ୍କ ମୁଣ୍ଡ ବିନ୍ଧା ବଢାଇଛି । ଲକ୍ ଡାଉନ୍ ର ମୁଖ୍ୟ ଲକ୍ଷ୍ୟ ହେଉଛି ସଂକ୍ରମଣ ଚେନ୍ ଭାଙ୍ଗିବା । ଯଦି ଜଣେ ଲୋକ ଏହି ନିୟମ ମାନୁନାହାନ୍ତି ତେବେ ତାଙ୍କ ଦ୍ବାରା ୪୦୬ ଜଣଙ୍କୁ କରୋନା ବ୍ୟାପିବାର ଆଶଙ୍କା ରହିଛି । ଯଦି ଜଣେ ଅଧା ନିୟମ ପାଳନ କରୁଛନ୍ତି ତେବେ ୧୫ ଜଣକୁ ସଂକ୍ରମଣ ଭୟ ରହିଛି ।

ସେପଟେ ରାଜ୍ୟରେ ଏବେ ସୁଦ୍ଧା ୪୨ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ସେଥିରୁ ୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଜଣଙ୍କର ଜୀବନ ନେଇଛି କରୋନା । ଯେଉଁ ସ୍ଥାନରେ କରୋନା ପଜିଟିଭ୍ ସାମ୍ନାକୁ ଆସୁଛନ୍ତି ତାଙ୍କର ଟ୍ରାଭେଲ ହିଷ୍ଟ୍ରି ଏବଂ କେତେ ବ୍ୟକ୍ତିଙ୍କ ସଂସ୍ପର୍ଶରେ ଆସିଛନ୍ତ ତାକୁ ଦେଖି ସେ ସ୍ଥାନକୁ କଣ୍ଟେନମେଣ୍ଟ ଜୋନ୍ ଘୋଷଣା କରାଯାଉଛି ।

ଭୁବନେଶ୍ବରେ ଏବେ ସୁଦ୍ଧା ୫ ଟି କ୍ୟାଣ୍ଟନମେଣ୍ଟ ଜୋନ୍ ଘୋଷଣା ହୋଇଥିବା ରାଜ୍ୟ ସକରକାରଙ୍କ ପକ୍ଷରୁ କୁହାଯାଇଛି । ଏହି ୫ଟି ଜୋନ୍ ହେଲା ସୂର୍ଯ୍ୟନଗର, ବମିଂଖାଲ, ସୁନ୍ଦରପଦା ଏବଂ ସତ୍ୟନଗର । ବମିଂଖାଲରୁ ଚିହ୍ନଟ କରୋନା ଆକ୍ରାନ୍ତଙ୍କ ମଧ୍ୟରୁ ୩ ଜଣଙ୍କର ସତ୍ୟନଗର ଅଞ୍ଚଳ ସହ ଲିଙ୍କ ଥିବାରୁ ସତ୍ୟନଗର କିଛି ଅଞ୍ଚଳକୁ ସିଲ୍ କରାଯାଇଛି । ସତ୍ୟନଗର ଛକରୁ କାଳୀ ମନ୍ଦିର, ପତଞ୍ଜଳି ଷ୍ଟୋର, ବ୍ୟାଙ୍କ ଅଫ୍ ଇଣ୍ଡିଆ ଅଫିସର୍ସ କ୍ବାର୍ଟର ଅଞ୍ଚଳକୁ ସିଲ୍ କରାଯାଇଛି । ସତ୍ୟନଗର ତୋଷାଳୀ ଭଳବନ ନିକଟ ଓମଫେଡ ଷ୍ଟଲକୁ ଜଣେ କରୋନା ଆକ୍ରାନ୍ତ ଆସିଥିବା ବିଏମ୍‌ସି ପକ୍ଷରୁ କୁହାଯାଇଛି । ତେଣୁ ଗତ ୧୪ ଦିନ ଭିତରେ ସେହି ଓମେଫେଡକୁ ଆସିଥିବା ସବୁ ଲୋକ ନିଜରକୁ ହୋମ୍ କ୍ବାରାଣ୍ଟାଇନରେ ରଖିବା ଏବଂ ଲକ୍ଷଣ ଦେଖାଦେଲେ ୧୦୪ରେ ଜଣାଇବାକୁ ବିଏମ୍‌ସି ପକ୍ଷରୁ ପରାମର୍ଶ ଦିଆଯାଇଛି । ସେହିଭଳି କଟକ, ଗଂଜାମ, ଯାଜପୁର, ପୁରୀ, କେନ୍ଦ୍ରପଡା, କଳାହାଣ୍ଡିରେ ମଧ୍ୟ କେତେକ ଅଞ୍ଚଳରକୁ କଣ୍ଟେନେମଣ୍ଟ ଅଞ୍ଚଳ ଭାବେ ଘୋଷଣା କରାଯାଇଛି ।

ଏଭଳି ଘଡିସନ୍ଧି ମୂହୁର୍ତ୍ତରେ କିଭଳି ଘରେ ସୁସ୍ଥ ରହିବେ ସେଥିପାଇଁ କିଛି ଟିପ୍ସ ଦେଇଛନ୍ତି ରାଜ୍ୟ ସରକାରଙ୍କ କୋଭିଡ-୧୯ ମୁଖପାତ୍ର ସୁବ୍ରତ ବାଗଚୀ । ସେ କହିଛନ୍ତି ଏହା ଏକ ଲମ୍ବା ଦୌଡ । ଏଥିପାଇଁ ମନକୁ ଶନ୍ତ ରଖି ପ୍ରିୟଜନଙ୍କୁ ସନ୍ତ୍ବନା ଦେବାକୁ ପଡିବ । ଅଳ୍ପ ଖାଆନ୍ତୁ ସୁସ୍ଥ ରୁହନ୍ତୁର ମନ୍ତ୍ର ଦେଇଛନ୍ତି ବାଗଚୀ ।

ଉଲ୍ଲେଖଯୋଗ୍ୟ ଯେ, ଆସନ୍ତାକାଲିଠାରୁ , ଅର୍ଥାତ ୯ ତାରିଖରୁ ଘରୁ ବାହାରିଲେ ମାକ୍ସ ପିନ୍ଧିବା ବାଧ୍ୟତା ମୂଳକ । ଏନେଇ ସରକାରଙ୍କ ପକ୍ଷରୁ ଗାଇଡ ଲାଇନ ଜାରି କରାଯାଇଛି ।ରାଜ୍ୟ ସ୍ବତନ୍ତ୍ର ରିଲିଫ କମିଶନର ନିର୍ଦ୍ଦେଶାନାମା ଜାରି କରିସାରିଛନ୍ତି ।

   Related Posts