Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହସ୍ପିଟାଲରୁ ଡିସ୍‌ଚାର୍ଜ ହେଲେ ରାଷ୍ଟ୍ରପତି ରାମନାଥ କୋବିନ୍ଦ, ମାର୍ଚ୍ଚ ୩୦ରେ ହୋଇଥିଲା ବାଇପାସ୍‌ ସର୍ଜରୀ
  • ||
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||
  • ଭୁବନେଶ୍ବର : ଡାକ୍ତରଖାନା ପାଇଁ କୋଭିଡ୍ ଗାଇଡ୍‌ଲାଇନ୍, ଆବଶ୍ୟକତା ନଥିଲେ ସଂକ୍ରମିତଙ୍କୁ ଆଡମିଶନ ମନା
  • ||
  • ସରିଲା ରାଜ୍ୟ କ୍ୟାବିନେଟ୍‌ ବୈଠକ, ୯ଟି ପ୍ରସ୍ତାବ ଉପରେ ବାଜିଲା ମୋହର
  • ||
  • ଭୁବନେଶ୍ବର : BMCର ପେଡ୍ କ୍ବାରେଣ୍ଟାଇନ୍ ବ୍ୟବସ୍ଥା, ନନ୍ ଏସି ୧୦୯୯ ଓ ଏସି ରୁମ୍ ୧୪୯୯ ଟଙ୍କା
  • ||
  • ଭୁବନେଶ୍ବର : ପିପିଲି ହିଂସା ଘଟଣା, ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଲା ବିଜେଡି
  • ||

ନିଷ୍ଠୁର ହେଲେ ଟ୍ୟୁସନ ଶିକ୍ଷକ, ବେତରେ ପିଟି ପିଟି ସପ୍ତମ ଶ୍ରେଣୀ ଛାତ୍ରୀଙ୍କୁ କଲେ ଲହୁଲୁହାଣ

1/11/2019 at 10:01 AM

ଭୁବନେଶ୍ବର ୧।୧୧: ସବୁ ସୀମା ଟପିଗଲେ ଟ୍ୟୁସନ ସାର୍‌ । ଶାସନ ଆଳରେ ବେତରେ ପିଟି ପିଟି ସପ୍ତମ ଶ୍ରେଣୀ ଛାତ୍ରୀଙ୍କୁ ଲହୁଲୁହାଣ କରିଛନ୍ତି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଚନ୍ଦ୍ରଶେଖରପୁର ଥାନା ଶୈଳଶ୍ରୀ ବିହାରର ଏକ ଟ୍ୟୁଟୋରିଆଲରେ । ଏନେଇ ଛାତ୍ରୀଙ୍କ ପରିବାରଲୋକ ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତ ଟ୍ୟୁସନ ଶିକ୍ଷକଙ୍କୁ ଅଟକ ରଖି ପଚରାଉଚରା କରୁଛି ।

ସୂଚନାଯୋଗ୍ୟ ଯେ, ଭୁବନେଶ୍ବର ଶୈଳଶ୍ରୀ ବିହାରର ନାବାଳିକା ଛାତ୍ରୀ ଟ୍ୟୁସନ ହେବା ପାଇଁ ଏକ ଟ୍ୟୁଟୋରିଆଲକୁ ଯାଆନ୍ତି । ପାଠ ପଢ଼ିବାକୁ ଅଧିକାଂଶ ସମୟରେ ଟ୍ୟୁସନ ସାର ସଂପୃକ୍ତ ଛାତ୍ରୀଙ୍କୁ ତାଗିଦ କରନ୍ତି । ଟ୍ୟୁଟୋରିଆଲରେ ଦିଆଯାଇଥିବା ହୋମୱାର୍କ ନକରି ଆସିଥିବାରୁ ସଂପୃକ୍ତ ଶିକ୍ଷକଙ୍କ ମୁଣ୍ଡକୁ ପିତ୍ତ ଚଢ଼ିଯାଇଥିଲା । ଆଉ ତାପରେ ଅତ୍ୟନ୍ତ ନିର୍ଦ୍ଦୟ ଭାବେ ଛାତ୍ରୀଙ୍କୁ ମାଡ଼ ମାରିଥିଲେ । ମାଡ଼ରେ ଛାତ୍ରୀଙ୍କ ହାତ, ଗୋଡ ଓ ଜଙ୍ଘରେ ନୋଳା ଫାଟି ଯାଇଥିଲା । ଅସହ୍ୟ ଯନ୍ତ୍ରଣାରେ ଛାତ୍ରୀଜଣଙ୍କ କାନ୍ଦିବାରୁ ନିର୍ଦ୍ଦୟ ଶିକ୍ଷକ ଛାତ୍ରୀଙ୍କ ମୁଣ୍ଡକୁ ଟେବୁଲରେ ମାଡ଼ି ଦେଇଥିଲେ ।

ଘଟଣା ସଂପର୍କରେ ଛାତ୍ରୀ ଜଣଙ୍କ ଘରେ କହିବା ପରେ ପରିବାର ଲୋକ ଶିକ୍ଷକଙ୍କୁ ପଚାରିଥିଲେ । ମାତ୍ର ଶିକ୍ଷକ ଏନେଇ ଓଲଟା ଛାତ୍ରୀଙ୍କ ବାପା ମାଙ୍କ ସହିତ ଯୁକ୍ତି କରିବା ସହ ସେମାନଙ୍କୁ ଧମକଚମକ ଦେଇଥିଲେ । ପରେ ଛାତ୍ରୀଙ୍କ ପରିବାରଲୋକ ସମ୍ପୃକ୍ତ ଶିକ୍ଷକଙ୍କ ନାମରେ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଥିଲେ । ପୋଲିସ ଏକ ମାମଲା ରୁଜୁ କରିବା ସହିତ ସମ୍ପୃକ୍ତ ଟ୍ୟୁସନ ଶିକ୍ଷକଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ।

   Related Posts