ୱାଶିଂଟନ୍, ୦୯/୦୩: ଆମେରିକାର ଅନ୍ତରିକ୍ଷ ଏଜେନ୍ସି ନାସା, ମଙ୍ଗଳକୁ ପଠାଇଥିବା ପ୍ରିଜର୍ଭାନ୍ସ ରୋଭର୍ ଜରିଆରେ ଲାଲ୍ ଗ୍ରହରେ ପ୍ରାଚୀନ କାଳରେ ଜୀବନ ଥିଲା କି ନାହିଁ ସେ ସମ୍ୱନ୍ଧରେ ତଥ୍ୟ ସଂଗ୍ରହ କରୁଛି । ଅନ୍ୟପଟେ କିଛି ବୈଜ୍ଞାନିକ ପୃଥିବୀରେ ଥିବା ଏକ ହ୍ରଦ ଜରିଆରେ ମଙ୍ଗଳ ଗ୍ରହକୁ ବୁଝିବାକୁ ଚେଷ୍ଟା କରୁଛନ୍ତି । ରିୟଟର୍ସ ମୁତାବକ ଏହି ହ୍ରଦ ତୁର୍କୀରେ ଥିବା ଜଣାପଡ଼ିଛି ।
ନାସା ଏନେଇ କହିଛି ଯେ, ତୁର୍କୀର ସାଲଡା ହ୍ରଦରୁ ମିଳିଥିବା ମିନେରାଲ୍ ଏବଂ ପଥର, ମଙ୍ଗଳ ଗ୍ରହରେ ଜେଜେରୋ କ୍ରାଟର୍ର ପାଖରେ ମିଳିଥିବା ପଥର ସହିତ ଅଧିକ ପରିମାଣରେ ମିଶି ଯାଉଛି । କହିରଖୁଛୁ କି, ଜେଜେରା କ୍ରାଟର୍ ସେହି ସ୍ଥାନ ଯେଉଁଠାରେ ନାସାର ପ୍ରିଜର୍ଭାନ୍ସ ରୋଭର ଲ୍ୟାଣ୍ଡି କରିଥିଲା । କୁହାଯାଉଛି ଯେ ପୂର୍ବରୁ ଏହି ସ୍ଥାନରେ ଅଧିକ ପାଣି ରହିଥିଲା ।
ରିୟର୍ଟସର ରିପୋର୍ଟ ଅନୁସାରେ, ସାଲଡା ହ୍ରଦରୁ ମିଳିଥିବା କିଛି ତଥ୍ୟ ମଙ୍ଗଳ ଗ୍ରହରେ ପୂର୍ବରୁ ଥିବା ଜୀବସତ୍ତା ବିଷୟରେ ବୁଝିବାକୁ ସହାୟକ ହୋଇପାରିବ । ନାସାର ଅଧିକାରୀ ଏହା ମଙ୍ଗଳ ଗ୍ରହ ବିଷୟରେ ଏକ ଗୁରୁତ୍ୱପୂର୍ଣ୍ଣ ତଥ୍ୟ ହୋଇପାରିବ ।
ମୂଳ କଥା ହେଉଛିକି, ଆମେରିକା ଏବଂ ତୁର୍କୀରେ ବୈଜ୍ଞାନିକମାନେ ୨୦୧୯ରେ ଏହି ସାଲଡା ହ୍ରଦର କିଛି ଅଂଶକୁ ନେଇ ରିସର୍ଚ୍ଚ କରିଥିଲେ । ସଫା ନୀଳ ପାଣି କାରଣରୁ ସାଲଡାକୁ ତୁର୍କୀର ମାଳଦ୍ୱୀପ ବୋଲି ମଧ୍ୟ କୁହାଯାଏ ।
