Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ଟୁଇଟରକୁ ବନ୍ଦ କରି ଦେବାକୁ ଧମକ ଦେଲେ ଟ୍ରମ୍ପ, ଜାଣନ୍ତୁ କ’ଣ ରହିଛି ପୂରା ମାମଲା ?

27/05/2020 at 10:14 PM

ଓ୍ଵାଶିଂଟନ ୨୭।୦୫: ଟୁଇଟ୍‌ର ପ୍ରଥମ ଥର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦୁଇଟି ଟୁଇଟ୍‌କୁ ସନ୍ଦିଗ୍ଧ ବୋଲି ଆଖ୍ୟା ଦେଇଛି। ଏହା ପରେ ଟ୍ରମ୍ପ ଟୁଇଟର‌ ଉପରେ ରାଷ୍ଟ୍ରପତି ନିର୍ବାଚନରେ ହସ୍ତକ୍ଷେପ କରୁଥିବା ଅଭିଯୋଗ ଆଣିଛନ୍ତି। ଏପରିକି ସାମାଜିକ ଗଣମାଧ୍ୟମ ମଞ୍ଚକୁ ବନ୍ଦ କରି ଦେବାକୁ ଧମକ ମଧ୍ୟ ଦେଇଛନ୍ତି।

ଟୁଇଟର‌ ମଙ୍ଗଳବାର ଟ୍ରମ୍ପଙ୍କ ଦୁଇଟି ଟୁଇଟ୍‌କୁ ମିଥ୍ୟା ସୂଚନା ଦେଉଥିବା ଭାବେ ଚିହ୍ନଟ କରିଛି। ଟ୍ରମ୍ପ ଟୁଇଟ୍‌ କରିଥିଲେ ଯେ, ବାଲାଟ ବକ୍ସ ଜାଲିଆତି ବ୍ୟତୀତ ଆଉ କିଛି ନୁହେଁ। ନିର୍ବାଚନରେ ବାଲାଟ ବକ୍ସକୁ ଲୁଟାଯାଇପାରେ। ଅବୈଧ ପ୍ରକ୍ରିୟାରେ ପ୍ରିଣ୍ଟ କଢାଯିବ ଓ ନକଲି ଦସ୍ତଖତ କରାଯିବ। କାର୍ଲିଫର୍ଣ୍ଣିଆର ଗଭର୍ଣ୍ଣର ଲକ୍ଷାଧିଲ ଲୋକଙ୍କୁ ଏମିତି ଭୋଟ୍ ପତ୍ର ପଠାଉଛନ୍ତି। ଟ୍ରମ୍ପଙ୍କ ଏହି ଟୁଇଟ୍‌ ଉପରେ ଟୁଇଟ୍‌ର ବିସ୍ମୟ ସୂଚକ ଚିହ୍ନ ଲଗାଇ  ୟୁଜର୍ସଙ୍କୁ ଏହା ଉପରେ ବାସ୍ତବିକ ତଥା ସତ୍ୟାସତ୍ୟ ଜାଣିବାକୁ ପରାମର୍ଶ ଦେଇଛି।

ଏଥିରେ ଉତ୍‌କ୍ଷିପ୍ତ ହୋଇ ଟ୍ରମ୍ପ କହିଛନ୍ତି, ଟୁଇଟର ୨୦୨୦ ରାଷ୍ଟ୍ରପତି ନିର୍ବାଚନରେ ହସ୍ତକ୍ଷେପ କରୁଛି। କମ୍ପାନୀ ମୋର ବାକ୍‌ ସ୍ଵାଧୀନତା ଉପରେ ପ୍ରହାର କରିଛି। ମେଲ୍‌-ଇନ୍‌ ବ୍ୟାଲେଟ୍‌ ଉପରେ ମୋର ବୟାନକୁ ଭୁଲ୍‌ ଭାବେ ଦର୍ଶାଇଛି। ଫେକ୍‌ ନ୍ୟୁଜ୍‌ ସିଏନଏନ ଓ ଆମାଜନର ଓ୍ଵାଶିଂଟନ ପୋଷ୍ଟ ଦ୍ଵାରା ତଥ୍ୟର ତଥାକଥିତ ଯାଞ୍ଚ ଆଧାରରେ ଟୁଇଟ୍‌ର ଏହି କଥା କହିଛି।

ଟ୍ରମ୍ପ ଅନ୍ୟ ଏକ ଟୁଇଟ୍‌ରେ ଟ୍ରମ୍ପ କହିଛନ୍ତି, ଟୁଇଟର ସଂପୂର୍ଣ୍ଣ ଭାବେ ବାକ୍‌ ସ୍ଵାଧୀନତା କଣ୍ଠରୋଧ କରୁଛି। ରାଷ୍ଟ୍ରପତି ଭାବେ  ମୁଁ ଏପରି ହେବାକୁ ଦେବି ନାହିଁ। ଏହା ସହିତ ଟୁଇଟର ପରି ସାମାଜିକ ଗଣମାଧ୍ୟମ ମଞ୍ଚକୁ ବନ୍ଦ କରିବାକୁ ସେ ଧମକ୍ ଦେଇଛନ୍ତି।

ଟ୍ରମ୍ପ କହିଛନ୍ତି, ରିପ୍ଲବିକନକୁ ଲାଗୁଛି ଯେ, ସାମାଜିକ ଗଣମାଧ୍ୟମ ସଂପୂର୍ଣ୍ଣ ଭାବେ କଞ୍ଜରଭେଟିଭ୍‌ଙ୍କ ସ୍ଵରକୁ ଚାପିବାକୁ ଚେଷ୍ଟା କରୁଛି। ଏମିତି ହେଲେ ଆମେ ଏହି ପରି ସାମାଜିକ ଗଣମାଧ୍ୟମକୁ ବନ୍ଦ କରି ଦେବୁ ବୋଟି ଟ୍ରମ୍ପ କଡା ସ୍ଵରରେ କହିଛନ୍ତି।

   Related Posts