Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

ନିର୍ବାଚନରେ ହାରିବା ପରେ ଇରାନ ଉପରେ ଆକ୍ରମଣ କରିବାକୁ ଯାଉଥିଲେ ଟ୍ରମ୍ପ, ଟାର୍ଗେଟ୍‌ରେ ଥିଲା ଗୁରୁତ୍ଵପୂର୍ଣ୍ଣ ଠିକଣା

17/11/2020 at 10:27 PM

ଓ୍ଵାଶିଂଟନ ୧୭।୧୧: ଆମେରିକା ରାଷ୍ଟ୍ରପତି ନିର୍ବାଚନରେ ପରାଜିତ ହୋଇଥିବା ଡୋନାଲ୍ଡ ଟ୍ରମ୍ପ ଇରାନ ଉପରେ ଆକ୍ରମଣ କରିବାକୁ ଯାଉଥିଲେ। ଟ୍ରମ୍ପଙ୍କ ଟାର୍ଗେଟ୍‌ରେ ଇରାନର ମୁଖ୍ୟ ଆଣବିକ କେନ୍ଦ୍ର ନନ୍ତାଜ ରହିଥିଲା। ଆମେରିକାର ପ୍ରତିଷ୍ଠିତ ଖବରକାଗଜ ନ୍ୟୁୟର୍କ ଟାଇମ୍ସର ରିପୋର୍ଟ ଅନୁଯାୟୀ, ଇରାନ ଆଣବିକ ଯୁଦ୍ଧାସ୍ତ୍ରରେ ଘଟୁଥିବା ବୃଦ୍ଧିକୁ ଦୃଷ୍ଟିରେ ରଖି ଟ୍ରମ୍ପ ଏମିତି ନିଷ୍ପତ୍ତି ନେଇଥିଲେ।

ନ୍ୟୁୟର୍କ ଟାଇମ୍ସର ରିପୋର୍ଟ ଅନୁଯାୟୀ, ଟ୍ରମ୍ପ ଗତ ସପ୍ତାହରେ ଅନୁଷ୍ଠିତ ବୈଠକରେ ଇରାନର ଆଣବିକ ଆଡ୍ଡା ଧ୍ଵଂସ କରିବା ନେଇ ବିକଳ୍ପ ଉପରେ ନିଜର ପରାମର୍ଶଦାତାଙ୍କ ସହ ବିସ୍ତୃତ ବିଚାର ବିମର୍ଶ କରିଥିଲେ। ଏଥିରେ ଉପ ରାଷ୍ଟ୍ରପତି ମାଇକ ପେନ୍ସ, ପ୍ରତିରକ୍ଷା ମନ୍ତ୍ରୀ କ୍ରିଷ୍ଟୋଫର ମିଲର ଓ ଯୁଗ୍ମ ଚିଫ  ଅଫ ଷ୍ଟାଫ ମାର୍କ ମିଲିଙ୍କ ପରି ଲୋକ ସାମିଲ ଥିଲେ। ଏହି ସମୟରେ ଟ୍ରମ୍ପଙ୍କୁ ପରାମର୍ଶ ଦିଆଯାଇଥିଲା ଯେ, ଯଦି ଏମିତି ପଦକ୍ଷେପ ନିଆଯିବ ତେବେ ଇରାନ ଓ ଆମେରିକା ମଧ୍ୟରେ ତିକ୍ତତା ଆହୁରି  ବଢିବ।

ସୂଚନାଯୋଗ୍ୟ, ଅନ୍ତରାଷ୍ଟ୍ରୀୟ ପରମାଣୁ ଏଜେନ୍ସି ଖୁଲାସା କରିଥିଲେ ଯେ, ଇରାନର ଆଣବିକ ଯୁଦ୍ଧାସ୍ତ୍ରରେ ଅନେକ ବୃ୍ଦ୍ଧି ଘଟିଛି। ରିପୋର୍ଟ ଅନୁଯାୟୀ ଆମେରିକାର ନିଶାଣରେ ସବୁଠୁ ସମ୍ଭାବିତ କ୍ଷେତ୍ର ଇରାନର ଆଣବିକ କେନ୍ଦ୍ର ନନ୍ତାଜା ରହିଥିଲା। ଅନ୍ତରାଷ୍ଟ୍ରୀୟ ପରମାଣୁ ଶକ୍ତି ଏଜେନ୍ସି ଅନୁଯାୟୀ, ୨୦୧୮ରେ ହୋଇଥିବା ପରମାଣୁ ଚୁକ୍ତିର ବୀପରିତ ଇରାନର ୧୨ ଗୁଣ ଅଧିକ ୟୁରାନିୟମ ଭଣ୍ଡାର ବଢି ସାରିଛି। ଏହି କାରଣରୁ ଟ୍ରମ୍ପ ଇରାନ ଉପରେ ଆକ୍ରମଣ କରିବାକୁ ଚାହୁଁଥିଲେ।

ଏହା ପୂର୍ବରୁ ମଧ୍ୟ ଗତ ବର୍ଷ ଜୁନ ମାସରେ ଟ୍ରମ୍ପ ଇରାନ ଉପରେ ଆକ୍ରମଣ କରିବାକୁ ଚାହିଁଥିଲେ ମାତ୍ର ଶେଷ ମୁହୂର୍ତ୍ତରେ ନିଜର ଏହି ଯୋଜନାକୁ ରଦ୍ଦ କରି ଦେଇଥିଲେ। କାରଣ ଇରାନ ଆମେରିକାର ଏକ ଡ୍ରୋନ ବିମାନକୁ ମାରି ଖସାଇଥିଲା ଏବଂ ଏହାର ପ୍ରତିଶୋଧ ନେବାକୁ ଟ୍ରମ୍ପ ଇରାନ ଉପରେ ଆକ୍ରମଣ କରିବାକୁ ଚାହିଁଥିଲେ।

   Related Posts