Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

G7 ସମ୍ମିଳନୀ ସ୍ଥଗିତ ରଖିଲେ ଟ୍ରମ୍ପ : ଭାରତ ସମେତ ଅନ୍ୟ ଦେଶଙ୍କୁ ସାମିଲ କରିବାକୁ ଦାବି

31/05/2020 at 12:41 PM

ୱାସିଂଟନ ୩୧/୦୫ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ G7 କୁ ପୁରୁଣା କହି ଜୁନ ମାସରେ ହ୍ୱାଇଟ ହାଉସରେ ହେବାକୁଥିବା ଶିଖର ସମ୍ମିଳନୀକୁ ସ୍ଥଗିତ ରଖିବାକୁ ଶନିବାର ଦିନ ଘୋଷଣା କରିଛନ୍ତି | ବିଶ୍ୱର ଶୀର୍ଷ ଅର୍ଥ ବ୍ୟବସ୍ଥା ସମ୍ପନ୍ନ ଏହି ସମ୍ମିଳନୀରେ ଭାରତ ତଥା ଅନ୍ୟ କିଛି ଦେଶକୁ ସାମିଲ କରିବାକୁ ଟ୍ରମ୍ପ ଦାବି କରିଛନ୍ତି |

ଟ୍ରମ୍ପ ଫ୍ଲୋରିଡ଼ାରୁ ୱାସିଂଟନ ଡିସି ଯାଉଥିବା ଏୟାରଫୋର୍ସ ୱାନ ବିମାନରେ ସାମ୍ବାଦିକଙ୍କୁ କହିଛନ୍ତି ଯେ ସେ ଏହି ସମ୍ମିଳନୀକୁ ସେପ୍ଟେମ୍ବର ମାସ ପର୍ଯ୍ୟନ୍ତ ସ୍ଥଗିତ ରଖିବେ | ଏହି ସମ୍ମିଳନୀରେ ଭାରତ, ଋଷ, ଦକ୍ଷିଣ କୋରିଆ, ଅଷ୍ଟ୍ରେଲିଆକୁ ସାମିଲ କରିବାକୁ ଯୋଜନା କରୁଛନ୍ତି | 

ସେ କହିଛନ୍ତି ଯେ, G7 ସମ୍ମିଳନୀ ଜରିଆରେ ଦୁନିଆରେ ଯାହା ଚାଲିଛି ତାହା ଉଚିତ ତରିକାରେ ପ୍ରତିନିଧିତ୍ବ କରାଯାଉଛି ତାହା ଠିକ ବୋଲି ସେ ଭାବୁନାହାନ୍ତି | ଏହା ଦେଶଗୁଡିକର ବହୁତ ପୁରୁଣା ସମ୍ମିଳନୀ | ହ୍ୱାଇଟ ହାଉସର ସାମରିକ ସଞ୍ଚାରର ନିର୍ଦେଶକ ଏଲୀସା ଆଲେକ୍ଜାଣ୍ଡ୍ରା ଫରାହ କହିଛନ୍ତି ଯେ ପାରମ୍ପରିକ ସହଯୋଗୀଙ୍କୁ ଏକାଠି କରି ଏବଂ ଚର୍ଚ୍ଚା କରିବାକୁ ଏହି ସମ୍ମିଳନୀ ଅନୁଷ୍ଠିତ ହୋଇଥାଏ | ଚୀନ ସହ ଭବିଷ୍ୟତରେ କିଭଳି ସାମ୍ନା କରାଯିବ ସେନେଇ ସମ୍ମିଳନୀରେ ଆଲୋଚନା ହୋଇଥାଏ |

ଜର୍ମାନୀର ଚାନ୍ସେଲର ଏଞ୍ଜେଲା ମାର୍କେଲଙ୍କ କାର୍ଯ୍ୟାଳୟ ଶନିବାର ଦିନ କହିଥିଲେ ଯେ, ଯେ ପର୍ଯ୍ୟନ୍ତ କରୋନା ଭାଇରସ ପ୍ରକୋପ ଜାରି ରହିଛି ସେପର୍ଯ୍ୟନ୍ତ ସେ ଶିଖର ସମ୍ମିଳନୀରେ ଯୋଗ ଦେବେନାହିଁ | G7 ଦୁନିଆର ସବୁଠାରୁ ବଡ ଓ ଅର୍ଥବ୍ୟବସ୍ଥା ସମ୍ପନ୍ନ ୭ଟି ଦେଶର ମଞ୍ଚ | ଏଥିରେ ଫ୍ରାନ୍ସ, ଜର୍ମାନୀ, ଇଟାଲୀ, ଜାପାନ, ଆମେରିକା, ବ୍ରିଟେନ ଓ କାନାଡ଼ା ସାମିଲ ରହିଛି | ଏହିସବୁ ଦେଶର ମୁଖ୍ୟ ଅନ୍ତରାଷ୍ଟ୍ରୀୟ ଅର୍ଥବ୍ୟବସ୍ଥା ଏବଂ ମୁଦ୍ରା ପ୍ରସଙ୍ଗରେ ପ୍ରତିବର୍ଷ ବୈଠକ କରନ୍ତି |

ଚଳିତବର୍ଷ G7 ର ଅଧ୍ୟକ୍ଷତା ଆମେରିକା ପାଖରେ ରହିଛି | ଶିଖର ସମ୍ମିଳନୀ ସମୟରେ G7 ଅଧ୍ୟକ୍ଷତା ପାଇଁ ସାଧାରଣତଃ ଯେକୌଣସି ଗୋଟିଏ କିମ୍ବା ଦୁଇଟି ଦେଶ ମୁଖ୍ୟଙ୍କୁ ମୁଖ୍ୟ ଅତିଥି ଭାବେ ନିମନ୍ତ୍ରଣ କରାଯାଇଥାଏ | ଗତବର୍ଷ ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମେକ୍ରୋ ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ G7 ଶିଖର ସମ୍ମିଳନୀ ପାଇଁ ଆମନ୍ତ୍ରିତ କରିଥିଲେ |

   Related Posts