Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଡିଶା ହାତରୁ ଖସୁଛି ବନ୍ଧୁଗାଁ ବ୍ଲକ, ଲୋଭ ଦେଖାଇ ଗାଁ ଲୋକଙ୍କୁ ନିଜ ଆଡକୁ ଟାଣୁଛି ଆନ୍ଧ୍ର
  • ||
  • ଅଟୋକୁ ଧକ୍କା ଦେଲା ଯାତ୍ରୀବାହୀ ବସ୍ : ଜଣେ ମୃତ, ୩ ଗୁରୁତର
  • ||
  • ବାଇକକୁ ଧକ୍କା ଦେଲା ହାଇଓ୍ୱା, ଆରୋହୀ ମୃତ
  • ||
  • ଯୁବତୀଙ୍କୁ ଘରୁ ଉଠାଇ ନେଇ ୧୫ ଦିନ ଧରି ଦୁଷ୍କର୍ମ ! ଅଭିଯୁକ୍ତ ଦେଉଥିଲା ହତ୍ୟା ଧମକ, ଫଟୋ ଭାଇରାଲ ନେଇ କରୁଥିଲା ବ୍ଲାକମେଲିଂ…
  • ||
  • ତାତିରୁ ଏବେ ନିସ୍ତାର ନାହିଁ, ଆହୁରି ଛଟପଟ କରିବ ଖରା
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||

COVID-19 ମହାମାରୀର ନୂଆ ନାମ କରଣ କଲେ ଟ୍ରମ୍ପ, କହିଲେ Kung-Flue

21/06/2020 at 4:11 PM

ୱାସିଂଟନ : ସାରା ବିଶ୍ୱରେ ବ୍ୟାପୁଥିବା କରୋନା ଭାଇରସ ମହାମାରୀ ଲାଗି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ପୁଣି ଥରେ ଚୀନ୍‌କୁ ଦାୟି କରିଛନ୍ତି ଓ ଭୂତାଣୁ ଯୋଗୁ ବ୍ୟାପୁଥିବା ରୋଗକୁ କୁଙ୍ଗ-ଫ୍ଲୁ ବୋଲି କହିଛନ୍ତି। ଏହି ଭୂତାଣୁ ସଂକ୍ରମଣ ଯୋଗୁ ସାରା ବିଶ୍ୱରେ ୪ଲକ୍ଷ ୬୭ ହଜାରରୁ ବି ଅଧିକ ଲୋକଙ୍କ ମୃତ୍ୟୁ ହେଲାଣି। ସେହିପରି ୮୯ ଲକ୍ଷରୁ ଅଧିକ ଲୋକେ ସଂକ୍ରମିତ ହୋଇଛନ୍ତି।

ଗତବର୍ଷ ଡିସେମ୍ବର ମାସରେ ଚୀନ୍ ଉହାନ୍‌ରୁ ବ୍ୟାପିଥିବା କରୋନା ଭାଇରସ ମହମାରୀ ଲାଗି ଆମେରିକା ରାଷ୍ଟ୍ରପତି ବାରମ୍ବାର ଚୀନକୁ ଦାୟିକରି ଆସୁଛନ୍ତି। ଭୂତାଣୁ ଆଚରଣ ନେଇ ଚୀନ୍ ବାହ୍ୟଜଗତକୁ ସୂଚନା ଲୁଚାଇଥିଲା ବୋଲି ଟ୍ରମ୍ପ କହୁଛନ୍ତି। ଟ୍ରମ୍ଫଙ୍କ ପ୍ରଶାସନ ଭୂତାଣୁକୁ ଏହାର ଉତ୍ପତିସ୍ଥଳର ନାମାନୁସାରେ ଉହାନ ଭାଇରସ୍ ବୋଲି କହୁଛନ୍ତି। ଚଳିତବର୍ଷ ଜାନୁୟାରୀରେ ପ୍ରଥମ କରି ଆମେରିକାରେ ଉହାନ ଭାଇରସର ପ୍ରକୋପ ଅନୁଭୂତ ହୋଇଥିବା ବେଳେ ଏପର୍ଯ୍ୟନ୍ତ ସଂକ୍ରମଣ ଥମିବାର ନାଁ ନେଉନି।

କରୋନା ଭାଇରସ ମହମାରୀ ଯୋଗୁ ଆମେରିକା ରାଷ୍ଟ୍ରପତି ନିର୍ବାଚନ ପ୍ରଚାର ମଧ୍ୟ ବାଧିତ ହୋଇଛି। ତେବେ ଟ୍ରମ୍ପ ଶନିବାର ପ୍ରଥମ ଥର ଓକଲାହୋମାର ଟୁଲସାରେ ନିର୍ବାଚନ ପ୍ରଚାର ଆରମ୍ଭ କରିଥିବା ବେଳେ ଉପସ୍ଥିତ ଜନସମାବେଶକୁ ସମ୍ବୋଧିତ କରିଛନ୍ତି। ଏଥିରେ ଟ୍ରମ୍ଫ କରୋନା ଭାଇରସର ଉତ୍ପତି ପରଠାରୁ ଏହାର ଏତେ ନାମକରଣ ହେଲାଣି ଯେ ତାର କଳନା ନାହିଁ ବୋଲି କହିଛନ୍ତି। ଏଣୁ ମୁଁ ଏହାକୁ କୁଙ୍ଗ-ଫ୍ଲୁ କହୁଛି ବୋଲି କହିଥିଲେ। ଯାହାକୁ ନେଇ ଉପସ୍ଥିତ ଜନସମାବେଶରେ ହାସ୍ୟରୋଳ ସୃଷ୍ଟି ହୋଇଥିଲା।

କୁଙ୍ଗ-ଫ୍ଲୁ ଶବ୍ଦ ଚୀନର ପରମ୍ପରାଗତ ସାମରିକ କଳା କୁଙ୍ଗଫୁ ସହ ମେଳ ଖାଉଛି। ୱାର୍ଲଡୋମିଟର ଆକଳନ ଅନୁସାରେ ସାରା ବିଶ୍ୱରେ କରୋନା ଭାଇରସ ଯୋଗୁ ଆମେରିକା ଗୁରୁତର ପ୍ରଭାବିତ ଦେଶ। ଏଠାରେ ଏପର୍ଯ୍ୟନ୍ତ ୨୩ ଲକ୍ଷରୁ ଅଧିକ ମାମଲା ପୁଷ୍ଟି ହୋଇଥିବା ବେଳେ ୧ଲକ୍ଷ ୨୧ ହଜାରରୁ ବି ଅଧିକ ମୃତ୍ୟୁ ହେଲାଣି।   

   Related Posts