Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ଔଷଧ ଯୋଗାଣ ଉପରେ ଭାରତର ନିଷ୍ପତ୍ତିକୁ ନେଇ ଟ୍ରମ୍ପ୍ ଖୁସି, କହିଲେ ‘ଥ୍ୟାଙ୍କ୍ ୟୁ ପିଏମ୍ ମୋଦି’

9/04/2020 at 7:29 AM

ଓ୍ବାଶିଂଟନ୍ ୯।୪: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରୋନା ଭାଇରସ୍ ଚିକିତ୍ସାରେ ବ୍ୟବହୃତ ହେଉଥିବା ଔଷଧ ହାଇଡ୍ରୋକ୍ସିକ୍ଲୋରୋକ୍ବିନ୍ ଯୋଗାଣ ପାଇଁ ଭାରତକୁ ଧନ୍ୟବାଦ ଜଣାଇଛନ୍ତି । ଏକ ଟ୍ବିଟ୍ ରେ ଟ୍ରମ୍ପ୍ କହିଛନ୍ତି ଯେ, “କଠିନ ପରିସ୍ଥିତିରେ ବନ୍ଧୁମାନଙ୍କ ମଧ୍ୟରେ ଅଧିକ ସହଯୋଗ ଆବଶ୍ୟକତା ରହିଥାଏ । ହାଇଡ୍ରୋକ୍ସିକ୍ଲୋରୋକ୍ବିନ୍ ଯୋଗାଣ ଉପରେ ନିଷ୍ପତ୍ତି ନେଇଥିବାରୁ ଭାରତ ଏବଂ ଏହାର ଲୋକଙ୍କୁ ଧନ୍ୟବାଦ । ଏହାକୁ ଆମେ କେବେବି ଭୁଲି ପାରିବୁ ନାହିଁ । ଏହି ସହଯୋଗ ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ।”

କରୋନା ସଙ୍କଟ ସହ ସଂଗ୍ରାମ କରୁଥିବା ଆମେରିକା ଅତୀତରେ ଭାରତରୁ ସାହାଯ୍ୟ ଲୋଡିଥିଲା । ଏହି ସହାୟତା ମଧ୍ୟରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଏକ ଧମକପୂର୍ଣ୍ଣ ବିବୃତ୍ତି ପ୍ରକାଶ ପାଇଥିଲା । କିନ୍ତୁ ୨୪ ଘଣ୍ଟା ମଧ୍ୟରେ ତାଙ୍କ ସ୍ବର ସମ୍ପୂର୍ଣ୍ଣ ରୂପେ ବଦଳି ଯାଇଥିଲା । ହାଇଡ୍ରୋକ୍ସିକ୍ଲୋରୋକ୍ବିନ୍ ଔଷଧକୁ ନେଇ ପରେ ଡୋନାଲ୍ଡ ଟ୍ରମ୍ପ କହିଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଏଥିରେ ସାହାଯ୍ୟ କରିଛନ୍ତି, ସେ ବହୁତ ଭଲ ।

ଆମେରିକାର ନ୍ୟୁଜ୍ ଚ୍ୟାନେଲ ଫାକ୍ସ ନ୍ୟୁଜ୍ ସହିତ ହାଇଡ୍ରୋକ୍ସିକ୍ଲୋରୋକ୍ବିନ୍ ପ୍ରସଙ୍ଗରେ ଆଲୋଚନା ବେଳେ ଡୋନାଲ୍ଡ ଟ୍ରମ୍ପ୍ ଭାରତ ସହ ହୋଇଥିବା ସମସ୍ତ ବିବାଦ ଉପରେ କହିଥିଲେ । ଡୋନାଲ୍ଡ ଟ୍ରମ୍ପ୍ କହିଥିଲେ ଯେ, ଆମେ ବିଦେଶରୁ ଅନେକ ଔଷଧ ମଗାଇଛୁ, ଏହାକୁ ନେଇ ମୁଁ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ କଥା ହୋଇଥିଲି କାରଣ ଭାରତରୁ ମଧ୍ୟ ଅନେକ ଔଷଧ ଆସୁଛି ।

ଏହି ଆଲୋଚନାରେ ଡୋନାଲ୍ଡ ଟ୍ରମ୍ପ୍ କହିଥିଲେ ଯେ, ମୁଁ ପ୍ରଧାନମନ୍ତ୍ରୀ ମୋଦିଙ୍କୁ ପଚାରିଥିଲି ଯେ ସେ ଔଷଧ ଦେବେ କି ? ସେ ବହୁତ ଭଲ ଥିଲେ । ଭାରତ ତାର ଆବଶ୍ୟକତା ପାଇଁ ହାଇଡ୍ରୋକ୍ସିକ୍ଲୋରୋକ୍ବିନ୍ ଔଷଧ ରପ୍ତାନୀ ଉପରେ ପ୍ରତିବନ୍ଧକ ଲଗାଇଥିଲା, କିନ୍ତୁ ସେମାନେ ଠିକ୍ ।

ଆମେରିକାର ରାଷ୍ଟ୍ରପତି ପୂର୍ବରୁ ଏକ ବିବୃତ୍ତିରେ କହିଥିଲେ ଯେ, ଯଦି ଭାରତ ହାଇଡ୍ରୋକ୍ସିକ୍ଲୋରୋକ୍ବିନ୍ ଯୋଗାଇବ ନାହିଁ, ତେବେ ଭାରତକୁ ଏହାର ଉଚିତ୍ ଜବାଜ ଦିଆଯିବ । ଏହାପରେ ଭାରତରେ ଏହି ବିବୃତ୍ତିକୁ ନେଇ ଅନେକ ବିବାଦ ଦେଖାଦେଇଥିଲା । ବିରୋଧୀ ଦଳମାନେ ଆମେରିକାର ଚାପରେ କାମ ନକରିବାକୁ ସରକାରଙ୍କୁ କହିଥିଲେ ।

ଏହି ପ୍ରସଙ୍ଗରେ ଡୋନାଲ୍ଡ ଟ୍ରମ୍ପ୍ କହିଥିଲେ ଯେ, ଅନେକ ଲୋକ ଏହା ଉପରେ ଅନେକ କିଛି କହୁଛନ୍ତି, କିନ୍ତୁ ସେ ଏଥିପ୍ରତି ଧ୍ୟାନ ଦେଉ ନାହାଁନ୍ତି । କାରଣ ଏଠାରେ ଲୋକଙ୍କ ଜୀବନ ରକ୍ଷା କରିବାର ବିଷୟ ।

   Related Posts