Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

ଭାରତୀୟଙ୍କୁ ଏପରି ପ୍ରଶଂସା କଲେ ଟ୍ରମ୍ପଙ୍କ ପତ୍ନୀ- ଭାରତ ଆସି ଟ୍ରମ୍ପ ଓ ତାଙ୍କ ପତ୍ନୀ ମେଲାନିଆ ଖୁସ୍

25/02/2020 at 7:26 PM

ନୂଆଦିଲ୍ଲୀ ୨୫।୦୨ –  ଖାଲି ଟ୍ରମ୍ପ କାହିଁକି, ପତ୍ନୀ ମାନେ ଆମେରିକାର ଫାଷ୍ଟ ଲେଡି ମେଲାନିଆ ବି ବେଶ ଖୁସ୍ । ଦିଲ୍ଲୀର ଏକ ସରକାରୀ ସ୍କୁଲ ପରିଦର୍ଶନ ସହ ପିଲାଙ୍କ ମେଳରେ ବେଶ କିଛି ସମୟ ବିତାଇଥିଲେ ମେଲାନିଆ । ଆଉ ଭାରତର ଆତିଥ୍ୟତାରେ ଅଭିଭୂତ ହୋଇ ପଡ଼ିଥିବା କହିଛନ୍ତି ।

ପିଲାଙ୍କୁ ଇଶ୍ବରଙ୍କ ଅବତାର ବୋଲି କୁହାଯାଏ । ସେଥିପାଇଁ ମେଲାନିଆଙ୍କ ଦିଲ୍ ଗାର୍ଡେନ୍ ଗାର୍ଡେନ୍ । ଖୁସିରେ ପାଦ ତଳେ ଲାଗୁନି । ପିଲାଙ୍କ ମେଳରେ ରହି ବୋଧ ହୁଏ ପୁରୁଣା ଦିନକୁ ଫେରି ଯାଇଛନ୍ତି ମେଲାନିଆ । ଦୁଇ ଦିନିଆ ଭାରତ ଗସ୍ତ ବେଳେ ଆମେରିକାର ପ୍ରଥମ ମହିଳା ମେଲାନିଆ ଟ୍ରମ୍ପ୍‌ ଦିଲ୍ଲୀର ଏକ ସରକାରୀ ସ୍କୁଲ୍‌ ପରିଦର୍ଶନରେ ଯାଇଥିଲେ । ନାନକପୁରାରେ ଥିବା ସର୍ବୋଦୟ ସିନିଅର୍ ସେକେଣ୍ଡାରି ସ୍କୁଲକୁ ପରିଦର୍ଶନରେ ଯାଇ କେଜ୍ରିୱାଲ ସରକାରଙ୍କ ପରିଚାଳିତ ‘ଆନନ୍ଦମୟ ଶ୍ରେଣୀ ବ୍ୟବସ୍ଥା’କୁ ଅନୁଧ୍ୟାନ କରିଛନ୍ତି।

ରାଷ୍ଟ୍ରପତି ଭବନରେ ସ୍ବାଗତ ସମ୍ବର୍ଦ୍ଧନା ପରେ ସର୍ବୋଦୟ ସିନିଅର୍‌ ସେକେଣ୍ଡାରୀ ସ୍କୁଲ ଯାଇଥିଲେ ମେଲାନିଆ । ତେବେ ମେଲାନିଆଙ୍କ କାଫିଲା ସ୍କୁଲ ଗେଟ୍‌ ପାଖରେ ପହଞ୍ଚିବା ମାତ୍ରେ ହିଁ ହୋଇଥିଲା ଜବରଦସ୍ତ ସ୍ବାଗତ । ବିଦ୍ୟାଳୟର ଛାତ୍ରଛାତ୍ରୀମାନେ ହାତରେ ଉଭୟ ଭାରତ ଏବଂ ଆମେରିକାର ପତକା ଏବଂ ଫୁଲ ଧରି ମେଲାନିଆ ଟ୍ରମ୍ପଙ୍କୁ ସ୍ବାଗତ କରିଥିଲେ। ବିଦ୍ୟାଳୟର ଜଣେ ଛାତ୍ର ମେଲାନିଆ ଟ୍ରମ୍ପଙ୍କୁ ପୁଷ୍ପଗୁଚ୍ଛ ପ୍ରଦାନ କରିଥିଲେ। ଆଳତୀ ଓ ତିଳକ ଜରିଆରେ ବି ସ୍ବାଗତ କରାଯାଇଥିଲା ।

ପରେ ସ୍କୁଲ ଭିତରେ ପ୍ରବେଶ କରିଥିଲେ ମେଲାନିଆ । ସିଧା ଯାଇଥିଲେ ହାପିନେସ୍ କ୍ଲାସ୍ ଭିତରକୁ । ସେଠାରେ ଦୀପ ପ୍ରଜ୍ଜ୍ବଳନ ମଧ୍ୟ କରିଥିଲେ । ଏହି ସମୟରେ କ୍ଲାସରେ ଥିବା ଟିଚିଙ୍ଗ ଷ୍ଟାପ୍ ଓ ପିଲାଙ୍କ ସହ ମେଶ କିଛି ସମୟ ଧରି କଥାବାର୍ତ୍ତା ହୋଇଥିଲେ ମେଲାନିଆ । ସ୍ବାଗତ ପାଇଁ ଗୋଲାପୀ ରଙ୍ଗର ଲେହେଙ୍ଗା ପିନ୍ଧିଥିବା ଜଣେ ଛାତ୍ରୀ ସହ ବେଶ କିଛି ସମୟ କଥାବାର୍ତ୍ତା କରିଥିଲେ ଆମେରିକାର ଫାଷ୍ଟ ଲେଡି । ପରେ ସ୍ମୃତିସ୍ବରୂପ ତାଙ୍କୁ ମଧନବନୀ ପେଣ୍ଟିଙ୍ଗ ଗିଫ୍ଟରେ ଦିଆଯାଇଥିଲା ।

କ୍ଲାସ୍‌ରୁମ୍‌ରୁ ବାହାରିବା ପରେ ପିଲାଙ୍କ ଯୋଗ ଦେଖିବା ପାଇଁ ଅଟକିଥିଲେ ଆମେରିକାର ପ୍ରଥମ ମହିଳା । ଏହା ପରେ ପିଲାଙ୍କ ଡ୍ୟାନ୍ସ ମଧ୍ୟ ଏନଜୟ କରିଥିଲେ । ଗୀତର ତାଳେ ତାଳେ ସ୍କୁଲପିଲା ପାଦ ମିଳାଉଥିବା ବେଳେ ତାଳି ବଜାଇ ମଜା ନେଉଥିଲେ ମେଲାନିଆ ।  ଆମେରିକାର ପ୍ରଥମ ମହିଳା ମେଲାନିଆ ଟ୍ରମ୍ପ କୁନି କୁନି ପିଲାଙ୍କ ଗହଣରେ ପିଲାଙ୍କ ସହ କଥାବାର୍ତ୍ତା ବି ହୋଇଥିଲେ । ସୌହାର୍ଦ୍ଦ୍ୟପୂର୍ଣ୍ଣ ଢଙ୍ଗରେ ପରସ୍ପର ସହ ସହାବସ୍ଥାନ କରିବାକୁ କିଭଳି ପିଲାମାନଙ୍କୁ ଶିକ୍ଷା ଦିଆଯାଉଛି, ତାହା ମେଲାନିଆ ଦେଖିବାକୁ ପାଇଥିଲେ। ଏହି ଅବସରରେ ସେ ଭାରତ ଆସି ବହୁତ ଖୁସି ବୋଲି କହିଛନ୍ତି ମେଲାନିଆ ।

ଦିଲ୍ଲୀର ଏହି ସରକାରୀ ସ୍କୁଲ ଛାତ୍ରଛାତ୍ରୀଙ୍କ ଗହଣରେ ମେଲାନିଆ ପ୍ରାୟ ଏକ ଘଣ୍ଟା ବିତାଇଥିଲେ । ସାଧାରଣତଃ ଭାରତର ଲୋକେ ବହୁତ ସରଳ ଓ ବିନମ୍ର ଏବଂ ଭାରତରେ ମିଳିଥିବା ଆତିଥ୍ୟ ପାଇଁ ସେ ଅଭିଭୂତ ବୋଲି କହିଛନ୍ତି ।

ସେହିପରି ଦିଲ୍ଲୀ ସ୍କୁଲରେ ପ୍ରଚଳିତ ଶିକ୍ଷା ବ୍ୟବସ୍ଥା ଦେଖି ବେଶ ଇମ୍ପ୍ରେସ ହୋଇଥିଲେ ଆମେରିକାନ୍ ଫାଷ୍ଟ ଲେଡି । ଏଭଳି ମଡେଲ୍ ସାରା ବିଶ୍ବ ପାଇଁ ଏକ ଉଦାହରଣ ବୋଲି କହିଥିଲେ ।

ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଦିଲ୍ଲୀର ସରକାରୀ ସ୍କୁଲରେ ‘ଆନନ୍ଦମୟ ଶ୍ରେଣୀ ଶିକ୍ଷା’ ବ୍ୟବସ୍ଥାର ପ୍ରଚଳନ କରିଛନ୍ତି । ତେବେ ମେଲାନିଆଙ୍କ ଗସ୍ତ ବେଳେ ନା କେଜ୍ରିୱାଲ, ନା ସିସୋଦିଆ କାହାକୁ ବି ନିମନ୍ତ୍ରଣ କରାଯାଇନଥିଲା । ତେବେ ଶିକ୍ଷା ବ୍ୟବସ୍ଥାକୁ ଦେଖି ମେଲାନିଆ ସନ୍ତୋଷ ପ୍ରକାଶ କରିବା  ପୂର୍ବରୁ କେଜ୍ରିୱାଲ ମଧ୍ୟ ଟ୍ବିଟରରେ ଖୁସିବ୍ୟକ୍ତ କରିଥିଲେ । ଦିଲ୍ଲୀ ଶିକ୍ଷକ ଓ ଛାତ୍ରଛାତ୍ରୀ, ବିଶେଷ କରି ଦିଲ୍ଲୀବାସୀଙ୍କ ପାଇଁ ଏ ବହୁତ ବଡ଼ଦିନ । ମେଲେନିଆ ଆ ସ୍କୁଲରୁ ହାପିନେସ୍‌ର ସନ୍ଦେଶ ନେଇ ଫେରିବେ ବୋଲି ଟ୍ବିଟରରେ ଉଲ୍ଲେଖ କରିଥିଲେ କେଜ୍ରିୱାଲ ।

ତେବେ ଦିଲ୍ଲୀର ଶିକ୍ଷା ବ୍ୟବସ୍ଥା ଦେଖି ମେଲେନିଆ ଖୁସି ହେବା ନିଶ୍ଚିତ ଭାବେ ଭାରତ ପାଇଁ ବହୁତ ବଡ଼ କଥା । ଏହାକୁ ନେଇ ପୂରା ଦେଶବାସୀ ବି ଗର୍ବ କରିବା କଥା ।

   Related Posts