ଚୌଦ୍ୱାର, ୧୭/୦୫: ଟ୍ରକକୁ ପଛରୁ ପିଟିଲା ସ୍କୁଟି । ମହିଳା ଗୁରୁତର । ଏପରି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି କଟକ ଜିଲ୍ଲା ଚୌଦ୍ୱାର ମଙ୍ଗୁଳି ଛକରେ । ୧୬ ନଂ ଜାତୀୟ ରାଜପଥ ମଙ୍ଗୁଳିଠାରେ ଥିବା ହନୁମାନ ପେଟ୍ରୋଲ ପମ୍ପ ସମ୍ମୁଖରେ ଏହି ଦୁର୍ଘଟଣା ଘଟିଛି ।
ସୂଚନା ଅନୁସାରେ, ମହିଳାଜଣଙ୍କ କଟକରୁ ଯାଜପୁର ଯାଉଥିବା ସମୟରେ ଦୁର୍ଘଟଣାର ଶିକାର ହୋଇଛନ୍ତି ।ତାଙ୍କ ଅବସ୍ଥା ଗୁରୁତର ରହିଛି । ଚାଙ୍କୁ ଟାଙ୍ଗୀ ପୋଲିସ ଉଦ୍ଧାର କରି କଟକ ବଡ଼ ଡାକ୍ତରଖାନାକୁ ପଠାଇଛି ।
ଏହାସହ ଘଟଣା ସ୍ଥଳରୁ ପୋଲିସ ସ୍କୁଟିକୁ ଜବତ କରିଥିବା ବେଳେ ଟ୍ରକଟି ଘଟଣା ସ୍ଥଳରୁ ଖସି ପଳାଇଛି । ତେବେ ବେଆଇନ ଭାବେ ରାସ୍ତା ଉପରେ ପାର୍କିଂ କରିଥିବା ଟ୍ରକ ପଛପଟେ ସ୍କୁଟିଟି ଧକ୍କା ହୋଇଥିଲା ସୂଚନା ମିଳିଛି ।
