ନୟାଗଡ ୩୦/୧୧ : ଖୋର୍ଦ୍ଧା ବଲାଙ୍ଗୀର ଜାତୀୟ ରାଜପଥର ଦଶପଲ୍ଲା ଥାନା ଅନ୍ତର୍ଗତ ଚୁମୁକି ଢାବା ନିକଟରେ ବ୍ରିଜ୍ ତଳକୁ ଖସିପଡି ଜଳିଗଲା ଟ୍ରକ୍ । ଡ୍ରାଇଭରର ଖୋଜଖବର ମିଳିନଥିବାବେଳେ ଦୁର୍ଘଟଣାର କାରଣ ଜଣାପଡିନାହିଁ। ଖାଲିଥିବା ଟ୍ରକଟି ମଙ୍ଗଳବାର ସନ୍ଧ୍ୟାରେ ଦଶପଲ୍ଲା ପଟୁ ବଲାଙ୍ଗୀର ଦିଗକୁ ଯାଉଥିବାବେଳେ କୌଣସି କାରଣରୁ ଚୁମୁକି ଢାବା ନିକଟରେ ଥିବା ବ୍ରିଜ୍ ତଳକୁ ଖସିପଡିଥିଲା । ପରେ ଟ୍ରକଟି ହୁତହୁତ୍ ହୋଇ ଜଳିଥିଲା । ରାସ୍ତାରେ ଯାଉଥିବା ଲୋକମାନେ ଜଳୁଥିବା ନିଆଁକୁ ଲିଭାଇବାକୁ ଚେଷ୍ଟା କରିବା ସହ ପୋଲିସ ଏବଂ ଦମକଳକୁ ଖବର ଦେଇଥିଲେ । ତେବେ ଗାଡିରେ କେହିନଥିବା ଏବଂ ଗାଡିଟି ଦଶପଲ୍ଲା ଅଞ୍ଚଳର ବୋଲି ପୋଲିସ ସୂଚନା ଦେଇଛି । ଦୁର୍ଘଟଣା ପରେ ଡ୍ରାଇଭର ଫେରାର୍ ହୋଇଯାଇଥିବା ଅନୁମାନ କରାଯାଉଛି ।
ସୋନପୁର ସମାବେଶ ପରେ ପ୍ରାର୍ଥୀ ଓ କାର୍ଯ୍ୟକର୍ତ୍ତାଙ...