Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରୋଗୀଙ୍କ ମୁଣ୍ଡରେ କ୍ରିକେଟ ବଲ୍ ଭଳି ବ୍ଲାକ୍ ଫଙ୍ଗସ୍, ଆଇଜିଆଇଏମଏସରେ ଅପରେସନ କରି ବାହାର କଲେ ଡାକ୍ତର
  • ||
  • ୧୬ରୁ ଖୋଲିବ ସମସ୍ତ କେନ୍ଦ୍ରୀୟ କୀର୍ତ୍ତିରାଜି, କୋଭିଡ଼ କଟକଣା ମାନିବାକୁ ASI ପକ୍ଷରୁ ନିର୍ଦ୍ଦେଶନାମା
  • ||
  • ମୁହାଁମୁହିଁ ହେଲେ ୨ କାର୍, ସାମ୍ବାଦିକଙ୍କ ସମେତ ୩ ଗୁରୁତର
  • ||
  • ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ ପୂର୍ବରୁ ଜାଡେଜାଙ୍କ ଦମଦାର୍ ବ୍ୟାଟିଂ : ବଢିଲା ନ୍ୟୁଜିଲାଣ୍ଡର ଚିନ୍ତା, ବିସିସିଆଇ ପୋଷ୍ଟ୍ କଲା ଭିଡିଓ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୪୩୩୯ କୋଭିଡ୍ ପଜିଟିଭ୍ ଚିହ୍ନଟ
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୩୪୬ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ମୋହନା ବାପା-ପୁଅ ହତ୍ୟା ଘଟଣା : ୧୨ ଅଟକ, ଗୁଣି ଗାରେଡି ସନ୍ଦେହରୁ ଡବଲ୍ ମର୍ଡର୍ !
  • ||
  • ଇସ୍ରାଏଲ୍‌ରେ ସରିଲା ନେତ୍‌ନ୍ୟାହୁଙ୍କ ଶାସନ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ସାରା ରାଜ୍ୟକୁ ଛୁଇଁଲା ମୌସୁମୀ : ୧୬ ଯାଏଁ ପାଗ ମେଘୁଆ, ହେବ ବିକ୍ଷିପ୍ତ ବର୍ଷା
  • ||

ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଚାଲିଛି ଅର୍ଥନୈତିକ ଅବରୋଧ: ଥଣ୍ଡା କାକରରେ ହନ୍ତ ସନ୍ତ ହେଉଛନ୍ତି ଟ୍ରକ ଡ୍ରାଇଭର୍ ଓ ହେଲପର୍

8/01/2019 at 5:17 PM

ସମ୍ବଲପୁର୮|୧: ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଚାଲିଥିବା ଅର୍ଥନୈତିକ ଅବରୋଧର ଆଜି ହେଉଛି ଦ୍ବିତୀୟ ଦିନ । ଜାତୀୟ ରାଜପଥ ଉପରେ ଠିଆ ହୋଇ ରହିଛି ହଜାର ହଜାର ଟ୍ରକ୍ ।  ପ୍ରବଳ ଥଣ୍ଡାରେ  ଡ୍ରାଇଭର ଓ ହେଲ୍‌ପରଙ୍କ ଅବସ୍ଥା ପୁରା ବାର୍ ବାଜିଗଲାଣି । 

 ଦିନ ବେଳେ ବି  ଆନ୍ଦୋଳନକାରୀମାନେ ନିଆଁ  ପାଖରେ ବସି ରହୁଛନ୍ତି । ହେଲେ ଆନ୍ଦୋଳନ ଯୋଗୁଁ ଅଟକି ରହିଥିବା ଟ୍ରକ ଡ୍ରାଇଭର ଓ ହେଲପର୍‌ଙ୍କ ଦୁର୍ଦ୍ଦଶା କଥା ସମସ୍ତେ ଭୁଲି ଯାଇଛନ୍ତି । ରାସ୍ତାକଡରେ କିଏ ଷ୍ଟୋଭ ଲଗେଇ ରୁଟି କରୁଛି ତ ଆଉ କିଏ କାଠକୁଟା ସଂଗ୍ରହ କରି ଚୁଳି ଜଳାଉଛି  ଖାଦ୍ୟ ପ୍ରସ୍ତୁତି ପାଇଁ । ତାପମାତ୍ରା ୯ ଡିଗ୍ରୀ ତଳେ ।ଥଣ୍ଡାରେ ଦେହ କୋଲମାରିଯାଉଛି ।  ନିଆଁ ଲଗାଇ ତା ନିକଟରେ ବସି, ଠିଆଠିଆ ରାତି କଟାଇ ଦେବାକୁ ନିଷ୍ପତ୍ତି ନେଇଛନ୍ତି କେତେଜଣ । କାରଣ ଟ୍ରକ୍‌ରେ ଲୋଡ୍‌ ହୋଇଛି ଖଣିଜ ଦ୍ରବ୍ୟ । ଯଦି ଚୋରି ହୋଇଯାଏ, କିମ୍ବା ଟ୍ରକ୍‌ରେ କିଏ ନିଆଁ ଲଗାଇଦିଏ ତାହେଲେ କଥା ସରିଲା । ତେଣୁ ଭାଗ୍ୟକୁ ଆଦରି ପଡ଼ିବା କଥା ।

ଦେଶର କୌଣସି ସ୍ଥାନରେ ବି,ଧର୍ମଘଟ,ବନ୍ଦ ପାଳନ କରାଗଲେ, ପ୍ରଥମ ଟାର୍ଗଟ୍‌ ରେ ରହିଥାନ୍ତି ଭାରୀଯାନ । ଗୋଟିଏ ଦିନ ଧର୍ମଘଟ କିମ୍ବା ବନ୍ଦ ହେଲେ ଅଲଗା କଥା। ତିନିଦିନ ଧରି ଜାତୀୟ ରାଜପଥ ଉପରେ ଟ୍ରକ୍‌ ଠିଆ କରି, ଏହାର ଚାଳକ ଓ ସହଯୋଗୀ ନା କୁଆଡେ ଯାଇପାରିବେ, ନା ଟ୍ରକ୍‌ ନିକଟରେ ସୁବିଧାରେ ରହିପାରିବେ। ଦିନରେ ଦୋକାନ ବଜାର ବନ୍ଦ ।  ବାହାରେ ଖାଇବାକୁ ମିଳିବ ନାହିଁ ।  ଆଉ ରାତିରେ ପ୍ରବଳ ଥଣ୍ଡା ସାଙ୍ଗକୁ ରାସ୍ତାକଡରେ ରୋଷେଇ କରି, ଯେନତେଣ ପ୍ରକାରରେ, ଏମାନେ ଜୀବନ ବିତାଇବାକୁ ବାଧ୍ୟ ହୋଇଥାନ୍ତି ।

ନିଜ ଦାବି ହାସଲ ପାଇଁ ଆନ୍ଦୋଳନ କରିବେ କିଛି ଲୋକ । ଆଉ ଏହି ଆନ୍ଦୋଳନ ଯୋଗୁ, ପ୍ରଭାବିତ ହେବେ, ଆନ୍ଦୋଳନ ସହ ଜଡିତ ନଥିବା ଶହଶହ ଅନ୍ୟ ଲୋକ ।

   Related Posts