ଗୟା ୧୫।୦୬: ବିହାର ଗୟା ଜିଲ୍ଲାର ଆମସ ଥାନା ଅଞ୍ଚଳରେ ଥିବା ଜେଟି ରୋଡରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ସୋମବାର ଦିନ ଦ୍ରୁତ ଗତିରେ ଆସୁଥିବା ଟ୍ରକ ଦୁଇଟି ଅଟୋକୁ ଧକ୍କା ଦେଇଛି । ଦୁର୍ଘଟଣାରେ ୮ଜଣଙ୍କ ମୃତ୍ୟୁ ହୋଇଯାଇଛି । ଘଟଣାସ୍ଥଳରେ ୬ଜଣଙ୍କ ମୃତ୍ୟୁ ହୋଇଥିବା ବେଳେ ୨ଜଣ ମେଡିକାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଯାଇଛି । ସେହିପରେ ଦୁର୍ଘଟଣାରେ ୧୦ରୁ ଅଧିକ ଲୋକ ଗୁରୁତର ଥିବା ଜଣାପଡିଛି । ସମସ୍ତ ଗୁରୁତରଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ୨ଟି ଅଟୋରେ ୨୦ରୁ ଅଧିକ ଲୋକ ଥିବା ଜଣାପଡିଛି ।
wp:html/wp:htmlBihar: Seven people killed & 12 others injured after a truck hit two autorickshaws they were travelling in near Vishunpur in Amas, Gaya earlier today. The injured people have been admitted to a hospital. pic.twitter.com/xCcyREvccI
— ANI (@ANI) June 15, 2020
ସୂଚନାଯୋଗ୍ୟ ଯେ, ମୃତାହତ ଲୋକଙ୍କ ମଧ୍ୟରେ ଗୟା ଜିଲ୍ଲା ରେଗାନିଆ ଗାଁର ବାସିନ୍ଦା ରହିଥିଲେ । ସମସ୍ତ ଲୋକ ୨ଟି ଅଟୋ କରି ଔରଙ୍ଗାବାଦ ନିକଟରେ ଥିବା ଦେବ ଗାଁରେ ତିଲକ ସମାରୋହରେ ସାମିଲ ହେବା ପାଉଁ ଯାଇଥିଲେ । ସେଠାରୁ ଫେରିବା ସମୟରେ ରାସ୍ତାରେ ଟ୍ରକଟି ଏହି ୨ଟି ଅଟୋକୁ ଧକ୍କା ଦେଇଥିଲା । ଟ୍ରକଟି ଖୁବ୍ଜୋରରେ ଧକ୍କା ଦେବାରୁ ଅଟୋ ଗୁଡିକ ଭାଙ୍ଗିରୁଜି ଯାଇଥିଲା । ତେବେ ଦୁର୍ଘଟଣାର ଖବର ପାଇ ସ୍ଥାନୀୟ ଲୋକ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଲୋକଙ୍କୁ ଉଦ୍ଧାର କରିବାକୁ ଉଦ୍ୟମ କରିଥିଲେ , ପରେ ପୋଲିସ ଓ ସ୍ଥାନୀୟ ପ୍ରଶାସନ ପହଞ୍ଚ ଉଦ୍ଧାର କରିଥିଲେ । କେତେ ଲୋକଙ୍କ ସ୍ଥିତି ବହୁତ ଗମ୍ଭୀର ରହିଥିବା ଜଣାପଡିଛି । ଆହତଙ୍କୁ ଚିକିତ୍ସା ଲାଗି ପ୍ରଥମେ ଗୟା ଜିଲ୍ଲା ଆମସ ଓ ଔରଙ୍ଗାବାଦ ଜିଲ୍ଲାର ମେଡିକାଲରେ ଭର୍ତ୍ତି କରାଯାଇଥିଲା । ଦୁଇଟି ମେଡିକାଲରେ ଚିକିତ୍ସିତ ହେଉଥିବା ଲୋକଙ୍କ ମଧ୍ୟରୁ ମଗଧ ମେଡିକାଲ କଲେଜକୁ ସ୍ଥାନାନ୍ତରିତ କରାଯାଇଛି ।