Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ତେଲ ପକାଇ ଫେରୁଥିଲେ, ମାଡ଼ିଗଲା ଟ୍ରକ୍‌: ବାଇକ୍‌ ଆରୋହୀ ମୃତ

25/10/2020 at 9:54 PM

ଆନନ୍ଦପୁର ୨୫/୧୦: ପେଟ୍ରୋଲ୍‌ ପମ୍ପରୁ ତେଲ ପକାଇ ଘରକୁ ଫେରୁଥିଲେ। ପଛପଟୁ ଧକ୍କା ଦେଲା ଟ୍ରକ। ଘଟଣାସ୍ଥଳରେ ବାଇକ୍ ଆରୋହୀଙ୍କର ଚାଲିଗଲା ଜୀବନ। ଏଭଳି ଏକ ଘଟଣା ଘଟିଛି ଆନନ୍ଦପୁର ଦେଇ ଯାଇଥିବା ୨୦ ନଂ ଜାତୀୟ ରାଜପଥର ଧକୋଠା ଟେଲିଫୋନ ଏକ୍ସଚେଞ୍ଜ ନିକଟରେ ।

ମୃତ ବାଇକ୍ ଆରୋହୀ ସ୍ଥାନୀୟ ଅମାରଙ୍ଗ ଗାଁର କୁନା ନାଇକ । କୁନା ଆଜି ପାଖାପାଖି ରାତି ୯ଟା ସମୟରେ ଧକୋଠା ଟେଲିଫୋନ୍ ଏକ୍ସଚେଞ୍ଜ ଅପରପାର୍ଶ୍ବରେ ଥିବା ପେଟ୍ରୋଲ୍ ପମ୍ପରୁ ବାଇକ୍‌ରେ ତେଲ ପକାଇ ଘରକୁ ଫେରୁଥିଲେ । ଏହି ସମୟରେ ପଛପଟୁ ଦ୍ରୁତଗତିରେ ଆସୁଥିବା ଏକ ଟ୍ରକ୍ ତାଙ୍କ ଉପରେ ମାଡି ଯାଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ଯୁ ଘଟିଥିଲା ।

ଖବର ପାଇ ଘସିପୁରା ପୋଲିସ୍ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇ ଫେରାର ଥିବା ଟ୍ରକ୍ ସମ୍ପର୍କରେ ଯାଞ୍ଚ ଆରମ୍ଭ କରିଛି ।

   Related Posts